Еңбек қауіпсіздігі мен еңбекті қорғау бойынша білімді тексеру тәртібі

Пән: ОБЖ (Основы безопасности жизнедеятельности), Защита труда
Жұмыс түрі: Материал
Тегін: Антиплагиат
Көлемі: 7 бет
Таңдаулыға:

Қазақстан Республикасының 2004 жылғы 28 ақпандағы «Еңбек қауіпсіздігі мен еңбекті қорғау туралы» Заңына сәйкес еңбек шарты бойынша өндірістік нысандарды аттестаттау - бұл өндірістік нысандар, цехтар, учаскелер, жұмыс орындарындағы орындалатын жұмыстардың қауіпсіздігін, зияндығы, ауырлығын, қызулығын, еңбек гигиенасы мен еңбек шартының нормативіне өндірістік ортаның сәйкестігін анықтау мақсатында бағалау қызметі болып табылады.
Ұйым еңбегінің қауіпсіздігі мен еңбегін қорғауға жауапты басшылар мен тұлғалардың (ары қарай - жауапты тұлға) еңбек қауіпсіздігі мен еңбекті қорғау жөніндегі білімдерін тексеру ісі еңбек қауіпсіздігі мен еңбекті қорғау жөніндегі уәкілетті мемлекеттік органның аумақтық бөлімшелеріндегі комиссияда жүргізіледі.
Жауапты тұлғалардың еңбек қауіпсіздігі мен еңбекті қорғау мәселесі бойынша білімдерін тексеру үш жылда бір рет өткізіледі.
Жұмысқа қабылданған жауапты тұлғалар еңбек келісім-шартына қол қойылған күннен бастап бір ай ішінде еңбек қауіпсіздігі және еңбекті қорғау бойынша білімдерін тексеруден өткізуі тиіс.
Білімді тексермес бұрын өндірістік ұйымдағы еңбек қауіпсіздігі мен еңбекті қорғауға жауапты тұлғалар сәйкес жоғары оқу орындарында немесе мекемелерде біліктілікті арттыру курстарында дайындықтан өтеді.
Білімді тексеру жұмыс берушімен бекітілген және еңбек қауіпсіздігі мен еңбекті қорғау жөніндегі уәкілетті мемлекеттік органның аумақтық бөлімшелерімен келістірілген кесте бойынша жүргізіледі.
Жауапты тұлғаның білімін тексеру үшін еңбек қауіпсіздігі мен еңбекті қорғау жөніндегі уәкілетті мемлекеттік органның аумақтық бөлімшелеріндегі емтихан комиссиясы тестілеу немесе емтихан билеттерін пайдалану әдісін пайдалана алады. Емтихан билеттері немесе тесттер өндіріс ерекшеліктері мен мамандарға қойылатын біліктілік талаптарын есепке ала отырып жасалады.

Еңбек қауіпсіздігі мен еңбекті қорғау жөніндегі уәкілетті мемлекеттік органның аумақтық бөлімшелеріндегі емтихан комиссиясы жауапты тұлғалардың еңбек қауіпсіздігі мен еңбекті қорғауға байланысты білімдерін тексеруден кейін төмендегі шешімдердің бірін қабылдайды:

еңбек қауіпсіздігі мен еңбекті қорғау бойынша білімі тексеруден өтті
еңбек қауіпсіздігі мен еңбекті қорғау бойынша білімі қайталап тексерілсін

