«Нашақорлыққа қарсы күрес - еліңе қосқан үлес»

1 «Нашақорлыққа қарсы күрес . еліңе қосқан үлес»
2 Нашақорлыққа қарсы күрес тұралап тұр ма?

Есірткіні жаппай пайдалану, оның кеңінен өріс алған тасымалы мен жүйелі саудасы бүгінде бүкіләлемдік әлеуметтік-қылмыстық зұлматқа айналып отыр. Бұл қылмысты жасап отырғандар да, оны қорғаштап жүргендер де, есірткіні өндірушілер де өзара тығыз байланысты, айла-тәсілге епті қылмыстық ұйым болып табылады. Демек, есірткіге қарсы күресте құқық қорғау органдарымен бірге басқа да ұйымдар бірлесіп, жұмыла күш біріктірмесе болмайды. Әйтпесе, оны тоқтату да қиын, жеңу де мүмкін емес.
Қазақстанның батыс өңірі есірткі тасымалының арналары үшін Ресей мен Еуропаға ашылған қақпа іспеттес. Өкініштісі сол, еліміздің батыс қақпасы арқылы тек жүк пен шикізат қана өтпейді. Оны көптен бері өсірткі тасушылар өздерінің тасымал жолына айналдырып алған. Осы арналарға бақылау қою, есірткі тасымалының жолын кесу, қылымыстық топтардың зұлым ниетін жүзеге асырмау – аса маңызды міндет. Есірткі бизнесі мен нашақорлық проблемасы қай заманда да өз маңыздылығын жоғалтпаған. Соңғы жылдары елімізді есірткіні медициналық емес мақсатта тұтынатын адамдар саны да көбеюде. Қылмыстың заты болып - құрамында есірткі заттар бар өсіруге тыйым салынған өсімдіктер саналады. Бұлар апиын, индиялық, оңтүстік манчжурия, Оңтүстік Шу, оңтүстік архон сорасы, кокаин бұтасы, Қазақстан Республикасында өсетін, бірақ өсіру үшін тыйым салынған немесе ол үшін арнаулы рұқсатты қажет ететін өсімдіктер: ұйықтатын көкнәр түріндегі өсімдіктер: ұйықтататын көкнәр түріндегі өсімдік, сора тұқымдас өсімдік.
Халықтың денсаулығына қарсы қылмыстардың аса қауіпті түрі – есірткі, психотроптық күшті әсер ететін және улы заттарды заңсыз айналымға түсірумен байланысты іс-әрекеттер болып табылады. Есірткі, психотроптық заттар, прекурсорлар, күшті әсер ететін және улы заттарды заңсыз айналымға түсіруге байланысты қылмыстардың тікелей обьектісі – халықтың денсаулығы болып табылады. Біздің елде есірткі саудасына қарсы күрес заңы қатайғанымен, есірткі құмарлыққа қарсы заңның бірінші бабы күшін жойды. Яғни нашақорлар қылмыскер емес, ауру. Сондықтан оларға алдымен дәрігерлердің көмегі керек.
Есірткі саудасына қарсы күрес мәселесі әлемнің барлық елін алаңдатып отыр. Елімізде есірткіқұмарлық саны жылдан-жылға көбейіп барады. Медициналық, құқықтық статистика мәліметтеріндегі деректер осылай дейді. Бірақ қолымыздағы ресми мәліметтердің өзін нақты, дәл ақпарат деп айта алмаймыз. Шынайы жағдайда еліміздегі жас есірткіқұмарлардың саны ресми мәліметтерде көрсетілгеннен бірнеше есе көп болуы мүмкін. Жастардың санасына есірткінің адам өмірін жалмайтын жұлынқұрт екенін түсіндермесек болмайды.
Нашақорлық сынды қоғамдық дерттің алдын алған дұрыс. Сонымен қатар, нашақор адамдарға қылмыскер ретінде қарамай, оларды ауру адам ретінде қарастырып, емдік шаралары жүзеге асырылып отырса, сол мақсатта емдеу-сауықтыру мекемелері көптеп ашылса, біраз мәселе шешілген болар еді.