Еңбек заңдылығы әлі де сақталмай келеді

Пән: ОБЖ (Основы безопасности жизнедеятельности), Защита труда
Жұмыс түрі: Материал
Тегін: Антиплагиат
Көлемі: 3 бет
Таңдаулыға:

Еңбек заңдылығы әлі де сақталмай келеді

Кеше облыстық әкімдікте облыс әкімінің орынбасары А. Әжіғалиеваның төрағалық етуімен әлеуметтік әріптестік пен еңбек қатынастарын реттеу жөніндегі облыстық үшжақты комиссияның отырысы өтті. Онда аталған бағытта бірнеше мәселе қаралды.

Бірінші мәселе - 2010 жылы балалар мен жасөспірімдер демалысын, сауықтырылуын, еңбекке баулуын қамтылуын ұйымдастыру туралы облыстық білім беру басқармасы бастығының орынбасары З. Дүйсекенова баяндады. Оның айтуынша, биылғы оқу жылында жалпы білім беретін мектептердің 1-10 сыныптарының 90 266 оқушысы жазғы демалысқа шыққан. Осы балалардың 88 224-і тынығу, сауықтыру және еңбекке баулу лагерьлерінің жұмысымен қамтылып отыр. Облыс бойынша 115 тынығу, сауықтыру лагерьлері жұмыс жасаған, оның 110-ы жалпы білім беретін мектептердің базасында ұйымдастырылып, 23753 бала мектептер жанындағы лагерьлер жұмысымен қамтылған.

Халықтың денсаулығын нығайту және салауатты өмір салтын қалыптастыру мақсатында туризм мен спортты, спорттық-бұқаралық іс-шараларды дамыту жұмыстары туралы облыстық туризм, денешынықтыру және спорт басқармасы бастығының орынбасары Г. Каленова баяндады. Басқарма бойынша спорттың материалдық-техникалық базасын одан әрі нығайту мақсатында Индер мен Құрманғазы аудан орталықтарынан, Атырау қаласының Геолог, Балықшы кенттерінен салынатын спорттық кешендер құрылыстарының, Нұрсая ықшам ауданында жоспарланған теннис кортының және дарынды спортшы балаларға арналған мектеп-интернат құрылысы, есу базасы құрылысының жобалау сметалық құжаттамасы дайындалуды, келешекте осы құрылыстар іске қосылғанда, облыс спортының дамуына үлкен үлес қосары сөзсіз.

Облыс бойынша бірінші жартыжылдықта 8 ҚР еңбегі сіңген спорт шеберлері, 2 халықаралық дәрежедегі спорт шебері, 21 «ҚР спорт шебері», 18 спорт шеберлігіне үміткерлер, 10 әлем және азия чемпионаттарының жеңімпаздары, 28 ҚР чемпиондары мен жүлдегерлері дайындалған. Бүгінгі таңда облыс туризм инфрақұрылымын дамыту мақсатында 2010-2011 жылдары жеке инвестиция есебінен жаңа туристік объектілер салу жоспарлануда. Атап айтқанда, Атырау қаласы, Ақжар селосы жанында «Релаксация» ЖШС ашық су қоймаларында қара балық тұқымдарының түрлерін әуесқойлықпен аулауға арналған демалыс туристік базасын және Каспий теңізі жағалауында қонақ үй салу жұмыстары.

Үшінші мәселе - облыста кәсіпкерлікті дамыту жұмыстары жөнінде Атырау облысы кәсіпкерлік және өнеркәсіп басқармасы бастығының орынбасары Р. Байсалихова айтып өтті. 2010 жылдың 1 қарашасына тіркелген шағын және орта кәсіпкерлік белсенді субъектілерінің саны 17 729 бірлікті құраған. Шағын және орта кәсіпкерлік саласында жұмыспен қамтылғандар саны 6203 адамды құрап отыр, ал сатылған өнімдер мен көрсетілген қызметтердің көлемі 322 346, 0 млн. теңгені құрайды. 2010 жылдың қаңтар-қазан айларында шағын кәсіпкерлік субъектілеріне берілген несие қаражатының көлемі 9 734, 5 млн. теңге, «Ауыл шаруашылығын қаржылай қолдау қоры» арқылы 120, 4 млн. теңге.

Қазақстан Республикасы Еңбек кодексі талаптарының сақталуы туралы Атырау облысы бойынша Бақылау және әлеуметтік қорғау департаментінің бас инспекторы Салауат Ишай мәлімдеді. Оның айтуынша, тексерілген ұйымдарда Еңбек кодексінің талаптарын сақтауда көптеген кемшіліктер анықталған. Көптеген компанияларда жалақыны кешіктіру фактісі көп. Содан кейін, жұмысқа кім болса соны ала береді, яғни маман-қызметкерлердің біліктілігі талапқа сәйкес емес, Еңбек қорғау және басқа да еңбек заңдылықтары ескерілмейді, вакансия, яғни бос жұмыс орны туралы мәліметтер бермейді жергілікті атқарушы және өкілетті органдарға, бақытсыз жағдайларды тіркеу кітапшасы да жоқ, жұмысшы-қызметкерлерді сақтандыру жүйесі көбінде енгізілмеген. Міне, осындай кемшіліктер еңбек заңдылығының бұзылуына әкеп соғуда. Комиссия мүшелері аталған мәселелер бойынша тиісті шаралар алу, кемшіліктерді жою жөнінде шешім қабылдады.

Пайдаланылған әдебиеттер.