Кешенді тамақ қоспаларының жаңа түрлерін, соның ішінде «Тоцим» қоспасын қолданумен піскен шұжық технологиясын оқып үйрену жайлы

КІРІСПЕ

«Казахстан-2030» әлеуметті-экономикалық даму стратегиясы республикада ең маңызды мақсаттың бірі ретінде қуатты, көпсалалы, балансталған, бәсекелестікке қабілетті өнеркәсіпті кешенді қарастырады. Бұл стратегиялық мақсаттың шешуін ең алдымен ішкі, сонымен қатар әлемдік базарда отандық өнеркәсіпті кәсіпорындардың бәсекелетікке қабілеттілігін жоғарылату арқылы қамтамасыз етіледі. Ет өнімдерін өндіру және қайта өңдеу басты салалардың бірі болып табылады, оның жағдайы және потенцияалына еліміздің азық-түлік қауіпсіздігі, сонымен қатар онымен байланысқан тамақ өнеркәсібі кәсіпорындарының даму деңгейі мен екпіні тәуелді болады. Ет өнеркәсібі үлесіне республикада өндірілетін тамақ өнімдерінің 14% көлемі келеді. Қазіргі таңда еттің ішкі базары 1 200 мың. тонна деңгейінде бағаланады. Сонымен елімізде өндірілетін ет өндірісі көлемі құс етін қоспағанда халықтың етке қажеттілігін қанағаттандырады. Шұжық өнімдерін өндіру бойынша етті қайта өңдеу кәсіпорындарының қуаттылығы жылына 92, 3 мың тоннаны, салқындатылған ет - 71, 2 мың тонна, ет және етөсімдік консервілері өндіру бойынша - 15, 2 мың тоннаны құрайды. Республикамыздың етті қайта өңдеу кәсіпорындарымен 2014 жылы 264 мың тонна ет қайта өңделген, бұл оны өндірудің жалпы көлеміне 28% құрайды, ал бұл 2011 жылмен салыстырғанда 38, 3 мың тоннаға артық (24%) . Етті қайта өңдеу кәсіпорындарының шұжық өнімдірін өндіру бойынша жүктелуі 28%, салқындатылған ет өндіру бойынша - 34%, ет және етөсімдік консервілер бойынша - 64% құрайды. 2012 жылы барлық ет және етөнімдерін экспорттау көлемі 3, 7 мың тоннаны құрады. Қазақстанда мал санының көптігіне қарамастан, ресейлік ет өнімдерінің негізгі импортеры болып саналады. 2012 жылы шұжық өнімдерін импорттау үлесі 43%, ет және өсімдік консервілер - 41% құрады. Ет өнімдерін импорттау құрылымында негізгі үлес Ресейге келеді (99%) . Ірі көлеммен және қарқынды технологиямен сипатталатын заманауй етті қайта өңдеу өндірістерінде шикізат пен қатар, олардың құнын біруақытта төмендететін, замануй медико-биологиялық талаптарына жауап беретін, болжанатын және кепілді сапасы бар жаңа ет өнімдерін жасауға мүмкіндік беретін әртүрлі қоспаларды қолданады. Соңғы онжылдықта әлемнің барлық елдерінде тамақ өнеркәсібінің көптеген салаларында кенет қолданатын тамақ қоспалар саны өсіп кетті. Әртүрлі елдерде тамақ өнімдерін өндіруде тамақ қоспалар саны қазіргі таңда бөлек хош иісті заттар мен ароматизаторлардың қиыстырылған қоспаларын есептемегенде 500-ге жетеді [2] .

