Қазіргі таңдағы Қазақстан Республикасының көліктік жүйесінің жағдайы мен транспорттық тасымалдау қызметін зерттеу

МАЗМҰНЫ

Кіріспе . . . 3

І. Қазақстанның транспортының орналасуына әсер етуші факторлар . . . 6-15

1. 1 Транспорттың құрылуына табиғи факторлардың әсері . . . 6

1. 2 Транспорттың орналасуына әлеуметтік факторлардың әсері . . . 9

1. 3 Транспорттың құрылуына экономикалық факторлардың әсері . . . 13

ІІ. Қазақстан Республикасының транспорттық орналасу

ерекшеліктері . . . 16-39

2. 1 Автокөлік транспортының орналасу ерекшеліктері . . . 16

2. 2 Темір жол транспортының таралуы . . . 23

2. 3 Әуе қатынасы . . . 33

2. 4. Су көлігі, құбыр жол көлігінің таралу ерекшеліктері . . . 34

ІІІ. Қазақстан Республикасының транспорттық тасымалдау қызметінің ролі . . . 40-58

3. 1 Тасымалдау қызметіне әсер етуші факторлар . . . 40

3. 2 Қазақстан Республикасы бойынша жолаушы тасымалы . . . 42

3. 3 Қазақстан Республикасы бойынша жүк тасымалы . . . 47

Қорытынды . . . 59

Әдебиеттер тізімі . . . 62

Қосымшалар . . . 64

КІРІСПЕ

Қазақстанның көлік-коммуникация кешені республика экономикасының базалық секторының бірі болып табылады. Көліксіз шаруашылықтың дамуы мүмкін емес. Ол еліміз аудандары арасындағы өндірістік байланысты, өнім алмасуды және сыртқы сауданы, шаруашылық пен халықтың жүк және жолаушы тасымалдау жөніндегі қажетін толық қанағаттандырып, түрлі аудандар арасындағы байланысты қамтамасыз етеді. Сондықтан да бұл тақырыпты теориялық, тәжірибелік тұрғыдан зерттеу бүгінгі күні өзекті мәселе болып табылады.

Қазіргі таңдағы Қазақстанның көліктік жүйесін төмендегі көлік түрлері құрайды:

• Құрлық жолы (темір жол, автомобиль жолы, құбыр желісі) ;

• әуе жолы;
• су жолы (теңіз, өзен)

2008 жылдың 1 қаңтар айындағы мәліметтеріне сәйкес Қазақстанның жалпы пайдаланудағы көлік желісі 15, 1 мың километр темір жолдан; 93, 1 мың километр автомобиль жолынан; 4, 1 мың километр ішкі су кеме қатынасы жолынан және ұзындығы 16, 3 мың километр магистральдық құбырлардан тұрды.

Республика аймақтарының барлығы дерлік әуе тасымалдауларымен қамтамасыз етілген. Халықаралық әуежайлар Алматы, Астана, Атырау қалаларында орналасқан. Республикадағы әуе көлігі «Эйр Қазақстан» ұлттық акционерлік авиакомпаниясымен және басқа да авиакомпаниялармен («Азамат», «Саяхат» және т. б. ) қызмет көрсетіледі.

Қазақстанның батыс бөлігі Каспий теңізінің суларымен шайылады. Осы аймақта екі теңіз порты орналасқан: «Ақтау» және «Баутино». Ақтау теңіз порты жыл бойы жұмыс атқарып, мұнай шикізаты мен мұнай өнімдерін, құрғақ жүктерді тасымалдауға бағытталған халықаралық теңіз қатынастары бойынша қызмет етеді. Қазақстанның су көлігінде әр түрлі жүктер тасымалданатын Ертіс өзені негізгі орын алады.

