Энергия жайлы

1 ЭНЕРГИЯ
2 Деформацияның потенциалдық энергиясы

Табиғатта жұмыс істеу салдарынан материя қозғалысының формасы бір түрден екінші түрге өзгеріп отырады. Материалдық объектінің бір күйден екінші күйге көшкенде жұмыс істеу кабілетін энергия деп атаймыз. Сондықтан жүйе нормаль күйге көшу кезінде неғұрлым көп жұмыс істесе, оның энергиясы соғүрлым көбірек болады. Яғни, материалдық объектінің жұмыс істеу қабілетінің сандық мөлшерін сипаттайтын физикалық шаманы энергия деп ұғу керек. Осы себептен жұмыс қандай өлшем бірлікпен өлшенсе, энер¬гия да сол өлшем бірлігімен, яғни джоульмен өлшенеді.
Материалдық жүйенің қандай формада қозғалуына байланысты энергия да әр түрлі болады. Мысалы: механикалық, ішкі, электормагниттік т.б.
Сонын, ішінде механика бөлімінде өте кең тараған механикалық энергия түрін қарастырайық.
Кинетикалық энергия. Бұл ұғымды еркін денеге әсер етуші күштің жұмысын есептеу арқылы түсіндірген жөн. Яғни бір күштің әсерінен қозғалған материалдық нүктенің немесе дененің жылдамдығы өзгеріп отырады. Түсірілген күштің істеген жұмысы дененің жылдамдығының өзгеруіне байланысты. Бұл байланыс материалдық нүктенің кинетикалық энергиясы деп аталатын физикалық шама арқылы өрнектеледі.
Материалдық дененін кинетикалық энергиясын анықтау керек болсын. Сонда массасы т, жылдамдығы v материалдық дене екінші бір денемен әсерлесуінің салдарынан өзінің қозғалысын тоқтатады.