Металдардың жемірілуі

1.Жемірілу
1.1. Химиялық жемірілу
1.2. Электрохимиялық жемірілу
2.Металдарды жемірілуден қорғау
2.1. Ортаның құрамын өзгерту
2.2.Металдарды әр түрлі затпен қаптау
3.Техникада қолданылатын металлдар
4.Электрохимиялық қорғау

Жемірілу деп металдардың өзін қоршаған ортамен химиялық немесе электрохимиялық жолмен әрекеттесуі нәтижесінде бұзылуын айтады. Жемірілу гетерогенді тотығу-тотықсыздану реакциясынажатады.
Қоршаған ортаға металдардың әсеріне қарай жемірілу химиялық және электрохимиялық деп екі топқа бөледі.
Химиялық жемірілу Жүйеде электр тогы түзілмей металдардың бұзылуын химиялық жемірілу дейді. Химиялық жемірілу кезінде металдар өзін қоршаған әр түрлі газдармен, электролиттермен әрекеттесіп бұзылады.Металдардың бұзылуына химиялық жемірілудің бір түрі – газ жемірілуі, яғни металдардың ауадағы оттегімен тотығуы көп зиян келтіреді. Егер металдардың бетіндегі оксид қабығы мықты, берік және тұтас болса, ол оны ары қарай бұзылудан сақтайды. Мысалы, алюминийдің, бериллийдің, танталдың бетінде түзілетін оксидтер тығыз болады да оларды ары қарай тотығудан – бұзылудан сақтайды. Бірақ көптеген металдардыңбетіндегі оксидтер тығыз берік болмайды да, оларды ары қарай тотығудан сақтай алмайды. Жоғары температура металдардың тотығып бұзылуын, әсіресе тездетеді. Мысалы, темірді 300-600°с дейін қыздырғанда бетінде оксидтер қабаты пайда болады. Бұл оксидтер борпылдақ және олардың көптеген тесіктері мен жарықшақтары болатындықтан темірдің тотығуы температураның жоғарылауына сәйкес (800°С дейін) арта береді. Металдардың бейэлектролиттерде бұзылуы сұйық отын пайдаланатын техника салаларында жиі кездеседі. Мысалы, отын ретінде сұйық көмірсутектерін пайдаланатын іштен жанатын двигательдердің бұзылуы жиі кездеседі. Металды сұйық көмірсутектері бұзбағанымен олардың құрамында кездесетін қоспалар жанғанда түзілетін күкірт оксидтері т.б. газдар оксидтерін жеміріленеді.