Кез келген қоғам өмірінде, әсіресе экономикасын одан әрі дамытуды мақсат етіп отырған дамушы мемлекетіміз үшін көлік қызметінің алатын орны ерекше. Көлік кешені Қазақстан экономикасын дамытуда маңызды рөл атқарады және жүктер мен жолаушылар тасымалдарының негізгі бөлігін орындай отырып, елдегі экономикалық бақуаттылықтың негізі болып табылады.

Жер аумағы үлкен, қазбалы табиғи кендерге бай біздің Қазақстанда, әсіресе, темір жол көлігінің атқаратын рөлі орасан зор. Бізде ең көп тасымалданатын өнім түрі шикізат екенін де есте ұстау қажет. Еліміздің ұлан байтақ территориясындағы бес экономикалық ауданда шоғырланған кен орындардың шикізаттарын, өндіретін өнімдерін, астықтарын экономикалық еңбек бөлінісін негіз ете отырып, республикамыздың түкпір-түкпіріне толассыз тасымалдаудың бір тәсілі темір жол болып табылады. Сөйтіп, темір жол көлігі еліміздің ең ірі стратегиялық маңызды құрылымдарының бірі бола отырып, экономикаға әсері мол басқа да шаруашылықтардың, өнеркәсіптердің дамытқыш күші болып табылады.

Сонымен қатар, халықты тасымалдап, қызмет көрсетумен айналысуда автомобиль көлігінің ролі күннен күнге артуда. Ұлан байтақ территориямызда халық шашыраңқы орналасқан. Алайда, жыл сайын дамып келе жатқан автомобиль жолы қызметі халық қажеттіліктерін қанағаттандырып отыр.

Жаһандану үрдісінің, халықаралық интеграцияның және сауда экономикалық байланыстардың дамуы кезеңінде Қазақстан қолайлы географиялық жағдайының, техникалық жабдықталған көлік кешенінің болуымен, отандық көлік кешенін әлемдік нарықта бәсекеге қабілеттілігін арттыру жөнінде мемлекеттік саясатты мақсатты түрде жүргізеді. Республика территориясы арқылы сауда ағымдарын арттыру «Қазақстан-2030» Стратегиясына сәйкес мемлекеттің экономикалық дамуының ұзақ мерзімдік приоритеті болып табылады.

Қазақстанның еуразиялық құрлықтың ортасында орналасуы қазақстандық маршрут арқылы жүк тасымалдау көлемін арттырудың табиғи алғы шарты бола отырып, транзиттік дәліздерді одан әрі дамытуға септігін тигізе алады. . Себебі, бұл жүк тасымалдау арақашықтығын басқа құрлықтық дәліздермен салыстырғанда едәуір азайтады.

Алайда, экономиканы дамыту үшін көлік қызметінің атқаратын міндеттерінде проблемалар жоқ емес. Көліктің қай түрінде болмасын бүгінгі таңда өзіндік алдында тұрған бірнеше проблемалық тұтары айқын көрінуде: техникалық базаның жетіспеуі, автомобиль және темір жол көлігі парктерінің ескіру, жолаушы және жүк тасымалында көптеп кездесетін мәселелерді ата кету жөн. Қазақстан мемлекетінің әлем нарығындағы орны мен негізгі ішкі және сыртқы саясатпен «Жаңа Қазақстан-жаңа әлемде» деген бағыттағы жолдаумен Қазақстан Республикасының Президенті Нұрсұлтан Назарбаев сөз сөйледі.