Тамақ қоспалар тобына көптеген әртүрлі заттар кіреді және олардың ассортименті әрқашан өзгеріп тұрады. Бұл консерванттар, тағам бояғыштары, ароматизаторлар, және де тамақ өнімдерін өндіру процесінде енгізілетін түрлі технологиялық тағам қоспалары. Халықты тамақтандыру құрылымын жақсарту, сонымен қатар микронутриенттер тапшылығын жоюдың ең тиімді және тез жолы болып дәрумендер, минералды заттар және микроэлементтер, майлы қанықпаған қышқылдар, фосфолипидтер және т. б. сияқты тағамның табиғи компоненттерінің концентраттары болып саналатын биологиялық белсенді қоспаларды (ББҚ) кеңінен қолдану есептеледі. Мұндай қоспалар тобын қолдану эссенциалды тағамдық заттардың тапшылығын толтыруға, организмнің қоршаған ортаның жағымсыз факторлар әсеріне тұрақтылығын жоғарылатуға, иммунокоррекция жасау, тамақтануды жекешелеуге мүмкіндік береді [3] .

Халық ішінде жоғары сұраныспен піскен щұжықтар пайдаланады. Олардың үлесі жалпы шұжық өндірісінде әртүрлі аймақтарда 60-70% дейін құрайды. Шұжық өнімдерінің ассортиментінде шамамен екіжүздей атауы бар, бірақ барлық піскен шұжық өнімдері негізгі ет шикізатына әртүрлі өсімдік ақуыздарын, ұн, крахмал және басқа қоспаларды қосып дайындалады. Піскен шұжықты өндіру кезінде кеңінен «Тари», «Аромарос» және т. б. фирмалардың қоспаларын қолданады. Олардың ішінде жануар ақуызын алмастырғыштар, дәмдік-хош иісті қасиеттерін жақсартатын, субайлағыш қабілетін үлкейтетін қоспалар, бояғыштар бар. Жиі, ет шикізат бірлігіне шұжық өнімдерінің шығуын арттыратын қоспаларды қолданады. Жұмыс істейтін мемлекеттік нормативті құжаттарда (нұсқаулар, ТУ) піскен шұжықтарға қоспалар қарастырылмаған, бірақта кәсіпорын әкімшілігімен бекітілген нормативті-техникалық құжаттарда қоспалар кеңінен қолданылады. Етті қайта өңдеу саласының замануй дамуы шығарылатын өнім сапасын жоғарылатуға, қауіпсіздігін кепілді қаптамасыз етумен сақталу уақытын үлкейтуге мүмкіндік беретін технологияларды құрастырумен тығыз байланысқан. Төмен функционалды қасиеттерімен құнсыз, стандартты емес шикізатты қайта өңдеуге қатыстыру, сапасы бойынша тұрақты дайын өнімді өндіру үшін тұрақты түрде өңдеудің технологиясын және рецептурасын түзетуді қажет етеді. Бұл проблеманы шешу үшін, және де жаңа тұтынушы қасиеттерімен тағам өнімдерінің ассортиментін кеңейту үшін тағам қоспалары қызмет етеді. Дайын тағам өнімдерінің, соның ішінде және ет өнімдерінің консистенциясын жақсартатын қоспалардың көптеген тобы болып әртүрлі табиғаттағы гельтүзегіштер саналады. Бұл қоспалар премиум класының жоғары сапалы ет шикізатынан өндірілгендей, құрамына арзан ет шикізаты және төмен функционалды қасиеттерімен шикізат кіретін аз қаражатты ет өнімін өндірген кезде де ет деликатестерінде шығуын жоғарылатуға, дайын ет өнімдерінің консистенциясын арттыруға мүмкіндік береді. Ет өнімдері технологиясында қолданатын кеңінен таралған гелтүзегіштердің бірі болып каррагинан - қызыл теңіз балдырларының полисахариды есептеледі. Тазалау дәрежесі бойынша және функционалды қасиеттері бойынша ажыратылатын тазартылған және жартылай тазартылған каррагинан препараты кеңінен таралған.

