Қазақтардың е.пугачев бастаған шаруалар соғысына қатысуы

1 Қазақтардың көтеріліске қатысуының алғы шарттары мен себептері
2 Жеңілу себептері және тарихи маңызы

Ресейде болған 1773-1775 жылдары қамтыған Пугачев көтерілісінің негізгі себебі саяси жағынан басыбайлылыққа, орыс еңбекшілерінің патша үкіметінің қыспағына қарсы бағытталған бұқаралық қозғалыс.
Қазақтардың көтеріліске қатысуының алғы шарттары мен себептері:
1742 жылы қазан айының 19-да патша үкіметінің Жайық өзені бойында қазақтардың мал жаюына тиым салуы. ХVІІ ғ-дың 60 жылдарындағы Ертістің оң жағасындағы жақсы жерлерді казактарға таратып беруі. 1756 жылы Жайық өзенінің оң жағына көшіп қонуға рұқсат етпеуі. Жайық қазақтары мен Орынбор қазақ әскерлерімен арадағы тартыс.
Пугачев көтерлісін қазақ шаруаларының қолдауының алғышарты:
Кіші жүздің ірі ақсүйектері-сұлтандар Ералы, Досалы, Айшуақтың көтерлісті қолдау себебі, патша үкіметінің билігін әлсірету еді. Ал, Пугачевтың қазақ жерін қайтарып беруге уәде беруі шаруалар көтерлісін пайдаланып, қазақтарға тартып алынған жайлымдарды қайтару еді.
Кіші жүз қазақтарының шаруалар соғысына қатысу барысы:
Пугачев қолымен қосылып Жайық бекінісін қоршауға қатысты. Кулагин бекінісін алуда басты күш қазақтар болды. 1773 жылы қазан айында Пресногорьковск бекінісі маңында топтасты.
Пугачев Жайық қалашығына аттанар алдында Жоғары Богдан бекінісі жанындағы Көшім сайында Пугачевке Нұралы ханнан сыйлықтар алып, Зәбір молда мен қазақ Оразгелді Аманов барады. Осы жерде 1773 ж. 6 қыркүйекте Е.Пугачев қазақтарға арналған манифесін жазды. Онда былай делінген: «Мен сендердің бәріңді қалдырмай адал, алдамай жер, су мен шөп, азық-түлік, жылғалар мен өзендер, тұз бен нан, қорғасын беремін, бастан аяққа дейін киіндіремін». Е.Пугачев өзін III Петр патшамын деп жариялады. Ол Жайық бекінісіне шабуыл жасап, басып ала алмады. Оның әскерінің негізгі күші Орынборға қарай бет түзеді.