Информатика ( лекциялар )

Пән: Информатика, Программалау, Мәліметтер қоры
Жұмыс түрі: Материал
Тегін: Антиплагиат
Көлемі: 104 бет
Таңдаулыға:

Мазмұны

1-лекция. Кіріспе4

2-лекция. Тілдің элементтері10

3-лекция. Құрылымдық программалау концепциясы. 16

4-лекция. Модульдік программалау концепциясы17

5-лекция. Объектіге бағытталған программалау концепциясы. 18

6-лекция. Негізгі түсініктер мен енгізу ортасы және программаларды орындау механизмі22

7-лекция. Деректердің негізгі типтері26

8-лекция. Программаларды ұйымдастыру және құрылымдардың негізгі принциптері. 28

9-лекция. Жариялау. 30

10-лекция. Енгізу-шығару. Кітапхана, енгізу-шығару функциялары. 32

11-лекция. Операторлар37

12-лекция. Қадамдап қайталау (цикл) операторы, шарты алдындығы қайталану операторы, шарты соңындағы қайталану операторы. 41

13-лекция. Жалғасу операторы, ауыстырғыш-операторы, ажырау операторы, көшу операторы, қайтару операторы. 43

14-лекция. Деректерді өңдеудің негізгі құралдары45

15-лекция. Стандартты функциялар және процедуралар. 47

16-лекция. Программалық құралдар51

17-лекция. Нәтижелі программаларды жазудың алгоритмдік негіздері52

18-лекция. Тізбектерді өңдеудің негізгі алгоритмдері57

19-лекция. Сілтеме (сілтеуіш) тип. 59

20-лекция. Модульдік программалау61

21-лекция. Программалық интерфейс негізгі принциптері және ұйымдастыру құралдары. 68

22-лекция. Жадыны ұйымдастыру және Си тілінің көрсеткіштері. 76

23-лекция. Программалау жүйелері77

24-лекция. Интегралданған программалау жүйелері: олардың міндеті және компоненттері. 80

25-лекция. Функциялар83

26-лекция. Программаны құрудың негізгі принциптері85

27-лекция. Виртуалды машинға арналған ассемблер тілі88

28-лекция. Графика90

29-лекция. Енгізу-шығару97

30-лекция. Ерекше жағдайларды өңдеу. 103

Әдебиеттер106

1-лекция. Кіріспе

Жоспар:

1. Алгоритм түсінігі.

2. Программа түсінігі.

3. ¤ңделетін информация түсінігі.

4. Программаларды өңдеу технологиясы, оларды алгоритмдік тілдерде іске асыру.

Алгоритм түсiнiгi - информатикадағы орталық түсiнiктердiң бiрi болып табылады. Алгоритм сөзi, негiзiнде, тәсiл, рецепт және т. б. сөздердiң синонимi болып табылады. Бұл мағынада өзiнiң коэффициенттерiмен берiлген квадрат теңдеудiң түбiрiн табу алгоритмi, немесе натурал санды қарапайым көбейткiштерге жiктеу алгоритмi, т. с. с. туралы айтуға болады. Бұл алгоритмдердiң негiзiнде, сандармен берiлген қарапайым математикалық операциялар жатыр. Мұндай алгоритмдердi сандық деп атайды. Көбiнесе сандық емес алгоритмдердi де қарастырылады. Мысалы, бастапқы мәлiметтер мен нәтижелер ретiнде - тексттер, формулалар және т. б. символдар тiзбегi болуы мүмкiн, ал операциялар ретiнде: бөлу, көбейту және т. с. с. операциялар емес, керiсiнше бiр қатарды екiншiсiне жатқызу, кейбiр кестелерде бiр символдарды екiншiсiне алмастыру операциялар қарастырылады. Геометрияның мектептiк курсында циркуль мен сызғыштың көмегiмен түрлi есептердiң шешуi қарастырылады. Бұл есептерде тәсiлдi немесе басқаша айтқанда бастапқы мәлiметтер бойынша фигураны тұрғызу алгоритмiн көрсету қажет. Бұл түрде бастапқы мәлiметтер мен нәтиже ретiнде ніктелер, сызықтар, шеңберлер жиынтығы болады, ал операциялар ретiнде - тiке сызықтар мен шеңберлердi бейнелеу болады.

Сонымен, көзделген мақсатқа жетуге бағытталған әдiстiң нұсқаулар түрiндегi толық және дәл сипаттамасын алгоритм деуге болады.