ТЕХНИКА-ЭКОНОМИКАЛЫҚ НЕГІЗДЕМЕ

Тамақ қоспалары технологияларды жетілдіру, арнайы тағайындама бойынша өнімдерді жасау, тамақ өнімдеріне қажетті қасиеттерін беру немесе сақтау, тұрақтылығын жоғарылату немесе органолептикалық көрсеткіштерін арттыру үшін қолданылады. Қазіргі уақытта тамақ өнімдерін өндіру және сату кезінде, оның сақтау мерзімін ұзартуға, микробиологиялық көрсеткіштерін жоғарылатуға үлкен көңіл бөлінеді. Бұл проблеманы шешудің бірден бір жолы - өнімнің тотығуы және микробты бұзылуын алдын алу.

Ет өнімдерінің функционалды-технологиялық қасиеттерін жақсартатын тамақ қоспалары топтарына қызыл теңіз балдырларының каррагинан полисахаридтері жатады. Ет өнімдерін өндіру кезінде табиғи тектес полисахаридтерді қолдану, майлылығы төмен өнімдерді шығаруға және адамның тамақтану рационын тамақ талшықтарымен байытуға мүмкіндік береді, оларды тұтыну қазіргі уақытта бір күнде 10 г. құрайды, ал бұл нормадан үш есе аз.

Каррагинандар белгілі физикалық және химиялық қасиеттері бар полисахаридтер тобына жатады, олар адамның асқорытатын ферменттерімен гидролизденбейді. Каррагинандар химиялық көзқарас жағынан сульфатталған галактоза бірлігінен тұратын полимерлер болып табылады. Осыған байланысты каррагинандардың үш фракциясын ажыратады - каппа, йота және лямда. Ет өнеркәсібінде ет өнімдерін өндіру кезінде негізінен каппа-каррагин қолданады.

Каррагинан - жақсы су ұстағыш, тұрақтандырғыш агенті, оны қолданғанда өндірілетін ет өнімдерінің жоғарғы органолептикалық көрсеткіштеріне жетуге болады. Каррагинандар қасиеттерін, олардың құрамына әртүрлі гидроколлоидтар, ақуыздар қосып, ортаның йонды күшін, температурасын және т. б. өзгертіп реттеуге болады. Бірақта, фарш дайындағанда каррагинанның суда еруі қиын және фарш массасын қоюландырмайды.

Фарштың төменгі ұтқырлығы әртүрлі ет өнімдердің өндіру процесін қиындатады, ал тұздықтың төменгі тұтқырлығы каррагинан бөлшектерінің тез тұнуына жағдай жасайды, бұл ет шикізатына гелтүзегіштердің біркелкі емес енуіне және технологиялық ақаулар алуына алып келеді. Каррагинанның реологиялық қасиеттерін жақсартудың бірден-бір жолы болып оның басқа полисахаридтермен қосылуы саналады. Ет шикізаттарында гелтүзегіштердің біркелкі бөлінуін жақсартуға жағдай жасайтын полисахаридтерді бірі болып амилоза саналады. Амилоза әртүрлі балдырлардан алынатын, құрамында 1-4Д-глюкопроминазасы бар табиғи қоспа.

Қойылған проблемаларды шешу ет шикізатына гелтүзегішті біркелкі енгізуге мүмкіндік беретін жаңа тамақ қоспалары бар (каррагинан және амилоза) шұзжық өндіру технологиясын құрастыруды қамтиды, бұл функционалды-технологиялық қасиеттерін жақсартуға, дайын өнімнің шығуын арттырумен сапалы көрсеткіштерін тұрақтандыруға мүмкіндік береді.

Дипломдық жұмыстың тақырыбын таңдау функционалды-технологиялық қасиеттерін жақсарту, дайын өнімнің сапалы көрсеткіштерін тұрақтандыру және оның шығымын көбейту үшін жаңа тамақ қоспалары бар шұжық технологиясын оқып үйрену қажеттілігімен себептелген.

