Соттардың қызметін қамтамасыз етуді ұйымдастыру ұғымы және қағидаттары

1 Соттардың қызметін қамтамасыз етуді ұйымдастыру ұғымы және қағидаттары

2 Соттардың қызметін қамтамасыз етуді ұйымдастыру нысандары

Соттардың қызметін қамтамасыз етуді ұйымдастыру ретінде соттардың қалыпты жұмыс істеуі үшін қажетті жағдайлар жасау, оларды кадрлық, қаржылық, материалдық-техникалық және өзге де ресурстармен қамтамасыз ету ұғынылады. Мемлекеттің кез келген органының қызметі сияқты сот органдарының қалыпты жұмысын қамтамасыз ету міндеті осындай қызметтің негіздерін басшылыққа алатын негізгі идеяларда көрінетін белгілі бір қағидаттардан жасалады.
Соттардың қызметін қамтамасыз етуді ұйымдастыру қагидаттары. Бірінші кезекте заңдылық қағидаты сияқты негізгі қағидатты, яғни соттардың қызметін қамтамасыз етуді ұйымдастыруды ҚР заңнамасында белгіленген шеңберде және тәртіпте қатаң жүзеге асыруда атап өту қажет. Сондай-ақ барлық соттар мен судьялар үшін ортақ және біртұтас Конституцияда, сот жүйесі туралы конституциялық заңда, іс жүргізу және Қазақстан Республикасының өзге де заңдарында белгіленген сот төрелігі қағидаттары басшылыққа алынуға тиіс. Р.А. Беленков мынадай 3 қағидатты бөліп көрсетеді:
1) соттардың кадрлық, қаржылық және өзге ресурстарда мүқтаждықтарын толық қанағаттандыру;
2) соттардың сот төрелігін жүзеге асыру кезінде араласпау және судьялардың тәуелсіздігі қағидаттарын қатаң сақтау;
3) соттардың қызметін ұйымдық қамтамасыз етуді жүзеге асыратын органдар нақты істі қарау кезінде соттарға қандай да бір нұсқаулар беруге құқығы жоқ, ал соттар, егер олар берілсе, осы нұсқаларды орындауға міндетті емес (әрі құқығы жоқ).
Соттардың қызметін ұйымдық қамтамасыз етудің негізгі бағыттарын осындай қамтамасыз ету субъектілері бойынша бөлуге болады:
1. Қазақстан Республикасы Жоғарғы Сотының жанындағы Сот әкімшілігі жөніндегі комитет:
1) соттардың қызметін материалдық-техникалық, қаржылық және өзге де қамтамасыз ету (қаржыландыру, сот ғимараттарын техникалық жарақтандыру, кеңсе құралдарымен қамтамасыз ету және т.б.);
2) тиісті органдарға соттарды ұйымдастыру мәселелері бойынша нормативтік құқықтық актілердің жобаларын енгізу;
3) судьялардың жүктемесінің нормативтерін әзірлеу;
4) сот статистикасы мен соттардың мұрағатының жұмысын жүргізуді ұйымдастыру;
5) соттарды қүқықтық сипаттағы түрлі ақпараттармен қамтамасыз ету (заңды және заңға тәуелді нормативтік актілер, арнайы әдебиеттер, анықтама материалдары және т.б.);
6) жекелеген өңірлер немесе барлық ел шеңберінде сотардың жұмысындағы сот тәжірибесін жинақтау, соттарды ұйымдастыру және олардың қызметі мәселелері бойынша ғылыми зерттеулер ұйымдастыру;
7) соттардың штат санын белгілеу;