Әсiресе кәзiргi кезде техника, экономика, ғылыми зерттеулерде компьютердi қолдану мүмкiндiгiнiң арқасында, алгоритмдер үлкен қызығушылық тудырып отыр, өйткенi кәзiргi қоғамдағы адам қызметiнiң әр түрлi салаларында ЭЕМ-нiң соншалық жедел еңгiзiлуi, оның бесаспаптығы, түрлi информацияны арнайы бiр мақсатқа сәйкес өңдей алу қабiлетi себепшi болып отыр. ЭЕМ жұмыс iстеу барысында тек программа түрiнде жазылған нұсқауларды орындайды, ал программаның өзi де арнайы кодтар арқылы жазылған алгоритм болып табылады. Тиiстi белгiлеулер жүйесiн программалау тiлi деп атайды. Дәлiрек айтсақ, программалау тiлi - бұл алгоритмдi компьютер үшiн қолайлы түрде беретiн құралдар мен ережелердiң жиынтығы.

Әрбiр алгоритм - бұл әрекеттер тiзбегi, олардың орындалу барысында алгоритм орындаушысы бастапқы шамалардан iзделiнетiн қорытынды нәтижеге жету ережелерi көрсетiледi. Мұндай әрекеттер тiзбегiн алгоритмдiк процесс деп, ал әрбiр әрекет оның қадамы деп аталынады.

Кез келген есептi шешу - берiлгендерi бойынша қорытынды нәтиженi табуды талап етедi, яғни алгоритм бастапқы мәлiметтердi нәтижеге түрлендiретiн әрекеттерiнiң және олардың орындалу кезектiлiгiнiң сипаттамасы деп айтуға болады. Есептi шешудiң алгоритмiн құру - оны кезекпен орындалатын қадамдарға бөлудi бiлдiредi. Мәселенi шешу процесiн сипаттайтын әрекеттердiң дәл келтiрiлген кезектiлiгi - алгоритм болып табылады.

ЭЕМ процессорына арналған алгоритмдердi құру кезiнде, олардың орындалуы қажеттi қасиеттерге әкелетiн бiрқатар талаптарды ескеру қажет:

Бастапқы берiлгендердi енгiзу нұсқауы бар болуы.

Қорытынды нәтижелердi баспаға шығару нұсқауы бар болуы.

Анықтылық - алгоритм, кез келген нұсқаулармен және олардың орындалу реттiлiгiн қалай болса солай тісiнудi болдырмайтындай бiр мағыналы болуы тиiс.

Әдептiлiк - алгоритм есептiң дұрыс шешiмiн беруi керек.

Нәтижелiлiк - алгоритм қамтитын процесс, мiндеттi түрде белгiлi-бiр қадамдардансоң нәтиженiң алынуына немесе есептi шешудiң мүмкiн еместiгi туралы хабарға әкелуi керек.

Көп мәндерге бiрдейлiгi -әртүрлi бастапқы мәлiметтермен бiр типтес есептердi бiр алгоритм негiзiнде жүзеге асыруға болады.

Үздiктiлiк - алгоритм анықтаған есептеуiш процестi жекелеген кезеңдерге, қарапайым операцияларға бөлуге болады.

Информацияны өңдеудiң алгоритмiн турлi жолдармен құру мүмкiн. Олардың iшiнде негiзгiсi болып: алгоритмдi ауызша сипаттау, графиктiк тәсiл және арнайы алгоритмдiк тiлде бейнелеу табылады. Алгоритмдердi ауызша жазу тәсiлi дегенiмiз - берiлген информацияны өңдеудiң кезектi кезеңдерiн сипаттау нұсқаулары күнделiктi пайдаланатын сөздермен, табиғи тiлде қалай болса солай сипаттауымен берiледi және ең, аз формалданған болып табылады. Бұл алгоритмдердiң көп мәндi тісiнiлетiн нұсқаулары болуы мүмкiн, сондықтан информацияны өңдеуде оларды қолану тиiмсiз болады. Алгоритмдердi сипаттаудың графикалық тәсiлi жоғары дәрежелi көрнекiлiгiмен ерекшеленедi. Схема деп алгоритмдi көрнекi графиктiк бейнелеуi аталады, Бұл кезде алгоритмнiң жекелеген әрекеттерi (нұсқаулары) әртүрлi геометриялық фигуралардың көмегiмен бейнеленедi, ал кезендер (әрекеттердiң орындалу кезектiлiгi) арасындағы байланыс, осы фигураларды бiрiктiретiн бағыттағыштар көмегiмен көрсетiледi.

