Алдын ала тергеу кезеңіңдегі прокурордың қадағалауы

1 Қылмыстық іс бойынша куәландыратын құжат
2 Қылмыс жасауға негіз болған жағдайлар
3 Анықтау мен алдын.ала тергеу органдарының қызметі

Прркурор алдын ала тергеудің заңдылығын қылмыстық іс қозғалған сәттен бастап аяқталғанға дейін қадағалауға тиісті. Тергеуші істі аяқтаған соң прокурорға хабарлауға міндетті, содан кейін айыптау қорытындысы іспен бірге айыптау қорытындысын бекіту туралы шешімді қабылдау үшін және істі сотқа жіберу үшін осы істі қадағалайтын прокурорға жіберіледі.
Қылмыстық іске міндетгі түрде айыпталушының жеке басын куәландыратын құжаттар тіркелуі тиіс, оған айыпталушының Республикадан тысқары жерде алдын ала тергеу органдарына келуден жалтарып жүрген айыпталушылар кірмейді.
Қылмыстық іс бойынша куәландыратын құжатқа мыналар жатуы мүмкін: азаматтың төлқұжаты, жеке басының куәлігі, Қазақстан Республикасына шетелден келген адамның қоныстану түрі, азаматтығы жоқ адамның куәлігі, жүргізуші куәлігі, әскери билеті, туу туралы куәлігі (он алты жасқа толмаған адамдар үшін), азаматтың туылғаны туралы жазылған акт.
Тергеушіден түскен қылмыстық іс бойынша айыптау қортындысымен прокурор қылмыстық істі толық әрі мұқият қарап шығуы және тексеруі тиіс (ҚР КІЖК 281-бап):
— айыпталушыға таңылып отырған әрекеттің жасалғанын және бұл әрекетте қылмыс құрамынының бар -жоғын;
— істе оны тоқтатуға әкелетін мән-жайлардың бар-жоғын;
—тағылған айыптың негізді-негізсіз екенін, оның істе бар дәлелдемелермен расталатынын;
—айыпталушыға іс бойынша барлық анықталған және дәлелденген қылмыстық әрекеттері бойынша айып тағылғанын-тағылмағанын;
— қылмыс жасалғаны туралы іс бойынша дәлелдер табылған барлық адамның айыпталушылар ретінде жауапқа тартылғанын -тартылмағанын;
— айыпталушының әрекеті дұрыс сараланғанын саралан-бағанын;
— бұлтартпау шарасының дұрыс тандалғанын-тандалмағанының және істе оны өзгертуге не алып тастауға негіздердің бар-жоғын;
— азаматтық талапты қамтамасыз ету және мүлікті ықтимал тәркілеу шараларының қабылданған-қабылданбағанын;
—айыптау қорытындысының осы Кодекстің тараптарына сәйкес жасалған-жасалмағанын;
—алдын ала тергеу жүргізуде қылмыстық іс жүргізу заңын елеулі бұзушылыққа жол берілгені-берілмегенін тексеру міндетті;
Прокурордың айыптау қорытындысымен келіп түскен іс бойынша әрекеті ҚР ҚІЖК-нің 282-бабына сәйкес, прокурор айыптау қорытындысымен тергеушіден келіп түскен істі қарайды және он тәуліктен аспайтын мерзімде ол бойынша мынадай іс-әрекеттердің бірін жүргізеді:
— өзінің қарарымен айыптау қорытындысымен келісетінін білдіреді және айыпталушыны сотқа береді;