Астана қаласындағы «Сарайшық» көп қабатты ТК жылыту жүйесі

1.1.Астана қаласы климатының сипаттамасы, жылулық желілердің температуралық графигі. «Сарайшық» тұрғын кешені туралы мағлұмат

1.2.Ғимаратты жылыту жүйесі, желдету және ыстық сумен жабдықтау

1.3.Қазандық сипаттамасы, жабдықтар құрамы және отын түрлері

Астана қаласының климаттық белдеуі – тым континенттік бөлікке жатады. Астана қаласы – елордамыз. Мұнда қыс мезгілі 4,5-5 айға созылады. Елорда тұрғындарын жайлы ғимараттармен жабдықтау және энергетикалық тиімді шешімдерді қабылдау тұрғын үй кешенін салушы жетекші компаниялардың алдындағы үлкен міндет болып тұр. Астана қаласының тағы бір климаттық ерекшелігі ұйтқып соққан қарқынды желі болып табылады.
Қазіргі таңда қуатты энергоблоктарда өтетін жылу технологиялық процестерді сапалы және тиімді жүргізу үшін жүздеген параметрлерді ұдайы бақылап, қадағалап, реттеп отыру керек. Электр станциялары мен жылумен жабдықтау объектілерінде күтілмеген жағдайлардың арқасында, мысалы, отын сапасының нашарлауы, жүйеге қосылған тұтынушылардың қуатының төмендеп кетуі т.с.с. себептердің салдарынан реттелетін параметрлерге қобалжытушы әсер түсіріліп, олардың мәндері ауытқып кетуіне байланысты технологиялық процеске зақым тиіп, апат қауіпі де төнуі мүмкін.Сондықтан жылутехникалық бақылау мәселесі маңызды мәселелердің бірі болып табылады.
Осы уақытқа дейін қазандықтарда технологиялық бақылауды жүзеге асыратын комплекстер ескіріп, сенімділіктері төмендегендіктен қолданылатын аспаптарды жаңартып, қазіргі заманғы жетілдірілген қондырғылармен алмастыруды талап етеді. Технологиялық бақылаудың негізгі мәселелерін шешу төмендегідей талаптарға сай болуы керек:
1. Ресей және ТМД елдерінде қолданылып, біртекті өлшеулерді қамтамасыз ететін аспаптарды енгізу.
2. Қондырғы датчиктер мен сигнал көздерінің кез келген түрімен жұмыс істеуі қажет.
3. Кез келген релелік немесе аналогтық шығыстардың көмегімен басқарылатын мүмкіндіктің болуы.
4. Өлшеу каналдарының соның ішінде датчиктермен байланыс линияларының дұрыс жұмыс істеп тұрғандығын үздіксіз бақылау мүмкіндігі.
Қазіргі заманғы қуатты энергоблоктардың технологиялық бақылау жүйесін жоспарлауда 1500-ден астам параметрлер бақылауға алынып, 1000-нан астам реттегіш блоктар мен 120 локальді реттеу контурлары қолданылады. Жылутасымалдағыштардың жылдамдықтары мен параметрлерінің жылдан жылға өсіп отыруы (қысымның 36 МПа-ға дейін артуы, температураның 565С-ге жетуі) жылутехникалық процестерді бақылау жүйесін жоғары дәрежеде жобалауды талап етеді.
«Сарайшық» тұрғын үй кешені Астана қаласы Алматы ауданына қарасты М.Жұмабаев пен оңт. Сарайшық көшесінің қиылысында орналасқан 9- қабатты 5-кіре берісті пәтерлер жиынтығы. «Сарайшық» ТК Есіл өзенінің оң жақ бөлігінде орналасқан. Ауданы – 248 м2.
Жөртөледе орналасқан: жылыту пункті, электрмен жабдықтау және суды өлшеу аспаптары орналасқан.
Зерттеу нысаны ретінде «Сарайшық» ТК 9- қабатын алып отырмыз.
Жылдың ең суық кезеңінің климаттық параметрлері:
сыртқы ауаның есепті температурасы (ең салқын бес күндіктің): - 28оС;