Ортағасырлық қазақ мәдениеті

1. ХХ ғ. Мәдениетінің негізгі құндылықтары және қайшылықтары.
2. ХХ ғ. әлемдегі адам және адам әлемі.
3. Мәдениеттанулық теориялар мен кoнцепцияларға талдау.

ХХ ғасырдың мәдениеті даму барысында өзіндік тұрақты бағдарламаларынан айырылып қалып отыр. Бұл күрделі мәселе төңірегінде талай ғылымдар өз пікірлерін білдіріп келеді.
М.Маклюэн әлеуметтік – мәдени даму процесін тікелей ақпарат алмасу құралдарының өзгерістерімен байланыстырды да дискреттік идеяға мәдени дамудың континуалды идеясын қарсы қояды.Ол 60 – жылдардың басында - ақ адамзат тарихындағы мәдени кезеңдердің тікелей негізгі ақпарат құралдарының өзгерісіне байланыстылығы туралы мәселені көтерген болатын.
М. Маклюэн адамзаттың тарихы даму барысында негізгі қарым – қатынас құралдарының өзгеруіне байланысты үш кезеңді көрсетеді. Әрбір тарихи мәдени сатының өзіндік қайталанбас ерекшеліктері бар.
Негізгі коммуникация \байланыс\ құралы тіл болғандықтан, тілге, ауызекі сөзге негізделген салт – дәстүрлер, мифтер, әдет – ғұрыптар немесе жалпылама айтсақ, фольклор кеңінен дамыды және ұрпақтар мирасқорлығының негізі де сол болып табылады. Тіл – коммуникация құралы ретінде адамның тікелей қатынасуын қажет ететін болғандықтан да адамдар ұжымы өзара ұйымшыл, бөлінбес бірлікте болады.
Әліпбиге дейінгі қауымдық қоғамда адамның өмірге бейімделген негізгі сезім мүшесі – құлақ болады. Есту сенумен пара – пар болды. Фонетикалық әліпби құлақтың сиқырлы әлемін жайбарақат бейтарап көз әлеміне алмастырады. Ендігі жерде негізгі сезім мүшесі болып есту мүшесі құлақ емес, көру мүшесі – көз келеді.