Білім беру мәселесі

І. Кіріспе
ІІ. Негізгі бөлім
1. Қазақстан Республикасында білімді дамытудың 2010 жылға дейінгі мемлекеттік бағдарламасы
2. Оқушылардың белгілі бір бөлігі оқулықтармен тегін қамтамасыз етілуі.
3. Елімізде 12 жылдық мектеп бағдарламасы
4. Қазір зкономиканың өсуі
ІІІ. Қорытынды
Пайдаланылған әдебиеттер

Білім беру жүйесінің алдында тұрған мақсат-міндеттердің осыншалық ауқымдылығына байланысты Елбасы Үкіметке Мемлекеттік білім беруді дамыту бағдарламасын әзірлеу жөнінде тапсырма берген болатын. Бұл таяудағы Үкіметтің отырысында жан-жақты қаралып, "Қазақстан Республикасында білімді дамытудың 2010 жылға дейінгі Мемлекеттік бағдарламасы" мақұлданды. Бұл құжаттың негізгі мақсаты — Қазақстан Республикасының 2010 жылға дейінгі Стратегиялық даму жоспарында белгіленген басымдықтарға сай Қазақстандық көп деңгейлі үздіксіз білім берудің ұлттық моделін әлемдік білім беру кеңістігіне кіріктіру бағытында жетілдіру, жаңарту. Осының барлығы білім берудің сапасын арттыру жолында жасалып жатқан қадамдар. Мен биылғы білім беру саласындағы басты жаңалық осы бағдарлама , дер едім. Енді білім саласындағы жұмыс осы, бағдарлама аясында жүреді.
2004 жылы республикалық бюджет есебінен — 35, жергілікті бюджет есебінен — 39,барлығы 74 мектеп салу жоспарланған еді. Дәл бүгінге дейін 9 мың оқушыға арналған 15 жаңа мектеп оқушыларға есік ашып отыр. Мектептерді ағымдағы және күрделі жөндеу жұмыстары да жылдағыдан ерте аяқталды.
Еліміздегі мектептерде жыл сайын 3 миллионнан аса бала білім алып келеді. Биыл да сол деңгейде болады. Ал осы оқу жылында шамамен 227,9 мың бала тұңғыш рет мектеп табалдырығын аттайды. Еліміз бойынша жалпы білім беретін мектептер саны — 8260, оның министрлікке қарайтыны — 7925. Бұл мектептердің 3687-і қазақ тілінде сабақ оқытады. Өткен ғасырдың 90-шы жылдары мемлекеттік тілде оқитын қазақ балалары 60 пайыз болса, қазір қазақ мектептеріне баратын ұлтымыздың ұл-қыздары 81 пайызды құрайды.
Жас мұғалімдерді жергілікті бюджет есебінен тұрғын үймен қамтамасыз ету мәселесі Қазақстан Республикасының ауылдық аумақтарын дамытудың 2004-2010 жылдарға арналған мемлекеттік бағдарламасын жүзеге асыру жөніндегі шаралар жоспарында нақты айтылған. Үкіметтің (2002 ж.11.01. №41) арнайы қаулысына сәйкес ауыл мұғалімдеріне — 25 пайызы, мамандандырылған мектептердің бейіндік пәндер мұғалімдеріне — 30%, инновациялық мектептердің мұғалімдеріне 10 % үстеме ақы төлеу белгіленді.