Жұмыстың мақсаты және міндеті:

Осы диплом жұмысының мақсаты болып кешенді тамақ қоспаларының жаңа түрлерін, соның ішінде «Тоцим» қоспасын қолданумен піскен шұжық технологиясын оқып үйрену болып табылады.

Қойылған мақсатқа сәйкес келесі міндеттер орындалды:

• әртүрлі факторларға байланысты каппа-каррагинандар және амилозалар препараттарының функционалды қасиеттерін оқып үйрену;
• «Тоцим» кешенді препаратының функционалды-технологиялық қасиеттерін оқып үйрену;
• «Тоцим» тамақ қоспасы бар піскен шұжықтың физика-химиялық, биологиялық және құрылымды-механикалық қасиеттерін оқып үйрену.

Жаңалық: Ет жүйесінде пайда болатын технологиялық факторларға байланысты каппа-каррагинан және амилозаның функционалды-технологиялық қасиеттері туралы жаңа мәліметтер зерттелді.

1 Шұжық өнімдірінің ассортименті

Шикізат және технологиялық өңдеуіне байланысты шұжық өнімдерін келесі түрлерге бөлуге болады: піскен шұжықтар, турамаланған шұжықтар, сосискалар, жартылай ысталған шұжықтар, пісіп-ысталған шұжықтар, ливерлі шұжықтар, қанды шұжықтар, етті нандар, паштеттер, зельцалар, сілікпелер, диеталық шұжық өнімдері, жылқы шұжықтары, ысталған өнімдер.

Шұжық өнімдерінің топтық ассортименті келесідей:

• піскен шұжықтар (піскен, турамаланған, диеталық, етті нандар, қоян және құс етінен піскен шұжықтар) ;
• сосискалар және сарделкалар;
• жартылай ысталған шұжықтар;
• ысталған шұжықтар (шикі ысталған және пісіп ысталған) ;
• ливерлі шұжықтар, қанды шұжықтар, сірнемелер;
• ысталған өнімдер (шошқа, сиыр, қой) ;
• басқалар (жылқы етінен щұжықтар, екінші категориялы субөнімдерден шұжық өнімдері, сілікпелер және т. б. )

Сапасына байланысты шұжық өнімдері келесі сорттарға бөлінеді: жоғарғы, бірінші, екінші, үшінші.

Шұжық өнімдерінің ассортименті 1-ші суретте көрсетілген.

Піскен шұжық - қайнатылатын, қуыруға ұшыратылған шұжық.

Турамаланған шұжық - бұл қабатты шошқаның қыртыс майымен оралған және қабықшаға салынған, ерекше суретін қолмен формаға келтірген піскен шұжық.

Сосискалар - ұзындығы 12-ден 13 см дейін, батончиктер диаметрі 14-тен 32 мм дейін үлкен емес піскен шұжықтар.

Сарделкалар - ұзындығы 7-ден 9 см дейін және батончиктердің даметрі 32-44 мм дейін.

Жартылайысталған шұжықтар - даярлау процесінде қуыру және пісіруден кейін қосымша ыстық ысталуға және кептіруге ұшыратылатын шұжық.

Пісіп-ысталған шұжық - жартылай ысталмағаннан кептіру режимдерімен өзгешеленеді.

Шикі ысталған шұжық - даярлау процесінде пісіру процесін, содан кейін ұзақ кетіруді өткізіп тұнбадан кейін салқын ысталуға ұшыратылатын шұжық.

Ливерлі шұжық - негізінен піскен шикізаттан, кейде жарым-жартылай немесе толығымен шикізаттан дайындалатын шұжық.

Қанды шұжық (нан, зельц), турамаға тағам қанын қосып өндіріледі.

Етті нан - метал формасында қыздырылып пісірілген, қабықсыз шұжық турамасынан жасалған өнім

Паштет - металл формасында қыздырылып пісірілген, май қосылып кейде жарым-жартылай немесе тұтасымен шикіден, негізінен піскен шикізаттан дайындалған турамадан майтәріздес консистенциядағы өнім.

