Қоршаған орта туралы біріккен ұлттар ұйымының бағдарламасы

Біріккен Ұлттар Ұйымының даму бағдарламасына сәйкес, еліміздің Қоршаған ортаны қорғау министрлігі 1997-1998 жылдардан бері батыл қадаммен жұмыс жасап келеді. Даму бағдарламасы аясында әртараптан, бірақ басты экологиялық талаптан туындаған бірқатар жобалар әзірленіп үлгерді. Олардың біразы бүгінде жүзеге асырылуда. Мәселен, осы ретте Каспийге қатысты арнайы әзірленген экологиялық бағдарламаны, Батыс Тянь-Шаньнің биоалуандығын неғұрлым сол күйінде сақтап қалу негізінде жасалған орталықазиялық жобаны, Арал теңізі бассейнін пайдаланушылардың проблемаларын шешуді, озон қабатын зақымдай¬тын қоспаларды аз мөлшерде пайдалануды, Қазақстанның жел энергетикасын жедел түрде дамытуды көздейтін бірқатар жобаларды ерекше атауға болады.
Қор¬шаған ортаны қорғау министрі Камал¬тин Мұхаметжанов аталмыш жоба атау¬лының өрісін кеңейте түсу мақса¬тын¬да жұ¬мыс жасайтын БҰҰ Даму бағдарламасының Қазақстандағы өкілі Гор¬дон Джонсонды қабылдап, бо¬ла¬шақ¬та атқарылуға тиісті іс-жоспарла¬рын ор¬та¬ға салды. Тиісті мәліметтерге қөз жүгірт¬¬кенде, бұл бағдарлама¬ның жо¬ғары деңгейде жүзеге асуы¬на аса қажетті қаржы көлемінің жыл сайын артып келе жатқанын аңғаруға болады. Мәселен, әр түрлі экологиялық бағдар¬ла-маларды жүзеге асыру үшін бөлінген қаржы 2004 жылы 1,2 млн. доллар болса, 2005 жылы ол 1,5 млн. АҚШ долларын құ¬раған. Г.Джонсонның сыңайына қара¬ғанда, қоршаған ортаға қажетті қаржы¬ның көлемі биылғы жылы бұрынғыдан да артуы мүмкін. Бұл дегеніңіз, онсыз да қор¬даланған кей мәселелерді шешуге бір¬табан болсын жақын¬дау¬ға мүмкіндік беру деген сөз. Сондай-ақ БҰҰ-ның Даму бағдар¬ламасы аясында Нұра өзенін сынаптан тазарту, Аралға құятын Сыр¬дария өзенінің арнасы мен су жүйесін рет¬ке келтіру, құрғақ жерлерді қайта қал¬пына келтіру мақсатында бірнеше инс¬¬титуттық жобалар дайындал¬ды. Бұл жобалар қазірдің өзінде өзге халықара¬лық провайдер¬лермен қолға алынып жатыр.
Министр сонымен бірге басқо¬суға кел¬ген және осы салаға аса қызығушы-лық танытып отырған әртүрлі халық¬аралық ғылыми-зерт¬теу институттары¬ның, қоғам¬дық және халықаралық ұйым¬дардың өкілдерін қабылданған шешімдерді бірлесе жүзеге асыруға шақырды.
– Біз Елбасы бекіткен Ин¬дус¬трия¬лық-инновациялық стра¬тегияны жүзеге асыру бағдарла¬масына сәйкес өн¬дірісті қайта жобалау және ұйымдастыру мәсе¬лесіне бұдан былай баса назар ауда¬ра¬тын боламыз, – деп сендірді министр. Ал ЭНИ компаниясына тиесілі қазақ¬стан¬дық жобалардың жетекшісі Гвидио Микелоти өздері жұмыс жасайтын аймақтардың экологиялық жағдайы мен қауіп¬сіздігін толықтай міндеттеріне ала¬тын-дықтарын айтты.
Ынтымақтастық үдерістері аясында жүзеге асады
Алматыда Біріккен Ұлттар Ұйымының Азия және Тынық мұхиты өңірлеріне арналған Әлеуметтік және экономикалық комиссиясының (ЭСКАТО) кезекті 63-ші сессиясы өз жұмысын аяқтады. ЭСКАТО сессиясының аяқталатын күні БҰҰ Еуропаның Экономикалық комиссиясы (ЕЭК) мен БҰҰ-ның Азия және Тынық мұхиты елдеріне арналған Экономи¬ка¬лық және әлеуметтік комиссиясының (ЭСКАТО) секре¬та¬риат-тары мен Еуразиялық экономикалық қоғамдастық (ЕурАзЭҚ) Интеграциялық комитеті секретариатының арасында Түсіністік туралы меморандумға қол қою салтанаты өтті.