Ол өз сөзінде: «Бізге көлік инфрақұрылымын мақсаттылы кеңейту, жаңарту және әр іс әрекетін мүмкіндігімізше қолдап отыру керек. Біз еліміздің транзиттік мүмкіншіліктерін максималды қолдануға міндеттіміз, ол үшін бізге транспорттық жүйені әлемдік жүйеге интеграциялау керек. Мемлекетіміздің құрлық жол және әуе, су көлік тораптарын модернизациялау жүйесін транзиттік тасымалдауларды кезең-кезеңмен ауыстыру жолы арқылы оны нарықтық негізде басқаруды міндет қылып алуымыз шарт. Сонымен қатар, қазіргі және болашақтағы сұраныс деңгейін қанағаттандыратын темір жол тораптарының транспорттық-логистикалық орталықтарын құруды және оны кеңейту ісін қолға алуды бастауымыз керек. Транзиттік қызмет көрсету саласында жүкті жеткізу жылдамдығы және қауіпсіздік пен қызмет көрсету жағдайларын әлемдік стандарттарқа сәйкестендіріп, қызмет көрсету құнын сұранысқа негізделіп енгізу керек »-деген болатын.

Қазақстан экономикасының дамуына транспорттық тасымалдау қызметінің маңыздылығы мен өзектілігіне отырып, дипломдық жұмыстың тақырыбын «Қазақстан Республикасының транспорттық тасымалдау қызметі»-деп алдық.

Өзектілігі: Бүгінгі таңда Қазақстан мемлекетінің алда тұрған басты әрі ауқымды міндеттерінің бірі - әлемдегі бәсекеге қабілетті елу елдің қатарына ену екендігі белгілі. Стратегиялық бұл ірі мақсатты жүзеге асыру республика экономикасының өзекті саласы көліктік тасымалдау қызметі жұмысын одан әрі жақсартумен тығыз байланысты. Президентіміздің «Қазақстан әлемдік көлік байланыс жүйесінің бір бөлігі болуы тиіс»-деген сөзін ескере отырып, Еуразиялық жолдар жүйесінде транзиттік тасымалдарды жоғарылату және «Қазақстандық» маршруттарды бәсекеге қабілетті қылуды қамтамасыз ету болса, осы жұмыс барысында жоғарыда аталған тақырыпқа толық сипаттама берілген.

Мақсаты - қазіргі таңдағы Қазақстан Республикасының көліктік жүйесінің жағдайы мен транспорттық тасымалдау қызметін зерттеу;

Жұмыстың алдына қойған мақсатына сәйкес келесідей міндеттер қойылады:

• Қазіргі таңдағы көлік тасымал қызметі мен оның орналасуындағы өзекті мәселелері мен даму үрдісін қарастыру;
• Қазақстанның көліктік жүйесі бойынша жинақталған статистикалық мәліметтерді жүйелеу;

Зерттеу объектісі: көлік және тасымалдау жүйесі, инфрақұрылымы

Зерттеу пәні: Қазақстанның көліктік жүйесінің қазіргі кездегі дамуы

Ғылыми зерттеу жұмысы барысында келесідей әдіс-тәсілдер қолданылды: белгілі бір кезең аралығында көлік жүйесінің даму динамикасын айқындайтын статистикалық сараптама; синтез және жіктеу әдісі; сипаттау әдісі; картамен жұмыс; сұхбат.

Дипломдық жұмыстың ғылыми жаңалығы қазіргі уақыттағы Қазақстанның көліктік жүйесінің статистикалық мәліметтерін сараптау мен жүйелі түрде мазмұндау.

Зерттеудің теориялық және тәжірибелік маңыздылығы 050116 «География» мамандығы бойынша білім алатын студенттерге курстық жұмысын даярлауда, сонымен қатар, семинарлық және машықтану сабақтарын дайындауда осы мәліметтерді қолдануға мүмкіндік беруінде.

Жұмыстың құрылымы: Кіріспеден, үш тараудан, он бөлімнен, қорытынды, қолданылған әдебиеттер тізімі мен қосымшалардан тұрады. Әр тараулар өзара байланысты және бір-бірін толықтырып отырады.

І. Қазақстанның транспортының орналасуына әсер етуші факторлар

1. 1 Транспорттың құрылуына табиғи факторлардың әсері

Жалпы көлік кешенінің, соның ішіндегі Қазақстан көлік тораптарының дамуына көптеген факторлар әсер етеді. Соның бірі табиғи-географиялық факторлар. Оған:

1. Қазақстанның географиялық орны
2. Жер бедері
3. Климат сияқты факторлар жатады.

