2009 жылғы қаңтар-наурыздағы Шығыс Қазақстан облысының өнеркәсіп өндірісі және қаңтар-сәуірдегі инвестициялық қызмет

Пән: Өнеркәсіп, Өндіріс
Жұмыс түрі: Материал
Тегін: Антиплагиат
Көлемі: 3 бет
Таңдаулыға:

Өнеркәсіп және энергетика

Өнеркәсіп өндірісі. 2009 жылғы қаңтар-наурызда облыстың өнеркәсіптік кәсіпорындары қолданыстағы бағалармен (шағын, қосалқы кәсіпорындарды, үй шаруашылығы секторларын және ұйымдаспаған экономикалық қызмет бойынша қосымша есептеуді қосқанда) 86892, 2 млн. теңгенің өнімін өндірді, бұл республикалық өнеркәсіп өндірісі көлемінің 5, 4%-ын құрайды. Қаржылық емес бірлестіктер секторымен 84624, 4 млн. теңгенің өнімі шығарылды.

2009 жылғы қаңтар-наурызда кен өндіру өнеркәсібінде 11619, 1 млн. теңгенің өнімі өндірілді, бұл 2008 жылдың сәйкес кезеңіндегі деңгейден 10, 4%-ға көп. Мыс-мырыш кені - 26, 1%-ға, құрамында алтыны бар қойыртпаны - 59, 0%-ға, мыс қойыртпасын - 22, 2%-ға, мырыш қойыртпасын - 10, 1%-ға өндіру артты.

Сонымен қатар, мыс кенін өндіру - 6, 1 есеге, қорғасын-мырыш кенін - 17, 2%-ға, құрамында алтыны бар кенді - 0, 8%-ға, қорғасын қойыртпасындағы қорғасынды - 11, 5%-ға, қорғасын қойыртпасын өндіру - 4, 2%-ға азайды.

Кен өндіру өнеркәсібінің қызмет түрлері бойынша өнеркәсіп өндірісінің нақты көлем индексі

2009 жылғы қаңтар-наурызда өңдеу өнеркәсібінде 61393, 3 млн. теңгенің өнімі өндірілді, бұл 2008 жылдың сәйкес кезеңіндегіден 12, 3%-ға аз. Өңдеу өнеркәсібі өндіріс көлемінің 52, 8%-ы - «металлургия өнеркәсібі мен металл өңдеуге», 15, 6%-ы - «тамақ өнімдерін сусындарды қоса өндіруге», 14, 0%-ы - «машина жасауға», 8, 5%-ы - “өзге де металл емес минералды өнімдер өндіруге» және т. б. келді.

Өңдеу өнеркәсібінің қызметтүрлері бойынша өнеркәсіп өндірісінің нақты көлем индексі

2009 жылғы қаңтар-наурызда металлургия өнеркәсібі мен дайын металл бұйымдарын өндіруде 32443, 1 млн. теңгенің өнімі өндірілді, соның ішінде “металлургия өнеркәсібі” өнімдеріне сала көлемінің 94, 2%-ы, «дайын металл бұйымдарын өндіруге» - 5, 8%-ы келді. Осы қызмет түрі бойынша тұтастай алғанда нақты көлем индексі 95, 3%-ды, соның ішінде «түсті металл өндіруде» - 96, 0%-ды, «дайын металл бұйымдарын өндіруде» - 88, 8%-ды құрады. 2008 жылдың қаңтар-наурызымен салыстырғанда өңделмеген және жартылай өңделген немесе ұнтақ түріндегі күміс - 23, 3%-ға, өзге де түсті металдарды және өзге де түсті бұйымдарды - 35, 4%-ға, өңделмеген мырыш өндіру - 1, 3%-ға кеміді. Бірақ, өңделмеген тазартылған қорғасын бір жыл бұрынғыға қарағанда 7, 2%-ға, өңделмеген және жартылай өңделген немесе ұнтақ түріндегі алтын - 31, 4%-ға көп өндірілді.

2009 жылғы қаңтар-наурызда 9557, 1 млн. теңгенің тамақ өнімдері өндірілді, бұл 2008 жылдың сәйкес кезеңіндегі деңгейге қатысты алғанда 92, 7%-ды құрады. Тазартылмаған күнбағыс майын өндіру - 27, 6%-ға, өзге де алкогольсіз сусындар - 19, 1%-ға, ірі тартылған жарма, ұн - 12, 0%-ға, сыра - 10, 1%-ға, ірімшік пен сүзбе - 9, 3%-ға, дәнді және өсімдік дақылдарынан ұн, олардың қоспалары - 7, 9%-ға, дайын және консервіленген балық өндіру - 1, 9%-ға азайды.

Сонымен қатар, тазартылған өсімдік майы - 2, 7 есеге, сары май - 13, 3%-ға, үй құсының еті мен сорпалығы - 8, 0%-ға, өңделген сұйық сүт пен кілегей - 7, 4%-ға, шұжық өнімдері - 1, 0%-ға көп өндірілді.

