Microsoft Outlook программасында электрондық почтамен жұмыс істеу

Пән: Информатика, Программалау, Мәліметтер қоры
Жұмыс түрі: Материал
Тегін: Антиплагиат
Көлемі: 12 бет
Таңдаулыға:

Microsoft Outlook программасында электрондық почтамен жұмыс істеу

Microsoft Outlook программасы Интернетте пайдаланылатын стандарттар негізінде жасалып, электрондық почтамен және жаңалыктармен жұмыс істеуге арналған.

Microsoft Outlook 5. 0 нұсқасында мынадай жаңа қызмет түрлері атқарылады:

- Бірнеше пайдаланушыларға арналған куәлік. Куәліктер диспетчерін пайдалана отырып, Outlook Express программасы пайдаланушылары үшін жеке-жеке баптау параметрлерін беруге болады. Ол параметрлер басқа қолданбалы программаларда да пайдаланылады (мысалы, Windows-тің адрестік кітабында) .

- Hotmail қызмет бабының есепке алу жазбаларын сүйемелдеу. Мұнан былай Outlook Express программасы Hotmail қызмет бабының барлық бумаларымен жұмыс істей алады, сонымен бірге Hotmail қызмет бабының есепке алу жазбаларындағы байланыстарды Windows адрес кітабындағы байланыстармен үйлестіре алады.

- Дербес (автономды) жұмыс істеу және хабарламаларды үйлестіру, реттеу (синхрондау) . ІМАР жаңалықтары мен бумаларын автономдық режимде жүктеуге болады.

Автономдық режимде жасалатын әрекеттер (хабарлама жіберу, хабарламаларды ІМАР есепке алу жазбалары көлемінде жылжыту) желіге қосылғанда да орындала береді.

- Байланыстар терезесі. Бұдан былай Windows адрес кітабындағы жазбаларға Outlook Express программасының негізгі терезесінен қатынас құруға бола береді.

- Хабарламалар үшін кеңейтілген ережелер. "Кеңейтілген" деген ұғымға бірсыпыра қосымша параметрлер мен әрекеттер кіреді. Олар белгілі бір хат иелерінен хабар алдырмау мүмкіндігін енгізуді және жаңалықтар тобынан алынатын хабарламаларға арналған ережелер жасау істерін де қамтиды.

- Бірнеше қолтаңбаларды пайдалану. Сандары шектеусіз көптеген қолтаңбалар жасап оларды пайдалануға болады, олардың әрқайсысын бір немесе бірнеше жаңалықтармен немесе почтаның есепке алу жазбаларымен байланыстыру мүмкіндігі бар.

- Қауіпсіз почтаны (S/MIME стандарты) пайдалану. Outlook Express программасы әр компьютерде орнатылған цифрлық куәліктерді автоматты түрде іздеп табады да, оларды почтаның есепке алу жазбаларымен байланыстырады. Сонымен қатар программа адрес кітабына басқа да хабар жөнелтушілердің цифрлық куәліктерін қосып қояды.

- Телефон нөмірін теру. Адрестік кітапта көрсетілген кез келген нөмірді компьютердегі нөмір теріп программа арқылы теруге болады.

- Түзетілмеген және жөнелтілген хабарламалар. Outlook Express программасы аяқталмаған хабарламаларды ІМАР серверінің "Жөнделмеген" (Черновики) бумасында сақтай алады, ал жіберілген хабарламаларды "Жөнелтілген" (Отправленные) бумасында сақтайды.

- ІМАР бумалар диспетчері. Бумалар тізімінде ІМАР бумаларын бейнелеуді немесе жасырып қоюды беру мүмкіндігі бар (жазылу жүргізілген бумалар ғана бейнеленеді) .

- Интернет каталогтарында кеңінен іздеу. Каталогтар серверінде (LDAP) мәлімет іздеу ісін қосымша параметрлер мен логикалық операторларды пайдалану арқылы жүргізуге болады.

- Талқылауды қарап шығу және өткізіп жіберу. Почтадағы немесе жаңалықтардағы талқылауларды "көрінетін" деп белгілеу қажет. Осы талқылауға келіп түсіп жатқан хабарламалар бейнеленіп тұрады. Талқылауды «Өткізіп жіберілген» деп белгілесек, оған келіп түсіп жатқан хабарламалар бейнеленбейді.

- Гипермәтіндік хабарламаларды түзету. Гипермәтіндік (HTML) хабарламаларды редакциялап, олардың ішінде HTML тілінің кеңейтілген нұсқасының тегтерін пайдалануға болады.

Хабарламалар үшін бапталатын сүзгілер. Кескіндемелерді баптау кезінде пайдаланылатын оннан аса параметрлер бар. (Кескіндеме - хабарламаны бейнелеу немесе жасыру ережесі) .

