Бесігіміз бұзылып бара жатқан жоқ па?

1 Жасөспірімдер қылмысы
2 Жасөспірім қылмысының алдын алу

Соңғы уақытта республикамыздың барлық аймақтарында жасөспірімдер қылмысы белең алып тұр. Бұған қоғам арасында орынды алаңдаушылық та артып келеді.
Соңғы жылдары дамыған, етек-жеңі жиюлы әлем елдерінің барлығы да «бе¬сігін түзеп» бала тәрбиесін алдыңғы орынға қойып отырғаны шындық. Кейінгі жылдардағы Еуропа елдерінің ішкі демографиялық ахуалымен қоса, баланы бағып қағуға жұртшылықтың назарын аудару үшін мемлекет тарапынан нақты шаралар да атқарыла бастағаны аян.
Басқа елдерді айтпаған күн¬нің өзін¬де, ел ішіндегі бір дәп¬тер үшін өзінің сыныптасын атып тастаған, бір ауыз сөзді көтере алмай досын пышақтаған ауыр қылмыстар жастардың арасынан жиі көрініс тауып отыр. Өткен 2007 жылдың ішінде жас¬өспірімдердің қатысуымен 3 мың¬нан астам қылмыстық оқиға тір¬келінген. Елімізде орын алған әрбір алтыншы қылмыс сол балалардың үлесіне тиеді екен. Сондай-ақ, жасөспірімдер арасында есірткіге әуестенушілер соңғы 4-5 жыл деңгейінде үш есе артқан.
Осы ретте таяуда ғана Талдықорғанда 11-сыныптың бір оқушысы мен кол¬ледждің екі студенті Б. Жолбарысұлы атындағы №18 мектептің күзетшісін ас¬қан айуандықпен өлтіргені анықталды. Талдықорған Ішкі істер басқармасының хабарлағанындай, облыс полицейлері жедел-іздестіру шаралары барысында адам өлтірді деген кү¬дікпен кәмелетке толмаған екі азамат пен 18 жастағы тағы бір жігітті ұстады. Әлгілер өз кінә¬ларын мойындап отыр. Поли¬цейлердің айтуынша, атпалдай азаматтың өмірін қиған жас қа-нышерлердің тапқан пайдасы екі қымбат ұялы телефон мен 10 мың теңге болған. Тағы да Қос¬танай қаласында жасөспірімдер арасында құлақ естімеген ірі қылмыс жасалды. 15 жасар жоғары сынып оқушысы 18-жастағы достарымен бірге сыныптасының пәтеріне түсіп, 1 миллион теңге, 1000 АҚШ долларын, 1000 евроны, ноутбук пен ұялы телефонды жымқырып кеткен. Сондай-ақ, Астанада үш ер адамды бауыздап, 1 әйелді зорлап кеткен жасөспірімдер қолға түсті. Астана қалалық Ішкі істер де¬пар¬та¬мен¬тінің Қылмыстық полиция басқармасының бастығы Ма¬рат Төлебаевтың айтуынша, бұл елорда маңындағы «Автоматика» ауылында болған. «Сол түні спирттік ішімдікке тойып алған үш жасөспірім күштері бойларына сыймай, «қызықты оқиға» іздеп көшеге шығады. Ауылда ішімдікке салынған азаматтардың бас қосатын арнайы үйі (притон) барын бі¬летін олар бірден солай қарай бет алады. Үйге кіре салысымен үшеуі ондағы адамдарға аты-жөні жоқ тарпа бас салады. Сөйтіп үй¬дегі 3 адамды әбден теп¬кілеп, балталайды, пышақ салады. Ал жалғыз әйелді зорлаған және өлімші етіп сабаған», дейді басқарма бастығы.