2009 жылғы қаңтар-наурызда машина жасауда 8621, 9 млн. теңгенің өнімі өндірілді, бұл 2008 жылдың қаңтар-наурызындағы деңгейден 55, 5%-ға аз. Өнеркәсіп өнімінің нақты көлем индексі “машиналар мен жабдықтар өндіруде“ - 58, 6%-ды, “көлік құралдары мен жабдық өндіруде“ - 55, 9%-ды, “электр жабдықтарын, электронды және оптикалық жабдық өндірісінде“ - 46, 2%-ды құрады.

Өзге де металл емес минералды өнімдер өндіруде 5228, 2 млн. теңгенің өнімі шығарылды. Нақты көлем индексі 2008 жылдың қаңтар-наурызының деңгейіне қатысты алғанда 70, 8%-ды құрады. Цемент - 32, 6%-ға, әк - 45, 9%-ға, силикат және қож кірпіш - 61, 5%-ға, панель, тақтай мен асбесті цементтен, фиброцементтен ұқсас бұйымдар шығару - 73, 8%-ға азайды.

Сонымен қатар, қож мақта - 3, 4 есеге, тауарлы құйматас - 2, 1 есеге, отқа төзімсіз құрылыс кірпіштері - 6, 7%-ға көп өндірілді.

2009 жылғы қаңтар-наурызда целлюлоза-қағаз өнеркәсібі мен баспа ісінде 758, 0 млн. теңгенің өнімі өндірілді. Өнеркәсіп өнімінің нақты көлем индексі 2008 жылдың сәйкес кезеңіндегі деңгейге қатысты алғанда 107, 3%-ды құрады. Қағаздан немесе бедерленген қатырма қағаздан жасалған қораптар, жәшіктер және сөмкелер - 7, 9%-ға, бедерленген қағаз бен қатырма қағаз - 7, 1%-ға көп шығарылды. Сондай-ақ аптасына 4 реттен сирек шығатын газеттерді шығару 16, 0%-ға азайды.

Химия өнеркәсібінде 902, 3 млн. теңгенің өнімі өндірілді немесе 2008 жылдың қаңтар-наурызының деңгейіне қатысты алғанда 122, 0%. Балқыту қышқылын - 79, 3%-ға, полимер негізіндегі бояулар мен лактарды - 41, 2%-ға, моногидраттағы күкірт қышқылын өндіру - 7, 8%-ға артты. Сонымен қатар, фармацевтік препараттар - 6, 2%-ға, көміртегі диоксидін өндіру - 28, 6%-ға азайды.

2009 жылғы қаңтар-наурызда тоқыма және тігін өнеркәсібінде 279, 6 млн. теңгенің өнімі өндірілді, бұл 2008 жылдың тиісті кезеңіндегі өндіріс деңгейінен 42, 4%-ға төмен. Машинада немесе қолдан тоқылған сырт киімдер - 47, 1%-ға, әйелдердің тоқыма шұлықтары мен гольфилерін шығару - 66, 7%-ға кеміді.

Сонымен қатар, тоқымадан басқа әйелдердің немесе қыздардың сырт киімдері - 2, 3%-ға, қалпақтар мен бас киімдер - 15, 1%-ға, төсек-орын жабдығы - 89, 2%-ға, машинада немесе қолдан тоқылған ұйық - 2, 3 есеге, киізден немесе жұқа киізден аяқкиім шығару 7, 6 есеге артты.

Былғары, былғарыдан бұйымдар және аяқ-киім өндіруде 88, 1 млн. теңгенің өнімі өндірілді, бұл 2008 жылдың қаңтар-наурызындағы өндіріс деңгейінен 52, 6%-ға жоғары. Ірі қара мал мен жылқы тұқымдас малдардың терісін шығару 85, 4%-ға артты.

Электр энергиясын, газ бен суды өндіру мен бөлудегі нақты көлем индексі

2009 жылғы қаңтар-наурызда сүрек өңдеу және ағаштан бұйымдар өндіру көлемі 160, 5 млн. теңгені құрады. Өнеркәсіп өнімінің нақты көлем индексі 41, 8%-ға бағаланды. Қатқыл түрінде өңделген сүрек, ағаштан май сіңірілген теміржол шпалдарын шығару 34 есеге кеміді. Терезе мен олардың жақтауларын, әйнектелген есіктер мен олардың жақтауларын өндіру - 13, 2%-ға, басқа топтамаларға қосылмаған ағаштан құрылыс құрылғылары - 22, 5%-ға, бойлай тілінген немесе жарылған ағаш материалдарын өндіру - 26, 7%-ға артты.

... жалғасы

Сіз бұл жұмысты біздің қосымшамыз арқылы толығымен тегін көре аласыз.