- Қажетсіз хабарламаларды електен өткізу. Қажет етілмейтін почтаны, яғни белгілі бір адамдардан келген хабарламаларды немесе мазмұны сәйкес келмейтін хабарламаларды бергізбеу үшін бақылау енгізуге болады.

- Бланктерді жасау шебері. Гипермәтіндік бланктерді жасау процесі оңайлатылған. Бланктерде шеткі өрістерді, қаріптерді, фондық суреттерді және мәтін түстерін беруге болады.

- Байланыстарды баптауды оңайлату.

Outlook Express программасында электрондық почтаны оқу үшін қолданылатын мәлімет алмасу жүйесі SMTP және РОРЗ, ІМАР немесе HTTP хаттамаларын сүйемелдейтін болуы тиіс. Егер сіздерде пайдаланылатын почта жүйесі осы айтылған хаттамаларды сүйемелдейтіні не сүйемелдемейтіні белгісіз болса, онда Интернет қызметін ұйымдастырушыдан немесе желі әкімшісінен сұрап білу керек.

Outlook Express программасы хабарламаны қабылдап алғаннан кейін немесе аспаптар тақтасындағы Почтаны жеткізу батырмасын басқаннан соң, сол хабарламаны көру аймағында немесе жеке терезеде оқуға болады. Ол үшін:

1. Бумалар тізімінде немесе Outlook тақтасында Кіретіндер бумасының белгішесін шерту керек.

2. Хабарламаны көру аймағына шығарып қарау үшін хабарламалар тізіміндегі керектісін шерту қажет.

Хабарламаны жеке терезеде оқу үшін тізімдегі оның атында тышқанды екі шерту керек.

Outlook Express программасын Usenet тәрізді жаңалықтар тобын немесе талқылау тобын оқу үшін де қолдану мүмкіндігі бар. Жаңалықтар тобымен жұмыс істеу NNTP жаңалықтар сервері арқылы орындалады. Қандай жаңалықтар серверін пайдаланатынымызды Интернет қызметін ұсынушыдан немесе желі әкімшісінен білуге болады. Outlook Express программасы көмегімен msnews. microsoft. com жаңалықтар серверінде Microsoft корпорациясы өнімдері жайлы мәлімет алуға болады.

Хабарламаны жөнелту үшін мына әрекеттер орындалады:

Аспаптар тақтасындағы Хабарлама жасау батырмасын басу
Кімге және/немесе Көшірме өрісіне барлық хат алушылардың электрондық почта адрестерін оларды үтір немесе нүктелі үтірмен бөле отырып енгізу;
Адрестік кітаптағы алушыны таңдау үшін, хабарлама жасаушы

терезедегі Кімге, Көшірме және СК алаңында қатар орналасқан кітап белгішесіне шертіңіз, және қажет адресті таңдаңыз.

СК алаңын пайдалану үшін, Түр менюінен Барлық тақырыпшаны таңдаңыз.
Мәтін алаңында хабарлама тақырыбын көрсетіңіз.

6. Хабарлама мәтінін енгізіңіз және хабарлама жасаушы аспаптар тақтасынан Жөнелту батырмасын басыңыз.

Мәтіндік хабарламаларды форматтау

Егер сіз қандай да бір фрагментті ерекшелеп белгілегіңіз немесе хабарлама мәтіні құрылымын бергіңіз келсе (қалыңдатылған қаріппен, түспен белгіленсе, маркелік тізімдерді пайдалансақ т. с. с), Интернетте мәтінді форматтау стандарты болып табылатын HTML гипермәтіндік белгілсу тілді қолдануға болады. HTML гипермәтіндік белгілеу тілін қолдану сіздің хабарламаңызға графика және Web-тораптарға сілтемелерді орналастыру мүмкіндігін береді.

Егер де сіз өзіңіздің хабарламаңызда гипермәтіндік белгілеу тілін қолдансаңыз, ал хабар алушының почтаны немесе жаңалықтарды оқу программасы гипермәтіндік белгілеу тілін сүйемелдемесе, хабарлама құрамында HTML-файлы бар жәй мәтін түрінде болады. HTML форматтауы бар хабарламаларды тек MIME (Multipurpose Internet Mail Extensions - Интернет почтасын көпмақсатты кеңейту) форматын сүйемелдейтін почталық программалар оқи алады.

Адрестік кітап. Outlook Express программасының құрамына Windows адрестік кітабы қосылған. Бұл программа байланыс мағлұматтарын басқару оған қоса байланыс топтарын, хабарламаларды және электрондық почта адрестерін сорттайтын бума құру сияқты кең мүмкіншіліктер береді. Windows адрестік кітабы LDAP (каталогтарға жеңілдетілген қатынас құру хаттамасы) қолданатын Интернет хаттамаларына қатынас құру қызметін атқарады. Интернет хаттамалары жәй адрестер мен электрондық почта адрестерін іздестіру процесін жеңілдетеді. Адрестік кітап программасында бірнеше танымал бумаларға қатынас құру қызметі бапталған.