Схема алгоритмнiң құрылымын көрнектi кескiндеуiне мүмкiндiк бередi. Дербес жағдайда, алгоритмдi Бұл түрiнде бейнелеуде циклдiк құрылымдардың ұйымдастыруын жақсы көруге болады ( цикл -дегенiмiз - ол бiрқатар әректтердiң тiзбегi, олардың соңғысы орындарғаннан кейiн, тiзбек басына қайта оралу жузеге асырылады), схемада олар алгоритмнiң туйық бөлiктерi турiнде көрсетiледi. Схемалар әдетте алгоритмнiң аралық варианттарын бейнелеу үшiн падаланылады. ЭЕМ - орындаушыға арналған алгоритмнiң түпкiлiктi варианты - алгоритмдiк тiлде жазылған болуы керек.

Алгоритмнiң графикалық көрiнiсi информацияны өңдеудегi әрекеттердiң кезегiн бейнелейдi және түрлi геометриялық фигуралар түрiндегi МЕСТ-те бекiтiлген символдардан құралады (1 сурет) .

Неғөрлым жиi қолданатылатын шығыр-символдары:

1: 1

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;

1: 2

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Процесс - меншiктеу немесе арифметикалық есептеудi бiлдiретiн шығыр;

1: 3

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Құжат - шығару, натиженi баспаға немесе экранға шығару әрекетiн белгiлейдi;

1: 4

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Еңгiзу - берiлгендердiң мәндерiн еңгiзудi белгiлейдi;

1: 5

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Шешiм - логикалық шартты тексеретiн шығыр (шарттың орындалуына байланысты алгоритмнiң орындалу бағыты таңдалынады) ;

1: 6

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Байланыстырушы - блок-схеманың сызықтары бөлiнгенде қолданылады;

1: 7

Орындауға жiберу, тоқтату, алгоритмнiң басы мен соңын бiлдiретiн шығыр және де көмекшi программаларда кiру немесе шығу;: Басынан белгiлi процес - көмекшi программа бойынша немесе стандартты программа бойынша есептеудi белгiлейдi;

Алдын ала келiсiм бойынша шығыр-символдардың белгiлi бiр тұрақты мәнi бар және олар түрлi әрекеттер-дiң орындалуын белгiлейдi. Бұл символдар бiр-бiрiмен бағдарша арқылы қосылады (ағынның бағыты) және де бiр әрекеттен келесi әрекетке көшу бағытын көрсетедi. Мысалы, ромб түрiндегi символды белгiлi бiр шарттың орындалуын тексеруге немесе шамаларды салыстыру үшiн пайдалануға болады, ал тұртбөрыш түрiндегi символ барлық турдегi есептеу операцияларын бiлдiредi дейiк.

Сонымен, алгоритмнiң келесi қасиеттерiн атап кетуду жөн санаймыз:

Есептiң шешу жолын бiр мағыналы түрде анықтау;

Мүмкiндiгiнше есептiң әртүрлi варианттарын шығаруға жағдай туғызу;

Қолданылу барысында белгiлi бiр заңдылық бойынша есептеу нәтижесiне мiндеттi түрде жеткiзу.

Қарастырылған есепте бастапқы берiлгендер - квадрат теңдеудiң a, b, c -коэффициенттерi, ал нәтижелiк х1 мен х2 болып саналады, сондықтан Бұл мысалдың алгоритмнде кiрiс шамалар ретiнде a, b, c-параметрлерiнiң мәндерi және де шығыс параметрлерi болып х1 мен х2 мәндерi алынады.

а): а)

Б): Б)

а):

с)

…

Сурет. Қадамдық толық талқылау әдiсiн пайдаланып құрастырған алгоритм

Тендеудiң коэффициенттерi нақты сандар және де бәрi де 0-ге тең емес деп аламыз.

