Бухгалтерлік есептіліктің қалыптасуы

1 Бухгалтерлік есептілікті қалыптастыруды жетілдіру
2 Бухгалтерлік есепті автоматтандыру

Қазіргі заман талабында біздің еліміздегі бухгалтерлік есептіліктің қалыптасуы қаржылық есеп секілді үлкен өзгерістерге ұшыраған, бұл бухгалтерлік есептің халықаралық стандарт талаптарына бейімделуімен байланысты. Халықаралық стандарт есебіне көшу бухгалтерлік есептілік қалыптасуының мақсаттарын қайта ойластырумен байланысты тұжырымдамалық сипаттағы өзгерістерді талап етеді, бұл бухгалтерлік есептіліктің сапалы сипаттамаларын ауыстыруды білдіреді [7, 232 б.].
Қазіргі заман жағдайында есептіліктің болашағы зор даму бағыттары ретінде келесілерді айтуға болады:
 шетелдік серіктестермен тиімді түрде жұмыс істеуге және тиімді менеджменттің қалыптасуына септігін тигізетін, қаржылық есептілік жасаудың нәтижелі және көп функционалды механизмі ретіндегі қаржылық есептіліктің халықаралық стандартының бағамы (ҚЕХС);
 еңбек және материалды ресурстардың айтарлықтай нәтижелілігі туралы мәліметтерді қамтитын кешенді есептілікті ұсыну. Ол есептілік қолданушыларына оның иелерінің және менеджерлердің әлеуметтік жауапкершілігі жайында мәлімет беруге бағытталған;
 ортаны талдау арқылы ұйым стратегиясын жүзеге асыруға ықпал ететін ресурстар жайында ақпараттар беру, бұл басқарудың бастапқы сатысы болып табылады [2, 182 б.].
 сандық түрде бағалау мүмкін болмайтын ұйым ресурстары жайындағы қаржылық емес сипаттағы мәліметтер ұсыну (әлеуметтік және адами ресурстар);
 басқарушылық шешімдер қабылдау үшін қажетті өзекті және болжамды мәліметтерді ұсыну.