Микробиология және вирусология ғылымдарының даму тарихы

1. Микробиологияның даму кезеңдері.
2. Вирусологияның даму тарихы.

Микробиология пəні – ( микро - ұсақ , био - тіршілік , логия-ілім ) жай көзге көрінбейтін, ұсақ , өз алдына зат алмасу жəне көбею процесі бар, бір ғана клеткадан тұратын тіршілік иелерін яғни микроорганизмдердің құрылысын, тіршілігін жəне экологиясын зерттейтін ғылым.
Микробиология ғылымы микроорганизмдердің клеткалық құрылысы мен құрылымын, систематикасын, физиология- биохимиясын, генетикасын, экологиясын, олардың табиғаттағы жəне адам іс- əрекетіндегі ( өміріндегі) рөлін зерттейді.
Микробиология тарихында римнің профессоры Афанасий Кир-хердің (1601 —1680) есімі де аталуы тиіс. XVI ғасырдың аяғында Ганс пен Захарий Янсендердің алғашқы микроскопты кұрастырғаны мәлім. Әрине, бұл өте қарапайым аспап еді. Соны пайдалана отырып, Кирхер сасыған ет, шарап сіркесін, сүтті қарап, онда түрлі «құрттардың» кездесетінін байқады.
Микроорганизмдерді алғаш рет ашу Голландия әуесқойы Антон Ван Левенгуктың (1632—1723) есімімен тікелей байланысты. Өз зерттеулерін Левенгук «Антон Ван Левенгук ашкан табиғаттың құпия сырлары» деген атпен 1695 жылы кітап етіп жарыққа шығарды.
Микробиология ғылымының одан әрі дамуында орыстың көрнекті табиғат зерттеушісі М. М. Тереховский (1740—1796) еңбегінің зор маңызы болды. 1775 жылы Тереховский Страсбург университетінде өзінің микроорганизмдер жөніндегі еңбегін қорғады.Ол табиғатта кездесетін микробтардың шығу тегін зерттеген болатын.
Микробиология ғылымының көрнекті қайраткері және осы ғылымның негізін қалаушы француз оқымыстысы Луи Пастер (1822— 1895) өзінің зерттеулерінің нәтижесінде табиғатта және өнеркәсіпте кездесетін ашу процестері микроорганизмдердің әсерінен болатындығын дәлелдеді.
Орыс ғалымы Л. С. Ценковский (1822—1887) 1883 жылы ол сибирь жарасына қарсы вакцина жасаған болатын.
И. И. Мечников «фагоцитоз және оның иммунитеттегі ролі» туралы тыңғылықты ілім жасады.
Орыс оқымыстылары Д. К. Заболотный (1866—1929) мен Т. А. Тарасевич (1868—1927) оба, мерез, туберкулез тағы басқа да ауруларды зерттеудегі табыстарымен әлемге әйгілі болды.
Ауыл шаруашылығы және техника саласындағы микробиология да айтарлықтай жетістіктерге жетіп дамып келеді. Микробиологияның бұл саласына Виноградский, В. Л. Омелянский, С. П. Костычев, Н. Н. Худяков, В. С. Буткеевич, В. Н. Шапошников, М. В. Федоров, Н. А. Қрасильников, Е. Н. Мишустин сияқты ғалымдарымыз үлкен үлес косты.