Сонымен, Бұл есептiң алгоритмi алғашында а) суретiнде көрсетiлгендей болып құрылады, келесi қадамында ”квадрат теңдеуiн шешу” блогының әрекетi б) суретiнде көрсетiлгендей тағы да үш әрекетке бөлiнедi, олар - a, b, c бастапқы мәндерiн еңгiзу; x1, және x2 анықтайтын формула; және x1, мен x2 мәндерiн баспаға беру. Келесi қадамда талдауды одан әрi жалғастырып с) суретiнде көрсетiлген алгоритмге келуге болады. Бұл жерде “x1, және x2 анықтайтын формула” блогының әрекетi келесi нұсқаулардың орындалуына келтiредi - дискриминантты есептеп, кейiннен оның мәнiне байланысты, егерде d>0 болса теңдеудiң екi тібiрi, егерде d<0 теңдеудiң тібiрi жоқ, ал d=0 болса теңдеудуң бiр бiрiне тең болатын екi тібiрi бар деген информация баспаға берiледi. Талдауды әрi қарай жалғастырып, квадрат теңдеудiң тібiрiн анықтайтын формулаларымен және қорытынды нәтиженi баспаға беру блоктарымен алгоритмдi толықтыру керек.

Жоғарыда құрастырылған алгоритм тек “жақсы” коэффициенттерi бар квадрат теңдеулердi шешуге жарайды. Ал егерде a, b, c коэффициенттерi кез келген нақты сандар болса, онда олардың кейбiр мәндерiнде (мысалға а=0) жағымсыз жағдайлар туындауы мүмкiн (нолге бөлу) . Сапалы алгоритм мұндай жағдайларды алдын ала ескеретiн болуы керек (әдептiлiк қасиетi бойынша) . Әрқашан алгоритмнiң тұрақтылығы сақталу тиiс, яғни бастапқы берiлгендердiң қандай да болмасын мәндерiнде алгоритмнiң жұмысы әдептi аяқталып, есептеу нәтижесiне келтiру керек. Сондықтан, жоғарыда қойылған мәселенiң алгоритмiн құрастыруды әрi қарай қадамдық талдау арқылы жалғастыруға болады.

3 түрлi алгоритмдiк құрылымдарды құрастыруға болады, олар iлесу (сызықтық), тармақталу (айырық) және қайталау деп аталады.

iлесу құрылымы - ретiмен орындалатын шығырлар. Оның жеке түрiнен құрылған алгоритмдi сызықтық алгоритм деп атайды. Бұл орындау ретi табиғи деп атанады. Сызықтық құрылымдарда әрекеттер бiр рет және бiр кезекпен орындалады. Мысалы:

Егер де есептеу процесiнiң орындалу барысы қандай да бiр шарттың орындалуына байланысты болса, онда Бұл процесс тармақталу есептеу процесi болып табылады. Ал Бұл есептеу процесiнiң алгоритм тармақталу құрылымды және де әрекеттердiң бағыты олардың тармақтары деп аталады. мысалы:

Алгоритмнiң көп рет қайталап орындалатын бөлiктерiн цикл деп, ал қайталану әрекеттер тiзбегiн цикл денесi деп атайды.

Бағдарламалық жүйе құру - көп еңбекті қажет ететін жұмыс болып табылады. Әсіресе, қазіргі қарапайым бағдарламалық жабдықтың өзі жүз мыңдаған операторлардан тұратын кезеңде мұндай еңбектің ауқымдылығы бірден сезіледі. Бағдарламалық жабдықтар (БЖ) құру саласындағы болашақ маман бағдарламалық жүйелерді талдау, жобалау, пайдалану және тестілеу әдістерінен хабардар болуы, сондай-ақ, бұрыннан бар технологиялар мен көзқарастар ағымында бейімделе алуы тиіс.

Бағдарламалау - ғылым мен техниканың салыстырмалы түрде жас және қарқынды дамушы саласы. Нақты жобаларды дайындау және қолданыстағы бағдарламалық, сондай-ақ техникалық құралдарды жетілдіру тәжірибесі әрдайым қайта қаралып жатады. Соның арқасында әлдеқайда жетілдірілген БЖ дайындау құралдары болып табылатын жаңа әдістер, әдістемелер мен технологиялар пайда болады. Олар өз кезегінде бағдарламалық жабдық құрудың жаңа құралдарына негіз болып табылады. Жаңа технологиялардың құрылу процесін зерттеу және олардың негізгі тенденцияларын анықтау барысында осы технологияларды бағдарламалардың даму деңгейімен, сондай-ақ, бағдарламалаушының қолындағы бағдарламалық және аппараттық құралдардың ерекшеліктерімен салыстыра отырып жүргізген тиімді.

Бағдарламалау технологиясы деп - бағдарламалық жабдық құру процесінде қолданылатын әдістер мен құралдардың жиынтығын айтады. Кез-келген басқа технология сияқты бағдарламалау технологиясы да келесі құрамдағы технологиялық ережелер жиынтығынан тұрады:

технологиялық операциялардың (амалдардың) орындалу тізбегін көрсету;
қандай да бір операцияның орындалу шарттарын анықтау;
әрқайсысының бастапқы мәліметтері, нәтижелері, нормативтері, стандарттары, бағалау критериилері мен әдістері және т. с. с. анықталған операциялардың өзін сипаттау.

