Қаржыландыру және қаржы менеджменті

Жоспар

І. Кіріспе

а) Қаржы менеджменті

ІІ. Негізгі бөлім
а) Қаржыландыру
б) Капитал
в) Ақша

ІІІ. Қорытынды

Қаржы менеджменті

Қаржы менеджменті – компанияның, кәсіпорынның, ұйымның ақша айналымын, қаржы қорларының құралуы мен пайдаланылуын басқару жүйесі.
Қаржы менеджментінің нысандары:
- қаржы саясаты;
- басқару әдістері;
- қаржы құралдары;
- қаржының тұрақтылығы;
- қаржы өсуін қамтамасыз ету жолында басқарушылық шешімге қатысушы және осы шешімдерді нақты жүзеге асырушы адамдар. Қаржы менеджменті қаржы жүйесінің барлық буындарын қамтиды және нарық жағдайында басқару құрылымының аса маңызды құрамдас бөлігі ретінде әрекет етеді.
Қаржы менеджментінің негізгі – болашақта қаржы қорларын тиімді пайдалану факторларын талдауға негізделген, қаржы қызметтерінің іс-қимыл бағытын айқындайтын қаржы саясаты.
Тиісті қаржы саясатын жасау үшін қажетті қаржы талдауының көздері ретінде мемлекеттік қаржы органдарының ресми есептемелері, нарықтық мекемелік құрылымдардың (банктердің, инвестициялық компаниялардың, тауар, қор және валюта биржаларының) ақпараты, статистикалық деректер, сала аралық және ел аралық салғастырмалар, компаниялардың сыртқы тұтынушылар үшін дайындалған қаржылық-бухгалтерлік есеп-қисабы пайдаланылады.
Тиімді қаржы менеджменті көздейтін мақсаттар:
- компания қызметінің пайдалыэкономикалық нәтижесін молайту;
- оның экономикалық әулетін арттыру;
- шығынды мейлінше азайту;
- пайданы барынша көбейту;
- рыноктың бәсекелестік қабілетін қамтымасыз ету;
- қаржыландырудың қолда бар көздерін тиімді пайдалану;
- жаңа көздерді тарту;
- компания активтерінің құрылымын оңтайландыру;
- компанияның қаржылық тұрақтылығын қамтымасыз ету;
Қаржыны басқару әдістері нақты-тарихи сипатта болады және макродеңгей мен микродеңгейдегі экономикалық қатынастардың дамуына қарай өрбиді. Дамыған нарықтық қатынастар жағдайында қаржыны басқарудың мынандай әдістері қолданылады:
- болжау
- жоспарлау
- қаржыландыру
- несиелендіру
- өзін-өзі қаржыландыру
- салық салу
- сақтандыру
- лизинг
- траст
- факторинг
- Кепілзат
- қаржылай ынталандыру
- санкциялар қолдану
Қаржы менеджменті қаржы құралдарының көмегімен іске асырылады, оларға мыналар жатады:
бастапқы құралдар – ақшалай қаражат, дебиторлық және кредиторлық берешек;
қысқа мерзімді қаржы жұмсалымы – акциялар мен облигациялар;
қосалқы құралдар – опциондар, фьючерстер, фарвардтық келісім-шарттар.
Компанияда қаржыны арнайы құрылған қызметтер басқарады, оларға, әдетте, қаржы жөніндегі вице-президенттер не қаржы директорлары басшылық жасайды. Қаржы қызметінің құрылымына қаржыны талдаумен, болжам жасаумен және жоспарлаумен, несие саясатымен, ақшалай қаражатты және қысқа мерзімді қаржы жұмсалымдарын басқарумен, салық салумен және мемлекеттік реттеуші органдармен өзара қарым-қатынасты жолға қоюмен, инвестициялық қызметпен, сондай-ақ, компанияның бухгалтерлік есеп-қисабын жасаумен айналысатын бөлімшілер кіреді.

Қаржыландыру - қажетті қаржы қорларымен қамтымасыз ету.
Кәсіпорындарды, салаларды, жалпы экономиканы, әлеуметтік аяны, аймақтарды өркендетуге, елдің ұлттық қорғанысын қамтымасыз етуге, қоғамдық өмірдің басқа да салаларын дамытуға жұмсалатын шығындарды өтейді. Кәсіпорындардың, түрлі деңгейдегі бюджеттердің, бюджеттен тыс қорлардың, жекеше инвесторлардың қаражаты басқа да көздер есебінен жүзеге асырылады. Қаржыландыру көлемі жоспарланған шығыстардың және оларды қамтымасыз ету көздерінің негізінде айқындалады. Коммерциялық кәсіпорындардың қаржы қорлары мен өзара қаржылық қатынастар кәсіпорынның бизнес-жоспарында көрсетіледі.
Сметалық қаржыландыруда тұрған мекемелер мен ұйымдарды ұстауға және ұлғайтуға жұмсалатын шығындар негізінен республикалық немесе жергілікті бюджеттердің есебінен жұмсалады. Ұйымдардың ақшалай қаражатының нақты нысаналы мақсатына қарай жалақыны қаржыландыру ұзақ мерзімге пайдаланылатын заттарды сатып алуды, жалдауды, көлік шығындарын, күрделі жөндеуді