Зельц - коллагенге бай, ұсақталған піскен шикізаттан дайындалған, екі жағынан престелген, сопақша формада болатын, қабықшасыз немесе қабықпен өнім.

Сілікпе - концентрирленген сорпа және дәмдеуіштер қосып, коллагенге бай, піскен ұсақталған шикізаттан дайындалған, формаларда салқындатқанда қатып қалатын өнім.

Сурет 1. Шұжық өнімдерінің ассортименті

Сурет 2. Шұжық өнімдерінің ассортименті

2 Негізгі өндіріс

2. 1 Піскен шұжық өнімдерін дайындау үшін негізгі шикізаттың сипаттамасы және жіктелуі

Шұжық өнімдерін мал және құстардың барлық түрлерінің еттерінен, 1-ші және 2-ші категориядағы өңделген субөнімдерден, құрамында ақуызы бар жануар және өсімдіктектес препараттардан, жануар және өсімдік майларынан, жұмыртқа және жұмыртқа өнімдерінен, бидай ұнынан, крахмалдан өндіріледі. Ет шикізаты арасынан ең үлкен салыстырмалы салмақты сиыр және шошқа етін алады. Етті буланған, суытылған, салқындатылған, мұздатылған немесе еріген түрінде қолданады. Шұжық цехтеріне ет сүйектерімен тұтас немесе жартылай түрінде, сүйексіз мұздатылған блоктар түрінде келіп түседі. Ет сапалы, сау малдан сойылған және ветеринарлы-санитарлы қызметпен тамақ мақсаттарына жарамды деп мақұлданған болуы керек. Кейбір жағдайларда ветнадзордың рұқсатымен ауру малдан алынған етті шартты түрде жарамды деп қолдануға болады, егер кейінгі технологиялық өңдеу оны толығымен зиянсыздандырса. Құстың (тауық, үндік, үйрек, қазылар) және қояндардың тұтас еті іш құрылысынсыз, мұқият жуылынған, жақсы өңделген болуы қажет. Сүйексіз субөнімдерді шикі түрінде қолданады. Тұтас қанды және формалы элементтерді піскен шұжықтарға түсін жақсарту үшін қосады. Қан және формалы элементтер сутегі пероксидімен ағартылуы мүмкін, бұл жағдайда олар сарғыш түске ие болады.

Піскен шұжықты дайындау кезінде қолданатын негізгі (ет) шикізаттың тізімін 3, 4-ші суреттерде көрсетілген.

Ет шикізаты / сиыр еті, қой еті, жылқы еті, ет субөнімдері

Сурет 3. Шұжық өндірісінде негізгі (ет) шикізат

Бұдан басқа ет шикізатының жіктелуі ескерілген, 4-ші суретте көрсетілген.

Жоғарғы сортты ақ тамырлы сиыр еті / дәнекер және майлы тіндердің көзге көрінбейтін қосылумен бұлшық еті тіні.

1-ші сортты ақ тамырлы сиыр еті / құрамында 6%-дан артық емес жалғайтын және майлы тіндері бар бұлшық еті тіні

2-ші сортты ақ тамырлы сиыр еті / құрамында 20%-дан артық емес жалғайтын және майлы тіндері бар бұлшық еті тіні

Майлы ақ тамырлы сиыр еті / құрамында 35%-дан артық емес жалғайтын және майлы тіндері бар бұлшық еті тіні

Сурет 4. Сиыр еті түрлері

Жылқы еті

Жылқы еті Азиядағы түркі елдері тағамдарының маңызды және басты бөлігін құрады. Жылқы еті шұжықтардың бір қатар сорттарын дайындау үшін қолданылады (сервелат) - бұл етті қолданғанда қышқыл дәмді, және де серпімділік пен тұтқырлық береді.

