Қазақстанның теміржол саласын дамыту талқылау

1 Қазақстанның теміржол саласын дамыту талқылау.
2 Билет алу
3 Билетті қайтару

Көлік және коммуникация министрлігі Үкіметке теміржол саласын дамытудың 2007-2011 жылдарға арналған кешенді шараларының жоспарын қабылдауды ұсынып отыр.
Қазанның 2-і күні өтіп жатқан Үкімет отырысында Қазақстанның теміржол саласын дамыту талқылануда. Бұл бойынша баяндама жасаған Көлік және коммуникация министрі Серік Ахметовтің айтуынша, аталған кешенді шаралар жоспары Үкімет тапсырмасына сәйкес әзірленген. «Кешенді шаралар жоспарының атап өтер ерекшелігі – мемлекет, ұлттық компания және жеке сектор арасында саланы дамту саласындағы жауапкершілікті нақты ажырату», деді министр.
Министрдің айтуынша, жауапкершілік секторында Қазақстан теміржолы ҰҚ-ға біртұтас технологиялық холдинг қызметін жүзеге асыру
ұсынылып отыр. Яғни, компания тасымалдау үдерісіне барлық қатысушылардың өзара іс-әрекетіне жауапты болады. Бұл ҚТЖ-ның еліміздің теміржол әкімшісі қызметін және ұлттық тасымалдаушы мәртебесін сақтауды қарастырады. «Қазақстан теміржолы орта мерзімді перспективада халықаралық бағыттардағы жалғыз ұлттық тасымалдаушы болып қала береді», деді С. Ахметов. Оның айтуы бойынша, мемлекет ішіндегі бағыттардағы тасымалдаушылар қызметі үшін кешенді шаралар жоспарында бәсекелестікті дамыту жөніндегі мәселелер қарастырылған. Ал мемлекет жауапты секторда сала құрылымының жаңа нысандарының құрылысын салу жағы қамтылған. Мұндай жағдайда мемлекет пен жеке сектор әріптестігі, қажет болған жағдайда бюджет қаржысын тарту қарастырылып отыр.
2007-2001 жылдар кезеңінде Қазақстанның теміржол саласының құралдарын жаңартуға, жаңғыртуға, күрделі жөндеу жүргізуге 580 млрд. теңге қажет. Бұл туралы Үкімет отырысында Көлік және коммуникация министрі Серік Ахметов мәлім етті.
Министрдің айтуынша, қазіргі таңда сала жолаушылар мен жүк тасымалы бойынша шығынмен жұмыс істеуде. «Қазіргі тасымал көлемінің шығындылығының артуы саланың барлық негізгі құрадарының тозуына себепші болып отыр. Магистральды теміржол желісінің бірқатар шешуші шаруашылықтары құралдарының 70 пайыздайының тозығы жеткен, деді министр. Оның сөзіне қарағанда теміржол саласын дамытуда елімізде осыған дейін қабылданған шаралар саланың негативтік салдарын тек кейінге шегеруге шектелген. Мәселен, көмір, темір кені, шаруашылық өнімдері сынды жүк түрлерін тасымалдауда әлі күнге тарифтердің шығындылығы сақталып отыр. Республикалық бюджеттен жолаушыларды тасымалдаушылардың шығындары толық көлемде субсидияланбай отыр. Нәтижесінде саланың негізгі құралдарының тозығы жеткендігі байқалып отыр. «Тасымдау қызметінде бәсеке жоқ. Жүк үдерісін автоматтандыру деңгейі төмен», деді министр. Оның пікірінше мұндай жағдайлар осылай жалғаса беретін болса, ол Қазақстан экономикасының даму қарқынын тежеуі әбден мүмкін. Сондықтан саланың тозығы жеткен құралдарын жаңғыртуға, жаңартуға және күрделі жөндеуден өткізуге мемлекет тарапынан айырықша маңыз беру қажет. Осы орайда министр теміржол саласын дамытудың 2011 жылға дейінгі кешенді шараларының жоспарын қабылдау қажеттігін айтты.