Қазақстан аумағы жөнінен 2724, 9 мың шаршы шақырым жерді алып, әлемде территориясы жөнінен тоғызыншы орынды алып отыр.

Еуразия материгінің орталығында орналасқан Қазақстан, екі дүние бөлігін қамтиды. Кіші батыс аймағы Еуропада, ал көлемді шығыс аймағы Азияда жатыр. Физикалық географиялық жағдайы тұрғысынан, Қазақстан Тынық мұхит пен Атлант мұхитынан, сондай-ақ Үнді мұхиты мен Солтүстік мұзды мұхитынан бірдей дерлік алыс қашықтықта орналасқан. Қазақстан батысында - Еділдің төменгі ағысынан, шығысында - Алтай тауларының етегіне дейін 3000 шақырымға, солтүстігіндегі - Батыс Сібір жазығынан, оңтүстігіндегі Қызылқұм шөлі мен Тянь-Шань тау жүйесіне дейін 1600 шақырымға созылып жатыр. Жалпы еліміздің шекарасының ұзындығы 15000 шақырымнан астам, соның 12000 шақырымға жуығы құрлық арқылы, ал 3000 шақырымнан астамы Каспий және Арал теңіздері арқылы өтеді. Қазақстан Каспий теңізі арқылы Әзірбайжан, Иран елдеріне, Еділ өзені және Еділ-Дон каналы арқылы Азов және Қара теңіздерге шыға алады.

Қазақстан батыста, солтүстік батыста, солтүстікте (6467 шақырым) Ресеймен шектеседі. Республиканың Алтайдан Тянь-Шаньға дейінгі 1460 шақырымға созылып жатқан шығыс шекарасы Қытай Халық Республикасымен арадағы мемлекеттік шекараға сай келеді. Ал оңтүстігінде Тәуелсіз Дос Мемлекеттер Түрікменстан 380 шақырым, Өзбекстан 2300 шақырым және Қырғыстанмен 980 шақырым шектеседі. Республиканың шекарасы батысында-Каспий маңы ойпаты мен Жалпы Сырт қыратының біраз жерін, солтүстігінде Батыс Сібір жазығының оңтүстігін, оңтүстігінде Тұран ойпатын, ал шығысы мен оңтүстік шығысында Алтайдың батыс бөлігінің, Сауыр, Тарбағатай жоталарының, Жоңғар Алатауының негізгі бөлігін және Тянь-Шаньның солтүстік жоталарын басып өтеді.

Қазақстанның географиялық орнына байланысты еліміздің бүкіләлемдік интеграция және ғаламдық экономикалық үдерістерге ат салысудың белсенді қолдаушысы екенін ескере отырып, еліміздің территориясының ауқымды болуы, әрі төрт мұхиттан алшақ жатуы, құрлық көлігінің, соның ішінде темір жол көлігінің дамуына мүмкіндік туғызып отырғаны белгілі. Бұған қоса Қазақстан территориясында теңіздерден қарағанда құрлықтық жерлер басым. Осының бәрі құрлық жол көлігі ұзындығына, әрі тығыздығының мол болуына әкеледі.

Қазақстан көлік тораптарының дамуына әсері мол келесі факторға Қазақстанның жер бедері жатады.

Кең байтақ Қазақстанның жер беті өте күрделі және алуан түрлі. Оның аумағының үштен бір бөлігін ұлан-байтақ ойпаттар яғни Солтүстік Қазақстан жазығының оңтүстік бөлігі, Каспий маңы ойпаты, Тұран ойпаттары алып жатыр. Қазақстан аумағының жартысынан астамы биіктігі 400-500 метр болатын Торғай, Үстірт, Сарыарқа сияқты көтеріңкі жазықтар, үстірттер мен ұсақ шоқылар үлесіне тиеді. Ал биіктіктері 4000-5000 метрден астам, бастарын мұздықтар басқан биік таулар республика жерінің 10%-ынан алады. Олар еліміздің шығысы мен оңтүстік - шығысында орналасқан таулар: Алтай, Сауыр, Жоңғар Алатауы, Тянь-Шань тау жүйесінің сілемдері.