Электрондық почтамен жұмыс істеуге арналған танымал программалар (шолу)

Eudora

Eudora - Интернетпен бірге жұмыс істейтін кең тараған программалардың бірі. Ол желіге қосылу арқылы немесе РРР и SLIP протоколдары көмегімен қашықтан қатынасу жолымен поштаны автономды оқу программасы тәрізді Unix жүйесіндегі интерактивті қатынасу режимінде жұмыс істей береді.

Eudora программасының Eudora Lite атты тегін берілетін көшірмесін мына Web-адрестен алуға болады: http://www. eudora. com. Бұл программаның көптеген командалары Message менюі арқылы орындалады. Мысалы, мәлімет жөнелту үшін Message=>New Message командасын орындау керек (немесе Windows үшін Ctrl+N, ал Macintosh үшін Command+N пернелерін басса болғаны) . Сонан соң кімге жіберілетінін көрсететін адрес енгізіледі де, Tab пернесі - енгізу нүктесі сұр сызық аймағына сәйкес келгенше - бірнеше рет басылады. Осыларды орындаған соң, хабарлар терезесінің оң жақ жоғарғы бұрышындағы Send батырмасын (оның орнына Queue батырмасы болуы да мүмкін) басу керек. Бұдан соң хабарлама жөнелтілетін хаттар тізіміне қосылып, кейінірек программаның жұмыс сеансы біткенде немесе байланыс орнатылғанда жөнелтіледі.

Eudora программасында келген поштаны тексеру үшін, File=»Check Mail командасын немесе Ctrl+M (Macintoch үшін Command+M) пернелерін басу қажет. Сонда Eudora POP (POP - Post Office Protocol, яғни пошта протоколы) серверіне қосылып, осы адреске келген барлық поштаны алып алады.

Оқылмаған хабарламалар Inbox терезесінің сол жақ бөлігінде үлкен нүктемен (маркермен) белгіленіп тұрады. Оны оқу үшін маркерде тышқанды екі шерту керек немесе Enter пернесін басу қажет.

Хабарды оқыған соң, терезені жабуға немесе Message=>Reply (Ctrl+R) командаларын орындау арқылы оған жауап жіберуге болады. Егер жауап жазу барысында істі доғарғыңыз келсе, мәліметті сақтамай-ақ терезені жауып тастау қажет.

Егер осы хат көшірмесін алған барық тұтынушыларға тегіс жауап жібергіңіз келсе, Ctrl+R емес Ctrl+Shift+R пернелерін басыңыз немесе Shift пернесін басып тұрып Message=>Reply командасын орындаңыз.

Хабарламаны өшіріп тастау үшін оны белгілеп алып, Delete пернесін басыңыз немесе хабарлар терезесінің жоғарғы жағындағы Trash батырмасын шертіңіз, мұның нәтижесінде хабарлар Trash пошта жәшігіне түседі, бірақ ол оны толық тазартпайынша (Special Empty Trash командасы арқылы) өшірілмейді.

Егер өшірілген хабарламаны қайта қалпына келтіру керек болса, Mailbox => Trash командасын орындап, экранға шыққан мәліметтер ішнен оны белгілеп алып, Transfer жолын Таңдасаңыз, ол бұрынғы Inbox терезесіне қайтып оралады.

Қажетті жұмыс тізбегі орындалып біткен соң, Eudora программасынан шығу үшін File=>Exit (Macintosh үшін - File => Quit) командасын орындау қажет.

Microsoft Exchange, Internet Mail немесе Outlook Express

Windows 95 жүйесі шыққан соң MS Mail программасы осы операциялық жүйемен бірге шыққан MS Exchange программасымен алмастырылды, (олар бір-біріне өте ұқсас болды, бірақ Exchange басқа мүмкіншіліктерімен қатар Интернет жүйесшен жұмыс істеуге жақсы икемделген болатын) . Ал Microsoft Office 97 жүйесі шыққан соң, жаңа толықтырылған Outlook электрондық почта программасы кең тарала бастады. Outlook программасының пайдалануға өте ықшам, әрі ыңғайлы Outlook Express деп аталған нұсқасы Microsoft компаниясының Internet Explorer 5. 0 программасының құрамына кіргізіліп, сонымен бірге таратыла бастады. Outlook Express программасы тек электрондық пошта мәліметтері мен жаңалықтарды жылдам өңдеуге арналған еді, ал Outlook программасы - жұмыс кестесін жасайтын, басқалармен қарым-қатынас жасауды, т. с. с. ұйымдастыратын кешенді программа болатын.

