Колонналық және мұнаралы аппаратар колонналық және мұнаралы аппараттардың классификациясы

Колонналық және мұнаралық аппараттарға химиялық технологияда негізінен сұйықтық және газдарды өзара әрекеттестіру (ректификация, абсорбция және сулы түрде газдарды тазалау), сұйықтық және сұйықтық (экстракция) және газдар мен қатты денелер өөзара әрекеттесетін (адсорбция) процестрді жүргізуге арналған аппараттар жатады. Әсіресе бұл аталғандардың ішінде органикалық заттарды өңдеу үшін колонналық типтегі ректификациялық колонналар мен реакторлардың маңызы ерекше болып табылады.
Колонналық аппараттардың классикаляқ типтеріне табақшалы және насадкалы аппараттар жатады. Табақшалы аппараттарда сұйықтық және газ фазасы арасындағы әрекеттесу газдың сұйықтық қабаты арқылы көп ретті барботаждалуы есебінен, ал насадкалы аппараттарда – сұйықтықтың насадкалар элементтері бойынша ағуы есебінен жүзеге асырылады.
Екі жағдайда да сұйықтық ауырлық күшінің әсерінен төмен қарай ағады және газды фаза тқменнен жоғары қарай сұйықтыққа қарсы қозғалады.
Массаалмасу процесін үдетудің тәсілдерінің бірі - өзара әрекеттесуш заттардың жылдамдығын жоғарылату болып табылады, соның есебінен екі фазалы ағынның турбуленттілігі артады, бірақ жылдамдықтың артуымен көбік және шашырату тасымалдануының жылдамдығы күрт өседі, және оны аластату өте қиынға соғады. Сондықтан, мысалы, барботажды колонналарда колоннаның толық қимасына есептелген будың жылдамдығы 1-1,5 м\с аспайды. Қазіргі уақыттарда сұйықтық және газ фазасының әрекеттесуінің интенсивтілігін жүйеге қосымша энергия беру есебінен арттыруға ерекше көңіл аударылуда. Процесті интенсификациялау үшін ортадан тепкіш күш және газ немесе сұйықтық ағынының энергиясын пайдалануға негізделген жылдамдықты аппараттардың бірқатары және айналмалы элементтерден тұратын бірқатар өндірістік аппараттар жасалып шығарылды. Тқмендегі суретте жнасу құрылғысының типіне байланысты ректификациялық және абсорбциялық аппараттардың классификациясы келтірілген.