Сонымен қатар, еліміз өзінің жер қойнауының байлығымен де әйгілі. Қазақстанда аса маңызды минералдық шикізат түрлерінің бәрі дерлік бар. Еліміздің жер қойнауынан Менделеев кестесіндегі 99 элементі кездеседі, соның 70 элементінің мол қоры барланған және 60 астамы өндіріледі. Алты мыңға жуық пайдалы қазбалар кен орындары ашылған.

Сонымен, Қазақстан көлік тораптарының дамуы үшін жер бедерінің басты ерекшеліктері:

1. Жер бедеріндегі жазықтар мен аласа таулар Қазақстанның батысында, солтүстігінде және орталығында орналасқан
2. Биік таулы аймақтар республиканың шығыс және оңтүстік- шығыс бөлігін алып жатқан шағын аумақты, яғни Қазақстан территориясының 10%-ын ғана қамтиды.
3. Жер қойнауындағы пайдалы қазбалардың мол қоры.

Қазақстан территориясында таулы жерлердің аз болып, жазық жерлердің басым болып келуі, темір және автомобиль жолы көліктерін еш қиындықсыз салып, осы саланы ары қарай дамытуға ықпалын тигізіп отыр.

Ал пайдалы қазбалар қорының мол болуы шикізаттарды және өндіріс орындарының өнімдерін тасу арқылы Қазақстанның құрлығы мол территориясындағы темір жол қызметінің сұранысқа ие болуына септігін тигізуде.

Қазақстан жер бедерінің ерекшеліктеріне байланысты жақсы жақтарымен бірге кері жақтарыда бар. Ол - апатты табиғат құбылыстары. Соның бірі - жер сілкінісі. Қазақстанның оңтүстігіндегі биік таулар әлі қалыптасып бітпеген жас таулар болғандықтан, бұл жерлер сейсмикалық ауданға жатады. Сондықтан бұл аймақта жиі сілкіністер болып тұрады. Мысалы: Алматы қаласында 1889 жылы және 1911 жылда аптатты жер сілкінулері болған. Сонымен қатар, Республикада таулы аудандардың болуына байланысты сел, қар көшкіндері құбылыстары байқалады.

Міне, осы айтылған мәселелердің барлығы байланыс жүйелерін, жолдарды қиратып немесе тағы басқа әсерлері арқылы темір жол жұмысын істен шығарып, қиындықтар туғызады.

Сондықтан, көлік инфрақұрылымын жүргізген сәтте және көлік жолдарын салу жобасы құрастырылған кезде осы жағдайларға сүйене отырып жобаланады.

Қазақстан транспортының дамуына әсер ететін келесі фактор-климат.

Қазақстанның климаты шұғыл континентті. Климаттың континенттілігі оның өзіндік ерекшеліктерімен көрінеді. Оларға: қыс және жаз температураларының үлкен айырмашылық жасауы, ауаның құрғақтылығы, Республиканың көп жерінде атмосфералық жауын шашынның әркелкі түсуі, қыстың солтүстікте ұзақ әрі аязды, оңтүстікте қысқа әрі жұмсақ болуы жатады.

Климаттың ең бастысы автомобиль және әуе көлігіне тигізер әсері мол. Аталған фактор көлік кешенінде құбыр мен темір жол көлігіне онша әсер ете қоймайды. Сонымен қатар Қазақстан Республикасының өзендерінің қыста қатуы нәтижесінде біздің елдің өзен көлігінін тек маусымдық көлік түріне жатқызамыз.

