Тырысқақтың алдын алу


Пән: Медицина
Жұмыс түрі:  Материал
Тегін:  Антиплагиат
Көлемі: 4 бет
Таңдаулыға:   

Тырысқақтың алдын алу

Тырысқақ (cholera) - қауiптi жіті ішек жұқпасы, Халықаралық медициналық - санитарлық ережелерге сәйкес жұқпаларға жатқызылады, бұл халық денсаулығына ықпал етуi және халықаралық мағынасы бар халықтың санитарлық-эпидемиологиялық салауаттылығы саласында төтенше жағдайлар туғызуы мүмкiн.

Vibrio cholerae бактериялары ас қорыту органдарына түсе салысымен сұйық, ауырсындырмайтын, жиі іш өтуге әкелетін токсин бөледі. Ал жалпы улану тоқтаусыз құсуға әкеледі. Адам өзінен көп көлемде сұйықтық шығара бастайды, нәтижесінде ағза сусызданып, адам өліп кетуі де мүмкін.

Жұқпа таралуының жалғыз көзі - ауру адам немесе тырысқақ бойынша қолайсыз аймақтан келген қоздырғышты нәжіс немесе құсық арқылы бөлетін вибриотасымалдағыш. Қоздырғыш жұқтырылған тамақ және су (жиі кездеседі) арқылы адам ағзасына түседі, ауру адаммен қатынаста болғанда немесе тұрмыстағы заттарды пайдаланғанда жұғады.

Инкубациялық мерзiм (ауруды жұқтырып алған сәттен бастап, алғашқы белгiлерiнiң байқалғанына дейiнгi жасырын мерзiм) бiрнеше сағаттардан 5 тәулiкке дейiн құрайды. Қоздырғыш суда, сүтте, ағынды суларда ұзақ уақыт бойы сақталады және қайнатқанда жойылады.

Тырысқақ өте жұқпалы, және оған балалар да, ересектер де шалдығады. Басқа ішек ауруларынан ерекшелігі ол бірнеше сағат ішінде дені сау ересек адамның өзін өлімге душар етеді. Өлім коэффициенті 30-50 пайызға дейін жетеді.

Медициналық көмекке дер кезінде жүгінсе, және емдеу дұрыс жүргізілсе, аурудың соңы, көп жағдайда сауығумен аяқталады. Ауру таралуының негізгі себебі қауіпсіз судың тапшылығы не жоқтығы, санитариялық құралдардың болмауы, бұған қоса, қоршаған ортаның нашар жағдайы, жеке бас гигиенасының сақталмауы болып табылады.

Жұқтыру жағдайларына мыналар ықпал етедi: тырысқақ аурушаңдығы бойынша қолайсыз елде, ауданда, елдiмекенрде аурудың басталғанына дейiн 5 күн болу; жуылмаған жемiс-жидектер мен көкөнiстердi пайдалану; iшi өткен науқастарды қарауда; зарарсыздандырылмаған сондай-ақ, қайнамаған суды және ашық су қоймалары суын ішу үшін пайдалау; шомылу орындары үшін ұйымдастырылмаған, ашық су қоймаларында суға түсу; үй жағдайында дайындалған асшаяндарды, шаяндарды, теңіз орамжапырақтарын және термиялық өңдеулері жеткіліксіз басқа да азық-түліктерді, аз тұздалған балықты пайдалану; тырысқақ бойынша қолайсыз аудандардан әкелінген жемістер мен көкөнітерді пайдалану.

Әлемдегі жағдай. Көптеген елдерде тырысқақ адамдардың денсаулығына төнген қауіп болып отыр. 2011 жылғы тамыз айының басына жер шарында тырысқақтың 474136 жағдайы тіркелген. Тырысқақтың бұрқ етуінің ең жоғарғы қаупі көшпелі қоғамдарда және қашқындар лагерлерінде сақталуда, көп жағдайда, себеп - санитария деңгейінің төмен болуы және қауіпті ауыз судың жоқтығы. Сіз баруға жоспарлаған елде тырысқақ ауруы бойынша жағдай туралы ақпаратты алу үшін денсаулық сақтау және санитарлық-эпидемиологиялық қызмет органдарына баруға болады.

