Қазақ тілінің зерттелу тарихы

1 Қазақ тілінің зерттелу тарихы
2 Қазақ тілін Қазақстан Республикасының мемлекеттік тілі

Қазақ тілінің зерттелу тарихы жалпы түркі тілдерінің зерттелуімен байланысты.Түркі тілдерінің зерттелуі нәтижесінде түркітану ғылымы пайда болды.Қазақ тіл білімі түркітану ғылымының бір саласы болып табылады.Түркітану түркі тілдерінде сөйлейтін халықтардың тілін, тарихын, мәдениетін, әдебиетін, этнографиясын зерттейтін гуманитарлық ғылымдардың жиынтығы болып табылады.Түркі тілдерінде сөйлейтін халықтырдың басым көпшілігі бір кездегі Рессей империясына қарағандықтан, түркітанудың алғаш пайда болған жері, Отаны Рессей болып табылады.Ал жеке ғылым саласы ретінде қалыптасқан кезі ХІХ ғасырдың 2-жартысы. Қазіргі кезде түркітану негізінен түркі тілдері мен әдебиетін зерттейтін филологиялық ғылым ретінде сараланды.
Түркі тілдерінің тарихын зерттеудің аса маңызды көздері - Орхон - Енисей, көне ұйғыр жазба ескерткіштері, ортағасырлық араб, парсы, түркі ғалымдарының еңбектері және Батыс Еуропа мен орыс ғалымдарының зерттеулері болып табылады. ХІХ ғ. дейінгі еңбектерде түркі тілдері даралана зерттелуден гөрі жалпы түркі тілдерімен немесе оның жеке топтарымен (оғыз, қыпшақ, қарлық т.б.) практикалық түрде танысу негізінде оларға тән зандылықтарды анықтау, салыстырмалы сөздіктер жасау, шағын грамматикалық очерктер жазу дәрежесінде болды.Сөйтіп,Рессейде түркітану ғылымының негізі салынды. Бұл кезде Мәскеу, Петербург, Қазан қалаларында оның ірі орталықтары қалыптасып, А. Казамбек, О. Бётлинг, И. Березин, Л.З. Будагов, Н. И. Ильминский сияқты түркітанушылар түркі тілдерін теориялық тұрғыда зерттеуге ден қойды.