XVI ғасырдың ІІ жартысындағы Қазақ хандығы

1. Хақназар ханның билікке келуі(1538.1580жж.)
2. Қазақ.жоңғар қатынасының шиеленісуі
3. Қазақ.орыс қатынастарының басталуы және арадағы елшіліктер

Қасым хан өлген соң сұлтандар арасында билік үшін Талас-тартыс басталды. Соңында 1523 жылы Әдік сұлтанның ұлы Таһир хан сайланды. Таһир хан мемлекет басқару ісінде жоғарғы қабілет таныта алмады. Ең негізгісі хан мен ел билеушілері арасында өзара түсінісу болмады. Қадырғали би ол жөнінде: “Таһир хан біраз күн хандық құрды, бірақ патшалық сырын білмеді”, — дейді. Қазақтар арасында өзінің билігін нығайтуға ұмтылған Таһир Ташкент билеушісі Келді-Мұхаммедтен қолдау іздеді. Өзінің билігі уақытша нығайғанда, ол Ташкенттің кезекті бір елшілігін қырып, Ташкентке жорыққа дайындалды. Алайда Келді-Мұхаммед бірінші болып Қазақ хандығына басып кіреді. Түркістан маңында болған шайқаста Таһир жеңіліске ұшырады да, оның иелігінің біраз бөлігі қарсыластарының қолына өтті. Таһир ханның маңғыт жұртымен қарым-қатынасы да қарама-қайшылықта болды. Бұрын қазақ хандарының билеуінде болған батыс, Орталық Қазақстан жерлерінің біраз бөлігіне маңғыт жұрты иеленді.
Халық мұндай билеушіден бас тартты да, көтерілген тайпалар оның інісі Әбіл-Қасымды өлтірді. 1526 жылы Таһир балаларымен және бірнеше жақтастарымен қырғызға қашуға мәжбүр болды. Ол шамамен 1532 жылы қаза болды.

1. Карибаев Б.Б. Қазақ хандығының күрылуы //Қазақ тарихы.1995. № 4-5-6.
2. Қазақстан тарихы. 4томдық. 1,2 т. А., 1996,1997.
3. М. Мағауин Қазақ тарихының әліппесі. А., 1998
4. Тайжанова, Г. Қазақтар. А., 1995.
Аманжолов. Р., Түркі халықтарының тарихы.ү А., 1997.