Емтихан комиссиясының шешімі ашық дауыспен қабылданады.
Білімді тексеру нәтижесі хаттамамен рәсімделеді.
Хаттамаға емтихан комиссиясының төрағасы мен мүшелерінің қолдары қойылады.
Еңбек қауіпсіздігі мен еңбекті қорғау бойынша білімі тексеруден өткен жауапты тұлғаларға хаттаманың үзінді көшірмесі беріледі.
Еңбек қауіпсіздігі мен еңбекті қорғау бойынша білімі тексеруден өтпеген жауапты тұлға білімін қайталап тексеруден өткізгенге дейін өз қызметінде қалады. Білімді қайталап тексеру алғашқы білімді тексерген күннен бастап үш айдан кейін мерзімде өткізіледі.
Еңбек қауіпсіздігі мен еңбекті қорғау бойынша білімі қайталанып тексеруден өтпеген жауапты тұлға Қазақстан Республикасының заңнамасымен бекітілген тәртіппен қызметінен шеттетіледі.
Ұйымның емтихан комиссиясының шешіміне байланысты даулар еңбек қауіпсіздігі мен еңбекті қорғау жөніндегі уәкілетті мемлекеттік органда немесе сотта қарастырылады.

Еңбек қауіпсіздігі мен қорғауды ұйымдастыру

Еңбек кодексіне сәйкес еңбек қауіпсіздігі дегеніміз - бұл еңбек қызметі үдерісінде жұмысшының қауіпті және (немесе) зиянды өндірістік факторларды шектейтін кешенді шаралармен қамтамасыз ететін, жұмысшылардың қорғалған жағдайы.

Еңбекті қорғау дегеніміз - бұл құқықтық, әлеуметтік-экономикалық, ұйымдастырушылық-техникалық, санитарлық-эпидемиологиялық, емдік-профилактикалық, сауықтыру және юасқа да шаралар мен құралдарды қосқандағы еңбек қызметі процесіндегі жұмысшының денсаулығы мен өмірінің қауіпсіздігін қамтамасыз ету жүйесі.

Еңбек қауіпсіздігі мен қорғау саласындағы нормативтік құқықтық актілерді қабылдау

Еңбек қауіпсіздігі мен қорғау саласындағы нормативтік құқықтық актілерді еңбек қызметі үдерісіндегі жұмысшылардың өмірі мен денсаулығын сақтауға бағытталған ұйымдастырушылық, техникалық, технологиялық, санитарлық-гигиеналық, биологиялық, физикалық және басқа да нормалар, ережелер, процедуралар мен критериилер бекітеді.
Еңбек қауіпсіздігі мен қорғау саласындағы нормативтік құқықтық актілерді қабылдау Қазақстан Республикасы Үкіметінің бекіткен тәртібімен, сәйкес мемлекеттік өкілетті органмен жүзеге асырылады.
Еңбек қауіпсіздігі мен қорғау бойынша нұсқаманы жасау және бекіту еңбек жөніндегі мемлекеттік өкілетті органның бекіткен тәртібімен жұмыс беруші арылы жүзеге асырылады.

Өндіріс нысандары мен өндіріс құралдарын жобалау, салу және пайдалану кезінде еңбек қауіпсіздігі мен қорғау бойынша қойылатын талаптар:

Еңбек қауіпсіздігі мен қорғау талаптарына жауап бермейтін өндіріс ғимараттарын, жобалау, салу және жөндеу, машина, механизм, жабдықтарды дайындауда құрастыру мен дайындау, технологияны жасау және пайдалануға жол берілмейді.
Жаңа немесе жөнделген өндіріс нысандары, өндіріс құралдары немесе басқа да өнім түрлері еңбек қауіпсіздігі мен қорғау талаптарына сай келмесе пайдалануға берілмейді.
Өндірістік нысандар еңбек жөніндегі мемлекеттік өкілетті органмен бекітілген тәртіп бойынша еңбек жағдайына байланысты міндетті мерзімді аттестациядан өтуі тиіс.
Өндіріске тиісті нысанды пайдалануға қабылдау мемлекеттік еңбек инспекторының міндетті қатысуымен қабылдау комиссиясында жасалады.