ДДҰ мәліметтері бойынша 2011 жылғы 1 тамыздағы жағдай бойынша келесі елдерде тырысқақ тірекелген:

Африка: Бурунди, Гана, Замбия, Зимбабве, Камерун, Конго, Кот-д Ивуар, Мозамбик, Намибия, Нигерия, Сомали, Уганда, Чад, ЮАР;
Азия: Ауғаныстан, Бирма, Үндістан, Қытай (Гонг Конг), Оңтүстік Корея, Малайзия, Непал, Пәкістан, Папуа-Новая Гвинея, Тайвань, Филиппин.
Америка: Венесуэла, Гаити, Доминикан Республикасы, Канада, Мексика, АҚШ.
Еуропа: Испания, Украина.

2010 жылдың қазанынан бастап 2011 жылдың 31 шілдесіне дейін Гаитида 415765 жағдай тіркелген, соның ішінде 5500 өлімге алып келген. Канада, Корея, Тайван, Мексикада басқа елдерден жұқтырылып әкелінгендер 1 жағдай, АҚШ 5 жағдайдың 3-уі тіркелген. Мариуполода 2011 жылдың тамыз айына дейін 24 жағдай тіркелген.

ШҚО алдын алу іс-шаралары:

Жіті ішек аурулары мен тырысқақ бойынша эпидемиологиялық маусымның басталуына орай, тырысқақтың әкелінуін, таралуын болдырмау мақсатында облыста келесі алдын алу іс-шаралары жасалуда:

• эпидемиологиялық (жаз) маусымда судың беткі қабаттарындағы суға және сыртқы орта нысандарына тырысқақ вибриондарына үнемі зерттеулер жүргізіледі;

• емдеу-алдын алу мекемелерінің, санитарлық-эпидемиологиялық қызметтің облыс көлемінде тырысқаққа күдікті адамды анықтау бойынша дайындығы қамтамасыз етілген;

• арнайы тәртіптік мекемелерге, әлеуметтік оңалдандыру мекемелеріне түскен,, шетелден келген адамдарды тырысқаққа тексеру жүргізіледі, сонымен қатар, ішек ауруына шалдыққан адамдардың материалдарына зертханалық зерттеу жасалады;

• этиологиясы белгісіз жұқпалы аурудан көз жұмған адамдардың мәйітінен алынған материалдар зерттеледі;

• халық арасында санитарлық-ағартушылық жұмыс жасалады.

Жеке қорғаныс шаралары:

Аурушаңдықтың қаупі жоғары аудандарда тұратын немесе сапарға шығатын адамдар өздерін жіті ішек ауруларынан, соның ішінде тырысқақтан гигиена мен тамақты дұрыс дайындаудың мына ережелерін орындай отырып, сақтана алады:

• Шет елге шығар алдында аса қауіпті жұқпалы (паразитарлы) ауруларларымен халық аурушаңдығы туралы турист фирмасынан анықтап алаңыз;

• Қолыңызды мұқият жуыңыз, әсіресе, тамақ дайындар және тамақтанар алдында.

• Ішуге және тіс тазалау үшін тек қайнатылған суды немесе бөтелкедегі суды пайдаланыңыз.

• Ішуге және тұрмыстық жағдай үшін (жеміс-жидек, көкөністер, ойыншықтар және басқа заттарды жуу) кездейсоқ су көздерінің суын пайдаланбаңыз

... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Тырысқақтың тарихы және жұғу жолдары
Ел аумағына карантиндік және басқа да аса қауіпті инфекциялардың келуі мен таралуының санитарлық қорғаудағы нормативтік құқықтық құжаттар
Тырысқақ. Әлемдегі жағдай және алдын алу шаралары
Аса қауіпті жұқпалы аурулар
Тырысқақ қоздырғышы
Жануарларды тасымалдауға дайындау және тасымалдау кезіндегі мемлекеттік ветеринариялық-санитариялық бақылау
Тырысқақ
СПИД ауруының белгілері
Аса қауIптI (карантиндIк) жұқпалы ауру
Жануаларды тасымалдау көліктері
Пәндер



Реферат Курстық жұмыс Диплом Материал Диссертация Практика Презентация Сабақ жоспары Мақал-мәтелдер 1‑10 бет 11‑20 бет 21‑30 бет 31‑60 бет 61+ бет Негізгі Бет саны Қосымша Іздеу Ештеңе табылмады :( Соңғы қаралған жұмыстар Қаралған жұмыстар табылмады Тапсырыс Антиплагиат Қаралған жұмыстар kz