Жоғарыда аталғандай, темір жол көлігінің басты ерекшелігі ол климат жағдайына қарамай, үздіксіз жұмыс жасауында болып келеді. Айтылған ерекшеліктер темір жолдың қалыптасуына әсері аз болғанымен, Республиканың климат ерекшеліктеріне сай, апатты табиғат құбылыстары болып тұрады. Бұлардың көлік құралдарының қай түріне болмасын тигізер әсері зор екені сөззсіз. Сел тасқындары, әсіресе, Қазақстанның оңтүстік және оңтүстік-шығыс таулы аудандарында жиі болатын құбылыс.

Республикада болатын аңызғақ желдер күшті дауылдар туғызып отырады. Мұздықтардың еруінен және қардың қалың түсуіне байланысты күшті сел тасқындар да болады. [1, 2, 3]

1. 2 Транспорттың орналасуына әлеуметтік факторлардың әсері

Транзиттік жол тораптарының қалыптасуына әсер ететін келесі фактор әлеуметтік жағдай.

Оған:

1. Халықтың көліктің түріне деген сұранысы
2. Қазақстан көлік түрлерінің тарихи даму жағдайы жатады.

Қазақстан көлігінің дамуына оның орналасу ерекшеліктеріне маңызды әсері бар фактор - халықтың шоғырлануы болып табылады. Халықтың көлік түрінің қайбіреуіне деген сұранысы - жалпы көлік кешенінің таралу ерекшеліктеріне және тасымалдау қызметінің, логистиканың дамуына зор ықпалын тигізеді.

Кесте 1. ҚР экономикалық аудандардың қалалық-теориялық және демографиялық мінездемесі (2009 ж)

Қазақстан Республикасының статистика агенттігі берген экономикалық аудандардың қалалық-территориялық және демографиялық мінездемесіне (кесте 1) сүйенетін болсақ, Қазақстан территориясынада халық әркелкі шоғырланған. Еліміздің 40%-ын құрайтын Оңтүстік шығыс, Оңтүстік және Солтүстік аудандарда халықтың 63%-ы шоғырланған. Осыған сәйкес, халықтың тығыздығы да бір шаршы шақырымға 5, 5 адамға сәйкес келіп тұр. Ал, Оңтүстік-Шығыс және Оңтүстік аудандарда бұл көрсеткіш, яғни халықтың тығыздығы бір шаршы шақырым жерге 12 адамды құрайды. [4, 2] Қазақстан Республикасының көлік кешенінің дамуына тарихи факторлардың да айтарлықтай үлесі зор.

Темір жол транспортының дамуының ең негізгі факторлардың бірі-Темір жол транспортының қалыптасуы. Темір жолдың болашақта қызмет ету қабілеттілігі оның тарихына негізделеді. Сондықтан, біз өзіміздің жұмысымызда осы негізгі факторды нақтылап анықтай отырып, оның тарихи-экономикалық дамуына сипаттама бергіміз келеді.

1. Революцияға дейін темір жол Қазақстанның табиғи байлығын иелендіруді дамытуда әсері мол болды. 1917 жылдың өзінде жол торабының созылуы 2500 шақырымға дейін жетті. Ең алғашқы темір жолдың ұзындығы 175 шақырым қашықтыққа созылды. Бұл темір жол 1892 жылы яғни, Трансібір магистралінің құрылуы кезінде салынған болатын. Одан кейін 1893 жылы 130 шақырым қашықтығы бар Пакровская Слобода → Уральск темір жолы салынды. 4 жылдан соң Қазақстан шекарасында 267 шақырым жол салынды:оның 77 шақырымы Урбах-Астрахань торабында болса, 190 шақырым жолы Транссібір магистралінің торабына енді. Орта Азия мен Қазақстанның ауданаралық қарым қатынасына Орынбор → Ташкент жолы маңызды орын алды. Бұл магистраль алдында салынған Красноводск → Самарканд → Ташкент жолымен қосылып, Ресей темір жолымен Ортаазия транспорттық байланысын мығым етті.

