Қазақстан Республикасының ұлттық қауіпсіздік комитеті (ҰҚК)

Қазақстанның бірыңғай ұлттық қауіпсіздік органдары жүйесінде ҚР Президентіне тікелей бағындырылған және оған есеп беретін орталық мемлекеттік орган. Ол өз қызметіңде ҚР Конституциясы мен заңдарын, Республика Президентінің актілерін, өзге де нормативтік құқықтық актілерді және "Қазақстан Республикасының ұлттық қауіпсіздік комитеті туралы" Ережені (19.7. 1997) басшылыққа алады. К-т құрылымы орт аппараттан, орт аппарат жанындағы құрылымдык бөлімшелерден тұрады. "Қазақстан Республикасының ұлттық қауіпсіздік органдары туралы" ҚР Заңына (21.12.1995) сәйкес ұлттық қауіпсіздік органдарына мынадай міндеттер жүктелген: жеке адамның қоғам мен мемлекеттің қауіпсіздігін қамтамасыз ету саласындағы мемл. саясатты әзірлеу мен іске асыруға қатысу; ҚР мүддесі үшін барлау ақпаратын іздеп табу. шет ел мемлекеттері арнайы қызметтері мен ұйымдарының сондай-ақ жекелеген адамдардың ҚР-ның қауіпсіздігіне нұқсан келтіруге бағытталған барлау және өзге де қызметін анықтау, алдын алу және тыю; ҚР-ның конституц, құрылысын күшпен өзгертуге, тұтастығын бұзуға және қауіпсіздігін әлсіретуге бағытталған қаскүнемдік пен өзге де қызметті анықтау, алдын алу және тыю; Ұлттық қауіпсіздік к-ті органдарынын жүргізуше заңмен жатқызылған қылмыстарды анықтау алдын алу және тыю: ҚР Президентін, ҚР-ның мемл. органдарын, Қарулы күштерін, басқа да әскерлері мен әскери құрамаларын бейбіт кезде және соғыс уақытында үкіметтік байланыспен қамтамасыз ету; ҚР-ның мемл. органдарында, ұйымдарында, Қарулы күштерінде, басқа да әскерлері мен әскери құрамаларында шифрлау жұмысын ұйымдастыру; ҚР-ның мемл. шекарасын күзетуді және қорғауды қамтамасыз ету. ҰҚК ұлттық қауіпсіздік органдарына жүктелген осы міндеттерді шешу мақсатыңда: ұлттық қауіпсіздік органдары қызметінің стратегиясын әзірлеп, тактикасын айқындайды: ҰҚК бөлімдерінің аумақтық органдарының әскери қарсы барлау органдарының әскерлерінің, арнаулы мақсаттағы бөлімшелердің, бағынысты ұйымдардың қызметін бағыттап, үйлестіреді және бақылайды, оларга нақты және әдістемелік көмек көрсетеді: мемл. органдармен сондай-ақ ұйымдар мен ұлттық қауіпсіздік органдарының құзырына жататын мәселелер бойынша өзара іс-қимылды жүзеге асырады; Республика Президентіне және мемл. органдарға ұлттық қауіпсіздік органдарының құзырына жатататын мәселелер жөнінде хабарлап отырады; ҚР жасасатын халықтар, шарттарды әзірлеуге, сондай-ақ, Республиканың қауіпсіздігін қамтамасыз ету мәселелерін қозғайтын заңдардың, өзгеде нормативтік құқықтық актілердің жобаларын әзірлеуге қатысады; шет мемлекеттердің арнаулы қызметтерімен, үкіметтік және арнаулы байланыс органдарымен, халықтар құқық қорғау ұйымдарымен ҚР-ның халықтар шарттары негізінде байланыс орнатады, ынтымақтастық туралы келісімдер жасасады, оларды орындайды; өз құзыреті шегінде ұлттық қауіпсіздік органдарының қызметін тәртіптейтін нормативтік құқықтық актілер шығарады; ұлттық қауіпсіздік органдары қызметінің негізгі және көмекші бағыттарын тікелей іске асырады; өз құзыреті шегінде ҚР Президентінің заң күші бар Жарлығымен өзінің қарауына жатқызылған өзге де атқарымдарды орындайды. ҰҚК, сондай-ақ, өз өкілеттігі шегінде нормативтік актілер шығарады. ҰҚК-н төраға басқарады, оны Парламент Сенатының келісімімен Президент қызметке тағайындайды және қызметтен босатады, сондай-ақ, Президент төрағаның орынбасарлары мен кт бөлімдерінің басшыларын да қызметке тағайындап, қызметтен босатады. ҰҚК органдарында генералдар (адмиралдар) атқаратын қызметтердің тізімін Президент бекітеді. Ұлттық қауіпсіздік органдарының қызметін үйлестіру, жедел әрекет қызметінің аса маңызды мәселелерін қарау және кадрлармен жұмыс істеу, олар бойынша келісілген шешімдер қабылдау үшін к-тте алка құрылған.