Секта – дін бұзатын ағым

Пән: Дінтану
Жұмыс түрі: Материал
Тегін: Антиплагиат
Көлемі: 4 бет
Таңдаулыға:

Секта - дін бұзатын ағым

Қазіргі үлкендеріміз ұсақталды ма, әлде заман бұзылды ма, жастарға ақыл айтып, келелі іске араласатын қарияларымыздың аздығына қынжыласың. Кезінде Бауыржан Момышұлы атамыз «Ертегі айтар аталарымыз бен әжелеріміздің азайғанынан қорқамын» деген екен. Қазіргі қариялардың ісі - күнделікті күйбең тірліктің әңгімесі. Қош делік, үлкендердің кішіге айтар назы іспеттес, жастардың да үлкендерге айтар назы - бұл. Жастардың болашағы, жолы қалай болмақ!

Бұл билікті де, халықты да ойландырған іс болып отыр бүгінгі күнде. Қазіргі таңда өз дінінен безіп, өзгенің жетегінде жүрген жастар жетерлік. Бұл жөнінде бабаларымыз «Жүзге бөлінгеннен дінге бөлінген жаман» дейді. Бұл қағида тарихта талай мемлекеттің тағдырына талау жасады емес пе? Сондықтан бір жеңнен қол, бір жағадан бас шығару керек екендігін қазіргі жағдай толыққанды көрсетіп беріп отыр. Елбасы Нұрсұлтан Назарбаевтың сөзімен айтқанда, «Жан-жағымызда елдің бірлігін көре алмайтын кейбір теріс ойлы саяси күштер бар». Сонымен бізді бөлінушілікке ұшырататын қандай жағдайлар. Ол, әрине, жастардың басқа дінге бет бұруында. Жастар теріс діни ағымдардың жолына қалай түсіп кетіп отыр. Ол ағымдардан қалай құтылуға болады. Жалған діни ұйымға кірген тұлға кері шыға ала ма? Бұл - бүгінгі күні халықтың көкейіндегі өткір мәселе. Бабаларымыз «Ауырып ем іздегенше, ауырмайтын жол ізде» демей ме? Ендеше, халқымыздың арасына іріткі салуға ұмтылған теріс ағымдар туралы тарата айтсақ. Деструктивті діни ұйым, ол - жекелеген адамдарды әртүрлі әдістермен қатаң бақылауға бағытталған тоталитарлық ұйым. Оның салдары жеке тұлғаның психикалық және физикалық жағынан алған әсердің қорытындысында қоғамнан бөлшектенуіне және отбасы мен қоғамды, мемлекетті күйретуге дейін залал келтіреді. Неге сектаға тартылған адамның қайта қалыпты өмір сүруіне мүмкіндік аз? Өйткені деструктивтік діни ұйымдар қоғамда берілетін барлық ақпараттарды жоққа шығаруға тырысады. Қалай? Мысалы, теледидар көру, радио тыңдау, қоғамдық газеттер оқуды және ұйым мүшелерінен басқа адаммен, қоршаған ортамен қарым-қатынасты, ақпарат алмасуды барынша шектейді. Сенушілерге тек өз әдебиеттерін, аудио және бейне материалдарын насихаттайды. Жаңадан мүше болып кірген адамның бос уақытының болмауын қадағалайды. Сөйтіп, оның жеке өмірін қатаң кесте бойынша жүргізеді. Секта, бір сөзбен айтқанда, адам психологиясын өз дініне, өміріне, еліне, ата-анасына және т. б. қарсы қойып, араздастыруды көздейтін, түп-төркінінде қазақ елін құртуға әкелетін діннің ең қауіпті бағыты.