2. 1941-1945 жылдар аралығында темір жолды басқару қажеттіліктері әскери уақытқа сәйкес қарастырылды. 1842 жылдың ақпан айында арнайы транспорттық комитет құрылды. Соғыс жылдарында жаңа темір жолдар салынып, жаңа округтар ашылды. Осы жылдары Сібір Транс Қазақстан магистралі құрылды, Сібір магистраліне нан тасымалдау бағытында Петропавловск → Көкшетау, Славгород → Құлынды → Павлодар(193 шақырым), мұнай тасымалдауға Александров-Гай-Алгемба әскери жолы және 1926 жылы 2000 шақырымға созылған Түркістан Сібір магистралі салынды.

Сонымен қатар, осы жылдарда темір жол саласында көптеген өзгерістер енді. Мысалы, жолдарды дұрыстау, электрификациялау, контейнерлік тасымалдарды дамыту, техникаларды қолдану. Сондықтанда бұл кезеңді қалыптасу кезеңі деп атады.

3. Үшінші өрлеу кезеңі 1970-1980 жылдарды қамтиды. Онда:

-Темір жол саласында жаңа тармақтарды салу.

-Рельс жолдарының өркендеуі .

-Электрификациялау жұмыстары жасалды.

4. Төртінші инерциялық кезеңде 1981-1990 жылдары Қазақстанның оңтүстік магистральдарын электрификациялау жұмысы жүргізілді. Оның жалпы электрификациялау ұзындығы 4 мың шақырымды құрады. 1985жылдың соңының өзінде р-65 және р-50типті рельстер жолдарының созылуы 5мың шақырымға жетті. Бұл кезең Достық және Алашанькоу-Қытай екі темір жолының қосылуы, Трансазия темір жол магистралінің солтүстік коридорларының ашылуы және жүк тасымалдау қуатының дамуымен сипатталады.

5. Рецессиондық кезең Қазақстанның егемендік алу жылдарына тән. Темір жолдардың барлығы Республика басшылығының қолына көшіп, тарихи қалыптасқан 3 темір жолдар Республикалық Мемлекеттік кәсіпорны статусын алды. Дегенмен, дағдарыс жылдары жүк тасымалдау 60℅ төмендеп, 1996 жылдың соңында Қазақстан темір жолдары банкротқа ұшырады. Сонымен бірге, осы кезеңдерде вагондар мен локомотивтер паркінің 60℅-дан астамының тозығы жетті. Бұл кез Қазақстанның темір жол тарихында ең қиын кезең болды.

6. Дағдарыс кезеңі 1997-2000 жылдарды қамтиды. 1997 жылдың қаңтар айында қабылданған ҚР қаулысында 3 темір жолды қосып, ең ірі «Қазақстан темір жолы» кәсіп орнын құру қарастырылды. 1999 жылы халықаралық экономика қалыпқа келе бастағандықтан, жүк тасымалдау 36, 3℅, халық тасымалы 17℅ өсті. Қазақстан темір жолының нұсқасы мына екі факторлардың әсерімен қалыптасты:

-Тың игеру және пайдалы қазбалар кен орындарын иелену себебінен ауданаралық және Республика аралық жүк тасымалдаудың артуы.

-Транзиттік жүк тасымалдаудың артуы.

Алайда, осы кезеңде темір жол саласында мынадай проблемаларды айтып кетуге болады:

-Жоғарғы дәрежеде саланың негізгі факторларының физикалық және моральдық тозуы;

-Инвестицияны жоғарғы дәрежеде қажетсіну;

-Темір жол транспортында заңдық және нормативтік құқықтық базаның дұрыс болмауы.

7. Қалпына келу кезеңінде мынадай жұмыстар жасалды:

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс