Сұйық және оның физикалық қасиеттерi

1. Сұйық жөнінде анықтама.
2. Нақты және идеалды сұйық, тұтқырлық.
3. Нақты сұйықтың негiзгi физикалық қасиеттерi.
4. Сұйықтың сығылмалылығы.
5. Температуралық ұлғаю.
6. Тұтқырлық.

Сұйық дегенiмiз – ерекше екi қасиетi бар физикалық дене.
1) Қысым мен температура өзгерген кезде ол өзiнiң көлемiн өте аз болмашы шамаға өзгертедi; бұл жағдайда ол қатты денеге ұқсас.
2) Ол аққыштық қасиетке ие осыған байланысты сұйықтың өз формасы болмайды және өзi асырып тұрған ыдыстың формасын қабылдайды; бұл жағдайда сұйық қатты денеге ұқсамай газға ұқсас болады.
Сұйық дененiң аққыштық қасиетiн түсiндiру үшiн суреттен қатты дене Т-ны көрсетемiз.
Бұл денеде, мысалы үшiн, өз салмағының әсерiнен тиiстi кернеулер пайда болуы тиiс. Осы дененiң қалаған жерiнен m-n қимасын жүргiзетiн болсақ, оны бұл қимада, басқа да, кез келген қимадағы сияқты нормальды кернеуден σ басқа белгіленген қиманың ұзына бойында әсер ететiн жанама кернеу τ пайда болады.
Одан әрi Т денесi тыныштықта тұрған, мысалы, өз салмағы әсерiнен пайда болған жанама кернеу τ - ды ұстай алмайтын жағдайда ұшырады дейiк. Бұл кезде Т денесi өз салмағы әсерiнен аға бастайды да, өзi тұрған ABCD ыдысының формасын қабылдайды.
Бұдан көретiнiмiз, қарастырылған дененiң аққтыштығы оның тыныштық жағдайында тұрғанда iшкi жанама кернеуге қарсы тура алмайтындығымен байланысты.
Сұйықтың екiншi қасиетi мынада, сұйықтың қатты денеден айырмашылығы, тыныштық жағдайында жанама кернеуi болмайды, сондықтан ол өзi тұрған ыдыстың формасына ие болады.