Оқушылардың білім деңгейін көтеру

1 Мектептерде білімді беру әдістері
2 Оқушыларды пәнге қызықтыру мәселесі

Сонау 1930 жылдың өзінде-ақ атақты жаушы, әрі ғалым Ахмет Байтұрсынов «Әуелі біз елді түзету үшін бала оқыту ісін түзетуден бастауымыз керек, халық та, билік те оқуменен түзеледі. Сондықтан да балалардың қалай оқып, жастардың қалай тәрбиеленетіні бәрінен жоғары қойылатын деген болатын. Әдетте «Ұстазы жақсының, ұстамы жақсы» — деген мақал бар. Сондықтан мектептердегі оқушылардың білім деңгейін жоғары деңгейге көтеру үшін мектептегі кадр мәселесіне үлкен мән беру керек.
Мен қазіргі заманғы Әрбір мұғалімде мынадай қасиеттердің болуын талап етер едім: «Кім жақсы білсе сол ғана жақсы оқыта алады», - деп Ю.А. Конаржевский айтқандай біріншіден, мұғалімнің өз пәні бойынша білім деңгейінің жоғары болуын, және оған сыбайлас жатқан пән аралық байланыс бар пәндер бойынша да білімді болуын, екіншіден, педагогикалық, психологиялық білім деңгейінің жоғары болуын, үшіншіден, қарым-қатынас іскерлігінің, хабарлау іскерлігінің, зерттеу іскерлігінің, ұйымдастыру іскерлігінің, сұрау іскерлігінің, бағалау іскерлігінің, өз мамандығының шебері болуын, сонымен бірге әрі іскер, өрі ізденгіш, әрі мәдениетгі, әрі парасатты, әрі зиялы, әрі әділ, әрі мейірімді, әрі қатал, әрі кеңпейіл, әрі адал, әрі тапқыр, әрі сезгіш, әрі белсенді, әрі төзімді, әрі көргенді, әрі көңілді, әрі ақылды, әрі мықты, әрі сыншыл, әрі табанды, әрі өткір, әрі қайырымды, әрі қарапайым, әрі пысық, әрі ұстамды, әрі еңбекқор болуын қалар едім.