Internet Mail (ол көбінесе желіге арналған Microsoft Internet News программасымен бірге таратылып, Internet Explorer 3. 0 құрамына кіреді) программасы Интернетпен жұмыс істеуге бағытталған Microsoft компаниясының алғашқы программасы болып табылады. Кейіннен Internet Explorer 4. 0 программасы орнатылғанда, ол Outlook Express программасымен алмастырылды. Microsoft компаниясының Интернет жүйесіне бағытталған жаңа электрондық пошта программаларын мына Web-түйіннен табуға болады: http://www. microsoft. corn/ie немесе http://www. microsoft. com/ іе___intl/ru

Outlook Express программасы Инетнеттегі, жергілікті желідегі және MSN жүйесіндегі поштамен жұмыс істей береді. Оны іске қосу үшін жұмыс столындағы Outlook Express белгішесін екі шерту керек, сонда экранға екі бөлігі бар терезе шығады. Сол жақта тұтынушыға қажет программа элементтері - оның ішінде Inbox бумасы көрсетілген. Оң жақ бөлікте сол буманың ішкі мазмұны берілген (бірақ тізімдердің жоғарғы жағындағы Inbox (Входящие) батырмасын шертіп, басқа буманы таңдап алып, мазмұнды өзгертуге болады) .

Outlook Express программасында хат жөнелту үшін ComposelONew Mail Message (Сообщение=>Создать) (Ctrl+N) командасын орындау қажет, нәтижесінде экранға жаңа хабарлама даярлау терезесі шығады. Адресті енгізіп Tab пернесін басамыз да, мәлімет енгізу аймағына ауысып, керекті мәтін терілген моң, Send (Отправить) батырмасын шертеміз.

Келіп түскен хабарламалар бумасынан біреуін оқу үшін сол мәліметте тышқанды екі шерту жеткілікті. Хатқа жауап жазу үшін Compose=>Reply (Сообщение=>Ответить автору) (Ctrl+R) командасын орындау керек. Сонда автоматты түрде жаңа хабарлама даярлау терезесі ашылады да, алушы адресі орнына келіп түскен хат иесінің адресі жазылады. Қалған іс-әрекеттер мәліметті жөнелту операциясымен бірдей орындалады.

Келген хабарламаны оқыған соң, Mail=>Reply to Author (немесе Ctrl+R) командасын орындап бірден жауап дайындауға болады. Егер ары қарай жауап жазуды доғарғыңыз келсе, оны сақтамай-ақ терезені жауып тастау керек.

Хабарламаны өшіріп тастау үшін оны белгілеп алып, Delete пернесін басыңыз, мұның нәтижесінде хабарлама Deleted items (Удаленные) бумасына түседі, бірақ ол оны арнайы ашып, ішіндегі поштаны тазартпайынша өшірілмейді.

Өшірілген хабарламаны қайта қалпына келтіру керек болса, Deleted Items (Удаленные) бумасын ашып, керекті мәліметті белгілеп алып, Edit=>Move To (Правка=>Переместить в папку) командасын орындап, экранға шықкан терезеден Inbox (Входящие) бумасын таңдап, ОК батырмасын шерту керек.

Қажетті жұмыс тізбегі орындалып біткен соң, программадан шығуға немесе жаңа мәліметтердің келіп түсуін қадағалау үшін оны ашық қалдырса да болады. Outlook Express программасынан шығу үшін File=>Exit (Файл=>Выход) командасын орындау қажет.

NETCOMplete

NETCOMplete программалық дестесін немесе пакетін (бұрынғы NetCruiser) Netcom компаниясы Windows жүйесі үшін де және Macintosh компьютерлері үшін де жасап шығарды. Оның өз пошталық программасы бар, бірақ мұнда Eudora, Internet Mail немесе Pegasus сияқты «сыртқы» пошталық программалармен де жұмыс істей беруге болады.

Поштаны жөнелту үшін Compose батырмасын шерту (немесе E-Mail=>Compose командасын орындау) керек, нәтижесінде экранға хабарлама терезесі шығады. Терезеде хат алушының адресін теріп, Tab пернесін екі рет басып хабарламаның тақырыбын енгізіп, тағы да Tab пернесін екі басып, жіберілетін мәліметтің өзін енгізу керек.

Мұндағы E-Mail терезесінің үш бөлігі бар. Алғашқы екеуінде бумалар (белгіленген Inbox бумасымен) тізімі мен ағымдағы ашық тұрған буманың хабарламалар тақырыбы келтірілген. Төмендегі бөлікте таңдалып алынған хабарламаның мазмұны көрсетіледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.