Әдістемелік материалдар, ережелер,

нормативтер мен стандарттар,

бағалау критерийлері

Стандартты түрде Стандартты түрдегі

берілген бастапқы нәтижелер

мәліметтер

Орындаушылар, бағдарламалық

және технологиялық құралдар

Технология амалдар тобы мен олардың тізбегінен басқа жобаланатын жүйенің сипатталу тәсілін, дәлірек айтқанда, жобаны құрудың нақты кезеңінде қолданылатын модельдерді де анықтайды. Технологиялардың мынадай екі түрі кездеседі:

жобалаудың нақты кезеңінде немесе осы кезеңнің жекелеген мәселелерін анықтау үшін қолданылатын технологиялар;
бірнеше кезеңді немесе жобалау процесін түгел қамтитын технологиялар.

Біріншісінің негізінде әдетте нақты мәселені шешуге мүмкіндік беретін, шектеулі түрде қолданылатын әдіс жатады, ал екіншісінің негізінде жобалаудың түрлі кезеңдерінде қолданылатын әдістер жиынтығын анықтайтын базалық әдіс немесе көзкарас (әдістеме) жатады.

¤ткен ғасырдың орта кездерінде есептеуіш техника саласында күрделі өзгерістер болып, Фортран, Бейсик, Паскаль және т. б. көптеген жоғары деңгейлі программалау тілдерінің жарықка шықканы белгілі. Кітапта оқырмандар ол тілдердің кейбірімен бастапкы түрде болса да таныс деп есептелген.

1972 жылы AT&T атаулы Американың корпорациясы жаңа C (Си) программалау тілін дайындап шықты. Ол - құрылымдық және алгоритмдерді басшылыққа алып дайындалған процедуралық жоғары деңгейлі тіл.

Тілге жылдам орындалатын, жеке биттермен операция жасайтын операторлар да енгізілген. Олар арқылы байланыс порттарын, магниттік дискілерде жинақтауыштарды және т. б. аппараттық құралдарды басқаруға мүмкіндік жасалды. Ал, алғашқы кездерде жеке типті компьютерлердің аппараттық құралдарына қол жеткізе алатын машиналық командалармен жұмыс істейтін төменгі деңгейлі ассамблер тілі ғана болатын.

Кітапта Си тілінің ОБП сияқты жұмыс істеу ерекшеліктері қарастырылмаған. Мұнда 1990, 1992 жылдары жарыққа шыққан Турбо Си 2. 0 және Турбо Си ++ 3. 0 нұскаларымен жұмыс түрлері таныстырылып, жиі қолданылатын программалар құрылған. Олар тілдің ANSI C нұскасына негізделгендікген C++ тілінің түрлі нұскаларында да еркін орындалады.

Әдетте, жоғарыдағы аталған тілдер MS DOS жүйесінің NC (Norton Commander) қабықша программасына енгізіліп қойылады. Онымен жұмыс істеу үшін алдымен берілетін негізгі командалар:

- сәйкес каталогтан tc. exe файлын іске қосу. Мәзірлер енгізілген жүйе терезесі ашылады;

- F10 пернесін басып, курсорды мәзірдің File пунктіне жылжыту және File - New командасын беру (Турбо Си ++ тілі тышканмен жұмыс істейді, сондықтан мәзірмен тышқан арқылы жұмыс істей беруге болады) ;

- экранда программа терілген соң , компиляциялау: Alt + F9;

- программаны сақтау (save) : F2 ;

- программаны іске қосу (run) : Ctrl + F9;

- жүйеден шығып, NC-ке өту: Alt + X .

Алғашқы рет дайындалған программа мәтіні Си тілінде бастапқы код деп аталады. Программа компиляцияланған соң, синтаксистік қателер санын көрсетіп, қосымша сұхбаттық терезе шығады. Қателерді жөндеп, Run командасын беру керек. Команда берілген соң автоматты түрде орындалатын жұмыстар:

- программаның жеке бөліктерін (модульдерді) компиляциялау. Объектілік файлдың алғашқы нұсқасы құрылады.

- компиляцияланған модульдерді бір программаға біріктіру (объектілік модульдерден жүктеуші модуль дайындалады) . Бұл кезде программаға стандартты кітапханалар қосылады да, . obj кеңейтілуі бар орындалатын файл құрылады.

