Акциз салығы туралы ақпарат

1 Акцизді төлеушілер
2 Акцизделетін тауарлар
3 Акциз ставкалары
4 Акциз сомасын есептеу және төлеу тәртібі
5 Салық кезеңі. Салық декларациясы

Жанама салықтардың бірі – акциз салығы.
Акциздер – бағаға қосылатын және сатып алушы төлейтін тауарларға салынатын салық.
Акциз бюджет кірістерінің 2.7 пайызын құрайды.
Акциздерді өзінің айырмашылықты ерекшеліктеріне қарай монопольды түрде жоғары бағалары мен тұрақты сұранымы болатын тауарларды өндірушілер төлейді.
Акциз әмбебаптық және жеке-дара акциздер деп бөлінеді. Әмбебаптық акциздер тауарлар мен қызметтердің құнына пайызбен жалпы айналымнан өндіріледі. Оларға сатудан алынатын, айналымдардан алынатын салықтарды жатқызуға болады. Ал жеке-дара акциздер айтарлықтай көп болуы мүмкін. Мысалы, Қазақстан Республикасының аумағында өндiрiлген және Қазақстан Республикасының аумағына импортталатын тауарлардың тізбесі және акцизделетін қызмет түрлері.
Акциз салығы:
• Қазақстан Республикасының аумағында өндiрiлген және Қазақстан Республикасының аумағына импортталатын тауарларға.
Акциз салығын төлеушiлер:
1) Қазақстан Республикасының аумағында акцизделетiн тауарлар шығаратын жеке және заңды тұлғалар;
2) акцизделген тауарларды Қазақстан Республикасының кедендiк аумағына импорттайтын жеке және заңды тұлғалар;
3) Қазақстан Республикасының аумағында бензиннiң (авиациялық бензиндi қоспағанда) және дизель отынын көтерме, бөлшек саудада өткізуді жүзеге асыратын жеке және заңды тұлғалар;
4) егер Қазақстан Республикасының заңдарына сәйкес бұрын Қазақстан Республикасының аумағында аталған тауарлар бойынша акциз төленбесе, тәркiленген, иесi жоқ акцизделетiн тауарларды, сондай-ақ мұрагерлiк құқығы бойынша мемлекетке өткен және Қазақстан Республикасының аумағында мемлекет меншiгiне өтеусiз берiлген акцизделетiн тауарларды өткiзудi жүзеге асыратын жеке және заңды тұлғалар;