Мұнай газ секторы үшін мамандар дайындаудың негізгі критерийлері

1 Мұнай газ секторы үшін мамандар дайындау
2 Мамандарды дайындау сапасының халықаралық стандарттарға сәйкестігі

Президентіміздің үстіміздегі Қазақстан халқына Жолдауы экономиканың өндіруші секторының алдына нақты міндет қойылғандығымеен ерекшеленеді. Мұнайхимиясын дамытудың басты мәселесі ол сектордың пайдалылығын арттыру болып табылады. өндіруші сектордың дамуымен шет елдік және жергілікті инвесторлар жаңа перспективті өндірістерді құру үшін бағытталған міндеттердің кешенін шешетіндігі маңызды фактор.
Мамандардың бағаламалары бойынш мұнайдың болжамдалып отырған қоры 13 миллиард тонна, соның ішіндегі өндірілетіні – 2,76 миллиард тонна құрайды. Болашақта Республикамызда шикі мұнайды өндіру 100 млн тоннадан асатын болады. Басты кен орындары болып Қашаған, Қарашығанақ, Теңіз, яғни әлемнің ірі мұнай өндіруші компанияларының назарын өзіне аударып отырған кен орындар саналатын болады. Олай болса, біздің республикамыздың әлемдегі мұай өндіруші елдердің ең ірі ондығы қатарына енетіндігі айқын.
Қазіргі уақытта тұтас алғанда мұнай газ секторында біздің елімізде шамамен 80 ге жуық кен орнын игеру жұмыстары жүргізілуде. Саланың дамуы Қазақстан Республикасының 2030 жылдарға бағытталған стратегиялық даму бағдарламасына, Қазақстанның 2003-2015 жылдарға жасалған Индустриальды – инновациялық даму стратегиясына, 2003-2015 жылдар ішінде Каспий теңізінің Қазақстандың секторын игеру бойынша Мемлекеттік бағдарламаға сай жүргізілуде. Жоғарыда келтіріліп өткендер, біздің елбасымыздың мұнай газ саласының алдына қойған міндеттері, жеке алып қарағанда мұнайхимиясы саласындағы міндеттері белгіленген мерзімдерде орындалуы толық мүмкін міндеттер болып табылады.