Қажет болса, алгоритмін талдау арқылы программаны қосымша дұрыстап (программаны тестілеп), қайта сақтау.

Осыдан соң сақталған файл программаньщ орындалатын коды делінеді.

Ескерту. 1. Си тілінде анықтамалық тек ағылшын тілінде жазылған. Оны орыс тіліне аудару үшін 'Socrat' не сол сияқты аудару программасын пайдалануға болады.

2. Программа ішінде қазақ алфавитін пайдаланып, қазақша мәтін енгізу үшін алдын ала NC панелінде жазылған kazega. com файлын іске қосып қою керек. Программа ішінде оны теру үшін осы файлды іске қосу командасы: SHIFT + SHIFT. Латын алфавитіне қайтып өту үшін осы команданы кайта берсе болғаны.

3. Турбо Си жүйесінде құрылған программаны Turbo C++ жүйесінде де пайдалануға болады. Бірақ, программа соңына return 0; операторын кірістіріп қойса болғаны.

4. Программа Си тілінде . C толықтыруымен, C++ тілінде . CPP толықтыруымен сақталады.

Бақылау сұрақтары

Алгоритм деп не айтылады?
Сезу мағынасындағы және математикалык формадағы алгоритмдерге мысалдар келтiрiңiз.
Тағамды, дәрiнi және т. с. с. дайындау алгоритмдерi қандай алгоритмдерге жатады?
Қандай алгоритмдердi елiктеушiлер деп атайды?
Қандай алгоритмдер эмпиристiк деп аталады?
ЭЕМ ушiн жазылған программаларды алгоритм деу дұрыс па?
Алгоритмнiң өқыптылығы ненi бiлдiредi?
Алгоритм Бұл басқару құралы деген пайымдама дурыс па?
ЭЕМ-ға арналған информацияны өңдеу алгоритмдерiнiң ерекшелiктерi.
ЭЕМ-ға арналған алгоритмдердiң ерекшелiктерi мен қасиеттерi.
Алгоритмнiң көпшiлiкке бiрдейлiгi қасиетiне мысалдар келтiрiңiз.
Алгоритмнiң үздiктiлiк қасиетiк ашатын мысалдар келтiрiңiз.
Алгоритмдердi сипаттаудың ауызша тәсiлiнiқ кемшiлiктерi мен артықшылықтарын атаңыз.
Алгоритмдердi сипаттаудың графиктiк тәсiлiнiң кемшiлiктерi мен артықшылықтарын атаңыз.
Алгоритмнiң анықтылық қасиетiн ашатын мысалдар келтiрiңiз.

2-лекция. Тілдің элементтері

Жоспар:

1. Алфавит.

2. Тұрақтылар.

3. Идентификаторлар.

4. Кілтті сөздер.

5. Арифметикалық операциялар.

6. Қатынас операциялары. Логикалық операциялар.

7. Меншіктеу операциясы.

8. Биттік операциялар.

9. Тернарлық операция.

C және C++ тілдерінде келесі ұғымдар жиі пайдаланылады:

- алфавит;

- идентификатор;

- кілттік сөздер;

- тұрақтылар;

- операторлар мен функциялар;

- символдық массивтер.

Алфавит - программада пайдаланылатын символдар жиынтығы: латын, орыс, қазақ алфавиттерінің әріптері, араб цифрлары (0, 1, 2, . . . , 9), астын сызу белгісі (_) және т. б. Тілде латын алфавитінің бас және кіші әріптері түрлі әріптер түрінде кабылданады. Қазақ-орыс әріптері мәтіндерде ғана пайдаланылады.

Идентификатор - айнымалы, тип, функция және ен-таңба атаулары. әдетте, айнымалы атауы латын алфавитінің кіші әріптерімен жазылады. Атауға астын сызу белгісін қосып пайдалануға да болады, мысалы: kv_tendeu. Си, C++ тілдерінде идентификатор үшін саны 8-ден аспайтын мазмұнды символдар тізбегін алу жеткілікті.

Кілттік (қызметші) сөздер:

1. asm (ассемблер тілінде трансляциялау)

2. auto (класс спецификаторы)

3. break (тоқтату)

4. case (жағдай)

5. char (символ типі)

6. class (класс)

7. const (тұрақты)

8. continue (жалғастыру)

9. deғault (жоқ жағдай)

10. do (орындау)

11. delete (жадты тазалау)