Баға белгілеу факторлары

МАЗМҰНЫ:

1.1. Баға белгілеу факторлары ... ... ... ... ... ... ... ... ... ... ... ... ... ... ... ... ... ... .3
1.2. Баға белгілеу тәртібі және оны жасау кезеңдері ... ... ... ... ... ... ... ... ... 5
1.3. Баға белгілеудің мақсаттары, стратегиялары және әдістері ... ... ... ..8
1.4. ТӨЦ кезеңдеріндегі баға саясаты ... ... ... ... ... ... ... ... ... ... ... ... ... ... ..14

МАРКЕТИНГТІҢ БАҒА САЯСАТЫ
1.1. Баға белгілеу факторлары
Баға – нарық реттеушісі, ол тауарлардың нақты түрлерін өндіруге мүмкіндік береді немесе тежейді, сұранысты шектейді немесе ұлғайтады, осылайша белгілі бір өнімнің өндірісі мен тұтынуына тікелей немесе жанама әсер етеді.
Баға – шығындарды талап етпейтін, ерекше күш - жігерсіз-ақ кіріс әкелетін маркетинг-микстің ең икемді элементі. Өткізу бағасын белгілеу және өзгерту – кәсіпорынның баға саясатын зерттей отырып, жасайтын маркетинг бөлімдерінің маңызды міндеті.
Баға жөніндегі маркетингтік шешімдерге мыналар жатады:
 Бағаның төменгі және жоғарғы деңгейін;
 Олардың фирма мақсаттарына;
 Тауар сапасына;
 Сұранысқа;
 Бәсекелестердің баға саясатына;
 ТӨЦ пен басқа факторларға байланысты өзгеруін анықтау, оңтайлы өткізу бағаларын белгілеу және жеңілдіктер жүйесін жасау.
Бағаға әсер ететін негізгі факторлар мыналар:
1. Өндіріс шығындары, яғни:
 Тұрақты шығындар – өндіретін өнім көлеміне байланысты емес шығындар;
 Айнымалы шығындар – өндіретін өнім көлеміне тікелей байланысты шығындар;
 Жиынтық шығындар – тұрақты щығындар мен айнымалы шығындардығ қосындысынан тұрады.
2. Сұраныс – нарықтық бағаның өзгеруіне әсер ететін негізгі фактор. Егер тауарға деген баға өссе, сұраныс төмендейді. Ал, тауарға деген баға төмендесе, онда сұраныс артады. Бұл – сұраныс заңы деп аталады.
3. Тұрғындардың сатып алу қабілеті – олардың ақшалай табысына байланысты.
4. Ақша өрісінің жағдайы – тұтынушыларда бар ақша көлемі, инфляция деңгейі, оның серпіні, ұлттық ақша бірліктерінің, валюталық бағамдардың қозғалысы және тағы басқалары.
5. Бәсеке. Ол бағалық және бағасыз болып бөлінеді. Бағалық бәсеке – тауардың бағасын өзгерту арқылы бәсекелестік күрес жүргізу. Бағасыз бәсеке – тауар сапасын, оның ерекше қасиеттерін, қауіпсіздігін, сервисін, әсемділігі мен дизайнын және тағы басқа сипаттамаларын жақсарту арқылы жүргізетін бәсекелестік күрес.
6. Бағаларды мемлекеттік реттеу – шаруашылық субъектілердің баға саясаты көбінесе мемлекеттің бағаларды реттеу саясатына байланысты болады.
7. Тауар сапасы – жоғары сапа тауарларға жоғары баға қоюға мүмкіндік береді. Төмен сапалы тауарлар фирма беделін түсіріп, клиенттерді жоғалтуға, сату көлемінің азаюына әкеледі, сондықтан бұндай тауарларға тқмен баға тағайындалуы мүмкін.
8. Тасымалдаукөлемі – тасымалдау көлемі неғұрлым жоғары болса, тауардың әрбір данасына кететін шығындар соғұрлым аз болады да, бағаны төмендетуге мүмкіндік береді.
9. Сатушы мен сатып алушы арасындағы өзара қарым – қатынас – бағаның нақты мөлшері, белгіленген кезде қолданылатын жеңілдіктер үстеме баға деңгейі мен түрлері айқындалады.
10. Жеткәзу шарттары – транзиттік жеткізу кезеңінде тауарды жабдықтаушыдан тұтынушыға тікелей жатқызады.