Екінші дүниежүзілік соғыстың аяқталуы

1 Екінші дүниежүзілік соғыстың аяқталуы
2 Потсдам конференциясы және оның шешімдері
3 Халықаралық қатынастардағы Қырым.Потсдам жүйесінің мәні мен маңызы.

Екінші дүниежүзілік соғыс аякталуға жақындаған сайын одақтас мемлекеттер басшылары Германияны тізе бүктіруге, Жапонияны талқандауға қатысты қимылдарды қарастыруға, сондай-ақ келешектегі халықаралық қатынастардың негіздерін белгілеуге мөн бере бастады. 1944 жылы шілдеде Ф.Рузьвелттің И.Сталинге жазған хатында Ұлыбритания, АҚШ, КСРО жетекшілері бас қосып түйінді мәселелерді талқылау туралы ұсыныс жасаған. Сталин біресе майдандағы жағдайларға, біресе өз денсаулығына байланысты себептермең кездесуге дайын еместігін ескерткен. Мүмкін ол Батыстағы одақтастарының екінші майда ашқанынан гөрі, кеңес әскерлерінің ірі жеңістерін күткен болар. Сол жылы казанда У.Черчилль Мәскеуге сапар шеккен. Келіссөзге КСРО-дағы АҚШ елшісі У.А.Гарриман да қатысқан. Бұл жолы олар пікір алысумен шектелсе де, кептеген мәселелер талқыланып, әр елдің көзқарастары анықтала түскен. Үштік одақтың конференциясын 1945 жылы қыс айларына өткізу белгіленіп, әр жақ өз жоспарларын алға салуға қызу кіріскен.
Біріккен Ұлттар Ұйымын құру туралы жоспар. Германия мен оның одақтастарының КСРО-ға шабуылы, сосын Жапонияның АҚШ пен Ұлыбританияға карсы шапқыншылығы фашистік басқыншыларға қарсы күресуші бірқатар мемлекеттердің бірігуін мәжбүр етті. 1941 жылы тамызда Рузвельт пен Черчилль "Атлантика хартиясын" жариялады. Онда олар соғыстың ресми мақсатын анықтады. Бұл құжат антигитлерлік коалицияның бағдарламалық деректерінің негізі болды. "Атлантика хартиясы" демократиялық елдердің аумақтық тұтастығын, бірлігін, өздеріне тиісті басқару жүйесін, жаппай қауіпсіздіктің сенімді жүйесін бекіту ұстанымдарын қолдайтынын айқындады. "Атлантика хартижын" Кеңес Одағы да жақтады. Сейтіп, бірте-бірте антифашистік, антигитлерлік коалиция қалыштаса бастады. Онын негізін әр түрлі қоғамдық жүйедегі үш ірі держава Ұлыбритания, АҚШ және КСРО-ның қарым-қатынасы құрастырды. Антигитлерлік коалицияға басқа да көптеген мемлекеттер қосылды.