Жұмыс орындарының қауіпсіздік талаптары:

Жұмыс орындары орналасқан ғимараттар еңбек қауіпсіздігі мен қорғау талаптары мен олардың қызметтік міндетіне сәйкес орналастырылуы тиіс.
Жұмыс құрылғылары сол жабдық түріне бекітілген қауіпсіздік нормаларына сәйкес келуі керек, ескерту белгісі болуы қажет және жұмыс орнында жұмысшының қауіпсіздігін қамтамасыз ететін қорғаныс құрылғыларымен жабдықталған болуы тиіс.
Жұмысшылардың апаттан шығатын жолдары мен шығу есіктері кез келген уақытта ашық болуы керек және ашық ауаға немесе қауіпсіз аймаққа жеткізуі қажет.
Қауіпті аймақтар анық белгімен көрсетілуі қажет. Егер жұмыс орындар жұмысшыға қауіп төндіретін, құлайтын заттар орналасқан қауіпті аймақта болса, мұндай орындар бөгде адамдардың кіруіне кедергі келтіретіндей шектеулермен белгіленуі тиіс. Ұйым территориясы бойынша жаяу жүргіншілер мен технологиялық көлік құралдары қауіпсіз жағдайда болуы тиіс.
Жұмысшылардың қауіпті өндіріс орындарында жұмыс істеу үшін жеке қорғаныс құралдары болуы керек, соның ішінде биікте, жерасты жағдайында, ашық кеңістікте, теңіз қайраңы мен ішкі су қоймаларында.
Жұмыс орны орналасқан жерде жұмыс уақытында температура, жасанды және табиғи жарықтығы, сонымен қатар кеңістіктің желдеуі еңбек қауіпсіздігіне сәйкес келуі тиіс.

Жұмысшылар қауіпті еңбекке (шаң, газ және басқа да факторлар) тек қауіпсіз еңбек жағдайы жұмыс берушімен жасалғанда ғана кірісе алады.

Еңбек шарттары бойынша өндірістік нысандарды аттестациялау:

1) Өз ұйымында қауіпсіздік қызметі және еңбекті қорғау жүйесі бар және өндірістік ортасында құралдық зерттеу факторлары мен зертханасы бойынша зертханасы бар жұмыс беруші;

2) арнайы ұйыммен.

Өндірістік нысандарды аттестациялау былай болады:
1) қауіпсіздік және еңбек қорғау саласында қолданыстағы нормативтерге сәйкес ұйымның жұмыс орындарын аттестациялау;
2) қауіпсіздік және еңбекті қорғау саласында қолданыстағы нормативтерге сәйкес кешенді бағалау:

- еңбектің зияндылығы және еңбек қауіпсіздігі дегейін бағалау;
- жарақат қауіпсіздігі және ұжымдық қорғаныс құралдарын қамтамасыз ету деңгейін бағалау;

Өндірістік нысандарды аттестациялау нәтижелері мынадай мақсатта пайдаланылады:
1) қолданыстағы нормативтік құқықтық актілердің талаптарына сәйкес жұмыс орындарын еңбек қауіпсіздігі және жақсарту бойынша ұйымдастыру-техникалық іс-шаралар кешенін өткізу;
2) жұмыс орындарында еңбек қауіпсіздігі және өндірістік орта шарттарының шынайы жағдайын бағалау;

3) жұмыскерлерді қажетті жеке және ұжымдық қорғаныс құралдарымен қамсыздандырылғанын, олардың шынайы еңбек жағдайларына және стандарт талаптарына сәйкестігін анықтау;

4) зиянды және қауіпті еңбек жағдайында, кәсіппен ауруға байланысты анықтау үшін және атқарылатын жұмыс кезінде кәсіптік ауруға шалдықандығына күдік келтіру және кәсіптік ауру диагнозын бекіту, сонымен қатар сот тәртібінде дауларды шешу және басқа да шешімдерді шешу кезінде жұмыс дерегін анықтау;

5) өндірістік нысан және құрал-жабдықтарды пайдалануды тоқтату туралы шешім қабылдау, сондай-ақ технологияны өзгерту;

... жалғасы

Сіз бұл жұмысты біздің қосымшамыз арқылы толығымен тегін көре аласыз.