Айталық, теріс жалған ағымдар Отанға қауіп төнсе де, қолға қару алмауды секта мүшелерінің миына әбден сіңіріп тастаған. Яғни адам бойындағы отаншылдық сезімін жойған. Жатқа Отанын, елін, жерін соғыссыз бере салуға үндейді. Сонымен қатар жақын адамы өлім аузында жатып, оған қан беру керек болса, қан бермейді. Бұл секталар спортпен шұғылданғанды да қолдамайды. Басты мақсаты - өздерінің қауымына кірген жаңа мүшелерін есінен адастырып, үй, басқа да заттарын өздеріне алып қалу. Аталмыш жалған ағымдардың өздеріне еліктіріп әкететін мықты тәсілдері бар. Адам мен қоғамды қатар қоя отырып, жағымсыз бейнелерін заманның кінәсі деп ысыра салады, өздері сүттен ақ, судан таза. Бір қызығы, олардың қазақ тіліндегі кітап-журналдары өте сауатты, әрі көпшілікке тартымды тілде жазылған. Еріксіз ойға қаласың, осылардың бәрін жасап жүрген өз қандастарым емес пе деген сұрақ туады?

Біздің қоғамда қалың көпшілік біле бермейтін осындай құйтұрқы діни ұйымдар бар. Іс-әрекеттері қағаз жүзінде заңды болғанымен, іс жүзінде іріткісі көп. Олар қайдан келді, қандай мақсаты бары санаулы адамдарға ғана белгілі. Бұл - Қазақстандағы халықтар арасында әдейі «араға от жағу» жұмыстарын жүргізуге келген, ішкі татулыққа іріткі салуға келген шетелдік миссионерлердің қам-қарекеті екендігі анық.

Тағы бір шынайы мұсылман дінімізге іріткі салып жүрген діни экстремизмнің бағыты - ваххабизм. Соңғы кезде ваххабизм күрделі саяси мәселеге айналып тұр. Бұл біздің қоғамға өте қауіпті. Шынтуайтына келсек, мұсылмандық жолға бет бұрдық деген қыздарымыздың қазақ аруына тән емес пәренже киюі, жігіттеріміздің ұсқынсыз сақал қоюы қоғамда дүдәмал ой туғызып отыр. Әдебиетіміз бен тарихымызда жастайынан сақалды жөнсіз өсірген мәдениетті естіген жоқпыз. Біз мұнымен кімге еліктейміз? Осы салаға бет бұрған қыз-келіншектердің құдды бір қазаға ұрынғандай қара жамылып, бет-аузын тұмшалаған қылығы жаныңа батады. Дұрыс, әурет жеріңді жауып жүру шариғатта парыз саналғанымен, бүркемелеп пәренже киіп, қазақша орамал тартуға болмайды деген сөз жоқ. Қазақта қара - қайғының, ақ жаулықтың белгісі. Ендеше, жас өрімдей қыздарымыздың ақ немесе қарамен жамылуын немен түсіндіреміз. Ілімсіздіктің кесірі, өзге елдің жымысқы саясатын тықпалап, аруларымызға қазақ әйеліне тән емес, салтымызға қайшы «перде» жабуға мәжбүр етті. Исламда адамның иманы сыртқы киіммен өлшенбейтіні бесенеден белгілі. Қазірде ислам діні десе, жұрттың төбе шашы тік тұратыны да содан. Аталмыш жалған ағымның мақсаты - имани таза мұсылман дініне іріткі салу.

Ислам атын жамылған діни ағымның бір түрі - «Хизбут-ТаҺрир» партиясы. Бұл ұйым да мұсылмандар арасына жік салуда. Алдымен, бұл ислам партиясы болып табылмайтындығын және исламды таратумен күреспейтіндігін атап өткен жөн. «Хизбут-Таһрир» ар бостандығы, жеке бас бостандығы, дауыс беру бостандығы, жеке меншік бостандығы сияқты 4 негізгі демократиялық бостандықтың біреуін де мойындамайды. Бірінші кезекте ұйым эмиссарлары терең діни білімі жоқ жастарды тарта бастайды. Қазақстанда «Хизбут-Таһрир» ұйымы экстремистік болып табылады және оның қызметіне республика аумағында тыйым салынады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.