Еттің барлық түрлері ішінен жылқы етінде толыққанды ақуыздың (20-25%) ең көп мөлшері бар (Онда су (70-74%), май (2, 5-5%), күл (1%) бар) . Жылқы еті құрамында калий, фосфор, натрий, мыс, темір, аминқышқылдар, магний, тиамин, никотинамид, рибофлавин, А, В, Е, РР топтарындағы дәрумендер бар. Жылқы етінің тамақ құндылығы жоғары болып саналады. Еттің басқа түрлерімен салыстырғанда жылқы етінде тәжірибе жүзінде холестерин болмайды, сондықтан диеталық жағынан ол бағалы болып есептеледі - жылқы еті антисклеротикалық әрекетке ие. Әдетте, табындағы жылқыларда май қабырғаларында және қарынында жинақталады, сондықтан ұшаның қабырға бөлігі ең калориялы - 4949 ккал дейін жетеді.

Қой еті

Ең бағалы болып өсіруге жарамайтын, кестірілген қойлардың (18 айға дейінгі) жас еті саналады.

Және де 3 жастан үлкен емес, жақсы бордақыланған қойлардың еті дәмді. Ол ашық-қызыл түспен ерекшеленеді, майы серпінді және ақ. Кәрі немесе дұрыс бордақыланбаған қойлардың еті - түсі күңгірт-қызыл, майы ақ. Бұл сіңірленген ет, сондықтан оны турама түрінде қолданған жақсы. Шошқа етіне қарағанда, қой етінде май мөлшері 2-3 есе аз. Бұл еттің артықшылығы майында холестериннің аздығы, сиыр етіне қарағанда 2, 5 есе аз, ал шошқа етіне қарағанда 4 есе аз. Бұл өнім ақуыздар және майлар мөлшерінің көптігімен сипатталады, және оны көп мөлшерде қолданса, онда семіруге алып келуі мүмкін.

Құс еті

Құс еті химиялық құрамы бойынша сойылған мал етінен биологиялық құнды ақуыздардың жоғарғы құрамымен және майының тез балқығыштығымен ерекшеленеді. Құс етінің құрамында (%) : су - 50-70, ақуыздар - 16-22, майлар - 16-45, минералды заттар және дәрумендер бар. Құстың еті және майы адам организмімен жақсы сіңіріледі.

Сойғаннан кейін тауық ұшасын төмен оң температурада 1-2 тәу. аралығында, ал үндікті шамамен 6 тәу. ұстағанда, ет назды консистенцияға ие болады. Құс ұшасын түрі, жасы, термиялық жағдайы, өңдеу тәсілі және семіздігі бойынша жіктейді.

Құстар түрі және жасы бойынша балапандар және тауықтар, үндіктер, үйректер, қазылар деп бөлінеді. Тауықтар, үндіктер, үйректер, қазылар жынысы бойынша бөлінбейді. Суытылғаннан кейін жас құстың жартылай іші жарылған ұшасының салмағы (г) кем болмауы керек: тауық балапаны - 480, бройлерлер - 640, үйрек балапаны 1030, қазы балапаны - 1580, үндік балапаны - 1620. Бір партияда жартылай іші жарылған түрінде, салмағы 400-ден 480 г-ға дейін балапандардың 15% дейін ұшасы болуы мүмкін.

Кейбір малдардың 100 г етінің шамамен құрамы (%) және калориялылығы (ккал) 1-ші кестеде келтірілген.

Кесте 1

100 г етінің шамамен құрамы (%) және калориялылығы

Субөнімдер

Субөнімдер деп сойылған мал ұшасының бағалы емес бөліктері және ішкі органдарын атайды. Малдың түріне байланысты оларды сиыр, шошқа және қой субөнімдері деп бөледі.

