Ветеринариялық рентген бөлмесіне қойылатын талаптар

Пән: Медицина
Жұмыс түрі: Материал
Тегін: Антиплагиат
Көлемі: 7 бет
Таңдаулыға:

Ветеринариялық рентген бөлмесіне қойылатын талаптар
Ветеринариялық рентген құралы тұратын және онымен жұмыс істейтін бөлмелерді жобалағанда олардың құрамы, аумағы мен көлемі шамамен төменгі мөлшерде болуы керек. Бұл ереже НРБ -99, СанПиН №5. 01. 030. 03-31. 01.2003 ж. талаптары бойынша бекітілген. Рентген бөлмесі :
1) процедуралық бөлме;
2) Басқару жүйесі тұратын бөлме;
3) Дәрігер - рентгенолог отыратын бөлме;
4) Сурет шығаратын бөлмеден тұрады.
Процедуралық бөлме- ең негізгі бөлме. Бөлменің кіреберісінде 2 м биіктікте қызыл түспен кіруге болмайды деген сөз ақ жарық шам бетінде жанып тұруы керек. Бөлменің аумағы 25 м2 , ал биіктігі 3,5 м- ден, терезенің еденнен биіктігі 1,5 м- ден кем болмауы тиіс. Қажет болған жағдайда процедуралық бөлмені қараңғылау үшін терезеде арнайы перде болу керек. Бөлмедегі ауаның температурасы шамамен 20 0С-қа жуық . Жұмыс кезінде жасанды желдеткіштер оқтын-оқтын жұмысқа қосылып тұруы керек. Электр тогының әсерінен мамандарды, ауру жануарларды және онымен бірге келген адамдарды қорғау үшін еден тақтайтан жасалынып, линолеуммен қапталады.Бөлмені тазалап жуып тұру үшін қабырғалары майлы бояумен боялады.
Басқару жүйесі тұратын бөлме. Бұл бөлмеде өлшеу аспаптары мен басқару жүйесі тұрады. Аумағы 10 м2 , биіктігі 3,5 метрден кем болмағаны жөн. Еденінде - тақтай, линолеум төселген. Мезгіл - мезгіл ауа тазартылып тұруы керек. Бұл бөлме процедуралық бөлмеден бөлек, сондықтан ауасы йондалмауы тиіс. Ауру малдарды зерттеу қорғасындалған шыны әйнектен қарап тұрып жүргізіледі.
Дәрігер- рентгенологтың бөлмесі басқа бөлмелерден бөлек орналасқан. Бір дәрігрге арналған бөлменің аумағы 10 м2 . Бөлменің биіктігі 3,5 м. Ішінде столдар, орындықтар, рентгенограммаларды, флюоросуреттерді оқитын аспаптар(негатоскоп, флюороскоп) тұрады.
Рентген суретін шығаратын бөлме - аумағы 6 м2 , биіктігі 3,5 м. Электр шамы арқылы ғана жарықтандыруға болады. Едені тақтай. Бұл бөлмеде бейне шығарушы, бейне тұрақтандырушы, бекітуші ерітінділер, олардың ұнтақтары, таспалар, рентгенограммаларды кептіретін шкаф тұрады.
Рентген бөлмесінде жұмыс істейтін мамандар сәуленің қолайсыз әсеріне байланысты зияндығы жағынан А тобына жатады да оларға өкімет тарапынан төмендегідей жеңілдіктер беріледі:
А) жұмыс мерзімі 5 сағат (аптасына 6 жұмыс күні болса)
В) еңбек ақылары басқа ветеринариялық салада қызмет істейтін мамандарға қарағанда 25 процент жоғары;
С) жыл аяғындағы демалыс мерзімі 36 күн;
Д) зкейнеткерлі демалысқа әйелдер 45, ал ерлер 50 жасында шығады.

Рентген сәулесі мен электр тогының зиянды әсерлерінен сақтану

Рентгенология тәсілімен мүшелерді зерттегенде, дәрігер- рентгенологқа рентген сәулесі зиянды әсер етеді. Сондықтан, қауіпсіздік ережелерін бұлжытпай орындап, одан қорғанып, сақтану қажет. Рентген құрылғысын сатып алғанда, онымен бірге рентген сәулесінің зиянды әсерінен қорғайтын құрал - жабдықтарды: қорғасындалған алжапқыш, қалқан және басқа да бұйымдарды бірге алу керек.
Рентген құрылғысымен жұмыс жасағанда қауіпсіздік ережесін қатаң сақтайды. Оның бірі- жоғары кернеулі электр тогынан қорғану. Рентген құралы зауытта жасалғанда электр тогынан қорғану қауіпсіздігі өте қатаң ескерілген, егер аспаптың бір жерінде кездейсоқ ақау болса немесе дұрыс құастырылмаса, ол жұмыс істейтін адам өміріне қауіпті. Сондықтан тұрақты рентген аспабын арнаулы мамандығы бар қызметкер орнатып, оны жермен байланыстырады. Рентгенологтар рентген құрылғысымен жұмыс жасау ережелерінің ерекшеліктерін білу керек.

Рентген сәулесінің кері әсерінен қорғанудың негізгі үш ұстанымы бар, олар:
1.Экрандалумен қорғану- рентгенолог және оған көмектесетін қызметкерлерді рентген сәулесінің зиянды әсерінен сақтандыру үшін арнайы құрал - жабдықтарды пайдалану керек.
А) Қорғасындалған алжапқыш рентгеногтың денесі мен аяғын рентген сәулесінен қорғайды.Қорғасын тұзы сіңірілген, қалыңдығы 0,5 мм резеңке алжапқыш сәуленің кері әсерін 95% - ға азайтады;
Ә) Қорғасындалған қолғап рентгенологтың және оның көмекшісінің қолын рентген сәулесінің тікелей әсерінен қорғайды. Ол да резеңке мен қорғасын тұзын бір- біріне сіңіру арқылы жасалға;
Б) Қалқан рентгенологтың құрсақ пен жамбас аумағын, аяқтарын рентген сәулесінен қорғайды. Ол ... жалғасы

Сіз бұл жұмысты біздің қосымшамыз арқылы толығымен тегін көре аласыз.