Корпорациялардың біріктірілуі мен қосылуы

1. Корпорация ұғымының түсінігі
2. Заңды тұлғалардың қайта құрылу нысандары мен түрлері
3. Біріктіру мен қосудың кезеңдері

1. Корпорация термині Қазақстанда біршама жақын арада пайдаланыла басталды. Құқықтық категория ретінде «корпорация» ұғымы англо-саксондық құқықта жиі кездеседі. Оның табиғатын түсіну үшін, бұл ұғымның тарихын шолып өту қажет.
Корпорация термині алғаш рет рим жеке құқығында айқындалған. Корпорация «қоғам, бірлестік, кәсіби не сословиелік мүдделері ортақ тұлғаларың тұйық тобы» дегенді білдіреді. Рим құқығында ол, негізінде, экономикалық сипаттан гөрі әлеуметтік тұрғыда қарастырылды.
XII кесте заңдарында корпорациялар діни және кәсіби қағида бойынша құрылды. Корпорацияның мүлкі корпорацияның өзіне тиесілі болды. Тек корпорация өз қызметін тоқтатқан жағдайда, оның мүлкі корпорацияда қалған мүшелерінің арасында бөлінетін.
Шын мәнінде, ірі корпорациялар орта ғасырлардың соңында қалыптасты. Алғашқы трансұлттық корпорация 1600 жылы пайда болған Британдық Ост-Үнді компаниясы болып табылады. Ал екі жылдан кейін құрылған Голландық Ост-Үнді компаниясы алғашқы акционерлік коғам болып табылады.
Қазіргі кезде ғылыми әдебиеттерде «корпорация» ұғымының жүздеген анықтамалары бар.
Американдық кәсіпкерлік құқық сөздігіндегі (Business Law Dictionary) корпорация дегеніміз – мемлекеттік деңгейде танылған құқықтық құрылым, кәсіпорын иелерінен құрылатын бөлек заңды тұлға. Ол шарттарға отыра алады, талапкер не жауапкер бола алады, сондай-ақ, капитал тарту мақсатында акция шығара алады.

1. Азаматтық құқық. І том. Академиялық курс, Басин Ю.Г., Сүлейменов М.К. Алматы, 2003 ж.
2. Дональд Депамфилис «Слияния, поглощения», ЗАО «Олимп-Бизнес», Москва, 2007 г.
3. К вопросу о понятии и видах корпораций в РК и за рубежом [Электрондық ресурс]: жаңалықтар порталы. URL: https://www.zakon.kz/4582828-k-voprosu-o-ponjatii-i-vidakh.html