Діннің қоғамдағы маңызы

Кіріспе
Негізгі бөлім
1. Діннің қоғам өміріндегі орны
2. Діннің қоғамдағы маңызы
3. Оңтүстік Қазақстандағы қазіргі діни ахуал, ел тұрғындарының діншілдік деңгейі
Қорытынды
Пайдаланылған әдебиеттер

Қазақстан – көп ұлтты және көп дінді мемлекет. Сондықтан мемлекет үшін дінаралық және этносаралық келісімді сақтау, қоғамда діндер аралық диалог және өзара түсіністік ахуалын жасау – еліміздегі азаматтық татулық пен саяси тұрақтылықты сақтау мен нығайтудың маңызды негізі, бірегей тетігі болып табылады.
Дегенмен, кешегі күні өткен кеңестік дәуірдегі бүкіл дін атаулыны жоққа шығарған атеистік тәрбиенің әсері, сондай-ақ түрлі діни наным-сенімдерді ұстанған халқы бар Қазақстанда әр түрлі конфессиялардың қызмет етулеріне көзқарастар әр қилы әрі қарама-қайшылықты.
Мұның себебі, біріншіден, қалың жұртшылықтың бұрыннан жүректеріне ұялап, сенімдеріне айналған дәстүрлі ислам дінінің суниттік, христиан дінінің православиелік бағыттарымен қатар, Қазақстанда халқы үшін беймәлім, жаңа «дәстүрлі емес» конфессиялар қаптап кетті. Сондықтан егемендікке қол жеткізгелі бері берік сақталып келе жатқан конфессияаралық бейбітшілік пен келісімді бұзып алмау үшін көпұлтты, көптілді және көпконфессиялы Қазақстан үшін халқы арасында дінаралық төзімділікті сақтау өте маңызды.
Екіншіден, дін бүгінгі таңда рухани жаңғырудың өзегі ретінде өте маңызды әлеуметтік институт. Ол қоғамдағы әр түрлі әлеуметтік топтардың мүдделерін білдіретін саяси күштермен ықпалдаса отырып, қазіргі қоғамдық дамудың барысына кәдімгідей әсер етіп келеді.
Сондықтан, діннің мәртебесі, яғни оның қоғам өміріндегі шынайы жағдайы мен рөлі, сондай-ақ, бір жағынан қоғамның, онда жүріп жатқан үрдістердің дінге тигізіп отырған ықпалы, екінші жағынан, діннің қоғамның дамуына тигізіп келе жатқан кері әсері туралы ғылыми тұрғыдан негізделген пайымдаулар керек-ақ. Сонымен қатар, әр түрлі конфессиялардың ішіндегі діни үрдістерді, оларды тұтынушы жеке адамдар мен әлеуметтік топтардың ұстанып отырған әлеуметтік және саяси бағдарларын бағамдаулар да өте актуалды, өз шешімін күтіп отырған проблемалар қатарында саналады.
Дегенмен, дүниежүзілік социологиялық әдебиетте діннің мәні, қоғамда атқаратын қызметі қарастырылған еңбектер баршылық. Олардың алдыңғы қатарында социология ғылымы классиктері О. Конттың,
Г. Спенсердің, Э. Дюркгеймнің, М. Вебердің, Б. Малиновскийдің, А. Радклифф-Браунның, Р. Мертонның, Т. Парсонстың,
П. Сорокиннің, П. Бергердің, Ф. Энгельстің, т.б. еңбектерін атауға болады.
Ресейлік ғалымдар Д.М. Угруновичтің, Л.М. Ефимовтің, П. Яковлевтің, Ж.Т. Тощенконың, А.С. Кравченконың, В.И. Гараджаның, М.П. Мчедловтың, т.б. еңбектерінде діни сенім бостандықтары мәселелері көтерілген.
Дегенмен, жоғарыда дәлелдеп өткеніміздей, бір жағынан, қоғамның, онда жүріп жатқан демократиялық, рухани және адамгершілік тұрғыдан дінге тигізіп отырған әсерін, сондай-ақ әр түрлі конфессиялар қайнарында тестіленген ырым-сенімдердің, оларды тұтынушылардың әлеуметтік бағдарларын бағамдау қажеттілігі зерттеу жұмысына жауапкершілік жүктеп, зерттелуі керекті мәселені пысықтап беріп отыр.

1 Конт О. Позитивтік философия рухы / Әлемдік әлеуметтану антологиясы. 10 томдық. – Алматы: Қазақстан, 2005. – 1 т.: Мәдени мұра бағдарламасы. – 84-95 бб.
2 Спенсер Г. Әлеуметтану тұғырлары / Әлемдік әлеуметтану антологиясы. 10 томдық. – Алматы: Қазақстан, 2005. – 1 т.: Мәдени мұра бағдарламасы. – 246-261 бб.
3 Вебер М. Социология религии / Типы религиозных сообществ: Избранное. – М., 2007. – 427 с.
4 Дюркгейм Э. Қоғамдық еңбек бөлінісі туралы / Әлемдік әлеуметтану антологиясы. 10 томдық. – Алматы: Қазақстан, 2005. – 1 т.: Мәдени мұра бағдарламасы. – 12-36 бб.
5 Религия и общество: Хрестоматия по социологии религии. – М., 2004. –Часть 1. – С. 35-69.
6 Радугин А. Введение в религиоведение. – М., 2002. – 197 с.
7 Назарбаев Н.Ә. Сындарлы он жыл. – Алматы: Ата мұра, 2003. – 240 б.
8. Қазақстан: діни экстремизмге орын жоқ / «Өзбекәлі Жәнібеков
оқулары – 2010» атты Қ. А. Ясауи атындағы ХҚТУ-де өткен халықаралық ғылыми-тәжірибелік конф. материалдары. 3-4 наурыз. – Түркістан, 2010. – 387-393 бб.