Ғарышты игеру туралы

Пән: Астрономия
Жұмыс түрі: Материал
Тегін: Антиплагиат
Көлемі: 2 бет
Таңдаулыға:

Ғарышты игеру.

Ғарыш кеңістігін ғарыш қалдықтарынан тазарту адамзат алдында тұрған өзекті мәселелердің бірі болып табылады. Бұл мәселені шешудің ғылымилық, техникалық, экологиялық жақтары зерттелуде. Ғарыш кеңістігінің экологиялық жағдайы барлық мемелекттердің ғалымдарын алаңдатуда. Бұл мәселені көптеген ұлттық зерттеу орталықтары, ғарыш агенттіктері, Халықаралық комитеттер мезгіл-мезгіл талқылап, шешу жолдарын іздестіруде. Жердің ластануы мен ғарыштың ластануын белгілі бір шектерде ғана салыстыруға болады. Өз-өзімен жойылып кететін қалдықтар да бар: жердегі азық-түлік қалдықтары және төмен ұшатын ғарыштағы серіктер. Көп өмір сүретін қалдықтар да бар: жердегі синтектикалық материалдар және ғарыштағы геостационарлық объектілер. Ғарыштағы қалдықтар жердегі қалдықтарға қарағанда көбеюі мүмкін екендігі туралы айтылып жүр. Мамандар егер ғарыш қалдықтарының көбеюінің алдын алу жұмыстары жүргізілмесе, онда ғарышқа жол бірнеше жүз жылдар бойына жабылады деп есептейді.

«Ғарыш әлеміне - 50 жыл».

Бұл ерекше көрме адамзат баласының алғаш ғарышты игере бастағанына 50 жыл толуына орай ұйымдастырылған.

Ғарышты игеру тарихына айрықша мән берген көрмеде Ғарыштық зерттеулер және технологиялар ұлттық орталығы, ҚР Тағамтану институты, № 48 «Ғарыш» лицейінің және №23 мектептің 9-сынып оқушысы Әлібек Балахметовтің жеке жинақ қорларынан алынған және Алматы қаласы тарихының мұражайы қорындағы бірегей жәдігерлер қойылған.

Онда, негізінен, Байқоңыр ғарыш айлағы жұмысынан хабар беретін фотосуреттер мен зымыран тасығыштардың құрылғы бөліктері, ғарышкерлер тұтынатын тағам түрлері, ғылыми кітаптар, сондай-ақ ғарыш кеңістігінің игерілуіне 50 жыл толуына арнап шығарылған тиын түрлері және басқа да жәдігерлер жұрт назарына ұсынылуда.

Көрменің алғашқы күні арнайы жиын өтіп, келушілерге ғарыш тақырыбын қамтыған деректі фильм көрсетілді. Арнайы көрменің ашылу салтанатында Ғарыштық зерттеулер және технологиялар ұлттық орталығының мамандары ғарыш саласындағы Қазақстан жетістіктеріне тоқталып, осы бағытта атқарылып жатқан жоба-жоспарларымен бөлісті. Әсірелеп айтсақ, «ғарышты қолға ұстатқызған көрме» осы айдың ортасына дейін жалғасады.

Қаперге

Ең алғаш Байқоңырдан 1961 жылы 12 сәуірде тұңғыш рет Ю. Гагарин «Восток» ғарыш кемесімен ғарышқа аттанған. Одан кейін ғарыш кеңістігін игеруде көптеген жаңашыл бастамалар орындалды. «Восток», «Восход», «Союз», «Мир» т. б. жасанды жер серіктері ұшырылды.

Еліміз Тәуелсіздік алғаннан кейін 1991 жылы 2 қазанда тұңғыш рет қазақ ғарышкері Тоқтар Әубәкіров «Союз Т-13» ғарыш кемесімен Байқоңырдан ғарышқа көтерілді. Сонымен қатар Ресеймен бірлескен бағдарлама бойынша тағы бір қазақ ғарышкері Талғат Мұсабаев ғарышта 1994 және 1998 жылдары екі рет болды.

Тоқтар Әубәкіров (1946)

Тоқтар Оңғарбайұлы Әубәкіров 1946 жылы 27 шілдеде Қарағанды облысы, Қарқаралы ауданы, 1-ші Май ауылында дүниеге келді.

Ол кез соғыс жаңа бітіп, батырлықты, ерлікті уағыздаған уақыт болатын. Әкесі Оңғарбай мен шешесі Қамия көзге көрініп, көз жұмған 9 ұлдан кейінгі перзентіне «енді осы жаманымыз аман болсыншы» деген ниетпен азан шақырып, Тоқтар есімін беріпті.

Ата-анасы ерте дүние салды. Кішкентайынан ата-анасынан айырылғаннан ба, Тоқтар бұйығы, оқшау өсті. Ол апасы Бикен мен жездесі Нығметтің тәрбиесінде болды.

1962-65жж. Теміртау құйма механикалық зауытында токарь болды. Есімі облыстық Құрмет кітабына алтын әріппен жазылды. Ресей Федерациясындағы Армавир жоғары әскери ұшқыштар училищесін бітірген (1969ж) . 1969-75жж. Кеңес Одағы әскери-әуе күштерінің Қиыр шығыс әскери округінде ұшқыш, звено командирі, эскадрилия командирінің орынбасары. Мәскеу ұшқыш сынақшылар мектебін (1976ж. ), Мәскеу авиация институтын бітірген (1979ж. ) . Мәскеудегі А. И. Микоян атындағы Тәжірибелік-конструкторлық бюроның ұшқыш-сынақшы. Т. Әубәкіров 1988 жылы Кеңес Одағында тұңғыш рет әуеде қонбай ұшаққа 2 рет жанармай құйдыру арқылы Солтүстік полюске ұшу сапарын ерлікпен орындады. 1989 жылы 1-ші болып авиатасушы крейсердің алаңқайшасына «МиГ-29к» реактивті ұшағын үлкен шеберлікпен дәл қондырды. Сондай-ақ ол реактивті ұшақтың 50-ден аса жаңа түрін сынақтан өткізді. 1990 жылы ғарышкерлер құрамына алынды. 1991 жылы 2-ші сәуірде Кеңес Одағының Ғарышкерлер дайындау орталығында ғарышқа ұшу дайындығына кірісіп, сол жылы 2 қазанда Байқоңырдан «Союз ТМ-13» кемесімен ғарышқа ұшты. Ғарыш кемесі жер төңірегіндегі «Мир» орбиталық кешенімен түйісті. Онда ол өзге ғарышкерлермен бірге биотехнология, металлургия, медицина салалары және Арал теңізі аймағы бойынша ғылыми-зерттеу жұмыстарын жүргізді. Зерттеу нәтижесінде Арал үстіндегі тұзды шаң борамасының пайда болу процесі, сол зиянды аэрозольдардың Қазақстан мен Ресей аймақтарына таралуының ғарыштық суреттері алынды. Сондай-ақ Қазақстан аумағындағы атмосфераны және жер бетін зерттеу, жұлдызды аспанды астрофизикалық бақылау жұмыстары да ойдағыдай өтті. Әубәкіров 1991 жылдың 10 қазанында Жерге оралды

... жалғасы

Сіз бұл жұмысты біздің қосымшамыз арқылы толығымен тегін көре аласыз.