Тағам құндылығы және дәмдік құндылықтары бойынша тең бағалы емес. Субөнімдердің кей біреуі, мысалы тілі және бауыры, тағам құндылығы жағынан еттен қалыспайды, ал дәрумендер және микроэлементтер мөлшері бойынша одан асып түседі. Басқа субөнімдері - өкпе, құлақ, кеңіртектің тағам құндылықтары төмен.

Тағам құндылығы және дәмдік құндылықтары бойынша тең бағалы емес.

Сауда желісіне келіп түсетін субөнімдерді тағам құндылығы және дәмдік құндылықтары бойынша I және II категорияларға бөледі.

1 категориялы субөнімдерге - тіл, бауыр, бүйрек, ми, жүрек, сиырдың желіні, диафрагма және етсүйекті құйрықтар (сиыр және қой) жатады. Ең жоғарғы тамақ құндылығы сиыр және бұзау тілінде, бауыр, бүйрек, сиыр және бұзау миында.

2 категориялы субөнімдері - бас (тілсіз), аяқ, өкпе, құлақ, шошқа етсүйекті құйрық, ерні, өңеш еті, асқазан.

Субөнімдердің химиялық құрамы мен морфологиясы, олардың орындайтын функциялары, түрі, жасы және малдың семіздігіне байланысты.

Субөнімдер құрамында (%) : - су 2-80, ақуыздар - 12-20, май - 12 дейін, минералдық заттар, және де A, D, В,, В ₆ , В ₁₂ , В ₁₅ , РР, Е және К дәрумендері бар, оның ішінде А дәруменіне және В тобындағы дәрумендерге әсіресе бауыр бай.

Тамақтық құндылықтары бойынша ең құнды субөнімдердің ақуыздары еттің ақуыздарынан айырмашылығы жоқ. Бауыр және бүйрек ақуыздарының құрамына барлық аминқышқылдар кіреді. Бірақта субөнімдердің көпшілігінде құнсыз ақуыздар басым болады. Құлақ, ерін және желін сияқты субөнімдердің құрамында коллаген және эластин көп.

МЕСТ 7724-77 бойынша шошқа еті.

- Майлы емес ақ тамырлы шошқа еті - құрамында 10%-дан артық емес жалғайтын және майлы тіндері бар бұлшық еті тіні.

-Жартылай майлы ақ тамырлы шошқа еті - құрамында 30-50% жалғайтын және майлы тіндері бар бұлшық еті тіні.

- Майлы ақ тамыры шошқа еті - құрамында 50-85% жалғайтын және майлы тіндері бар бұлшық еті тіні.

• Ақ тамырлы шошқаның бет жағы
• ОСТ 4938-86 бойынша шұжықтық шошқа майы
• Шошқаның терісі
• Шошқа майын кесу
• Құрамында 25% артық емес бұлшық еті тіні бар шошқа төсі
• ТУ 10. 02. 01. 75 бойынша өңделген етті субөнімдер
• Ветеринарлы-санитарлы экспертизамен қайта өңдеуге жіберілген ОСТ 10-02-01-04-86 бойынша субөнімдер және ақ тамырлы еттен блоктар (сиыр еті, шошқа еті) және басқа да ет шикізаттары.

2. 2 Піскен шұжықты өнімдер дайындау үшін негізгі шикізаттың сипаттамасы және жіктелуі

Сонымен қатар піскен шұжықтарға қанның плазмасын және сарысуын қосады. Қосымша шикізаттың жіктелуі 5-ші суретте көрсетілген.

• Қосымша шикізат/ Ақуызды препараттар/ Сүт өнімдері/ Ақуызды стабилизаторлар / Натрий казеинаты

Сурет 5. Қосымша шикізаттың жіктелуі

Ақуызды препараттар жануар және өсімдік тектес ақуызды препараттарға жіктеледі, 6-шы суретте көрсетілген.

Ақуызды препараттар / жануар тектес/ өсімдік тектес

Жануар тектес ақуызды стабилизаторларға шикізаттың келесі түрлері жатады:

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс