IBM PC дербес компьютерлерінің құрылымдық сызбасы

Пән: Информатика, Программалау, Мәліметтер қоры
Жұмыс түрі: Материал
Тегін: Антиплагиат
Көлемі: 8 бет
Таңдаулыға:

Микропроцессор (МП)

Процессор - дербес компьютердің ортаңғы блогы, ол машинаның барлық блоктарының жұмысын басқаруға және ақпараттармен арифметикалық және логикалық операцияны орындауға арналған.

Микропроцессор, немесе оны әдетте процессор деп те атайды, компьютердің «миы» болып табылады. Процессордың негізгі бөліктері - арифметикалық-логикалық құрылғы, басқару блогы, жад регистрлері (1. 2-сурет) .

Жад регистрлері

. . .

1. 2-сурет. Процессор кұрылғысы

Арифметикалық-логикалық құрылғыда сандьқ және символдық ақпараттармен арифметикалық және логикалық операциялар орындалады.

Басқару құрылғысы компьютердің барлық компоненттерінің жұмысын үйлестіреді, яғни белгілі бір басқару сигналдарын (басқарушы импульстарды) қалыптастырып, қажетті уақытта оларды жіберіп тұрады, операцияларды орындау үшін жад ұяшықтарының адресін пішімдейді және адрестерді ЭЕМ-ның сәйкес блоктарына жібереді.

Компьютердің басты сипаттамаларының бірі - оның жұмыс жылдамдығы. Бұл мегагерцпен (МГц) өлшенетін тактілік жиілікке байланысты, яғни, жиілік жоғары болса, компьютердің жұмыс жылдамдығы да жоғары болады.

Жұмыс барысында процессор белгілі бір уақыт аралығында - тактта нақты операцияларды (жазу, оку, екі санды косу сияқты) орындайды. Неғұрлым бір тактіге аз уақыт кетсе немесе процессордың тактілік жиілігі жоғары болса, соғұрлым ақпараттық өңделуі тезірек болатыны анық.

Процессорде ақпаратты өңдеу кезінде оған түскен деректерді сақтауға арналған өзінің, ішкі жады үяшығы болады. Оларды регистрлер деп атайды. Процессордың регистрлерінде деректер бір байтта, екі байтта немесе сегіз байтта орналасуы мүмкін. Бұл бір байтты регистрлі процессордың, немесе оны тағы да сегіз разрядты процессор деп те атайды, бір тактіде бір байт өлшемдегі деректерді өңдей алатындығын білдіреді. Процессордың разряды неғүрлым көп болса, онда компьютер бір такт ішінде соғұрлым көп ақпарат өңдеуі мүмкін. Регистрлер машинаның жоғары жұмыс жылдамдығын қамтамасыз ету үшін қолданылады.

Компьютердің жұмыс өнімділігі ішкі жад көлеміне, процессордың тактілік жиілігіне, процессордың разрядтылығына, кеңарна (магистраль) разрядтылығына байланысты.

Микропроцессордыц интерфейстік жүйесі процессордың ДК-нің басқа құрылғыларымен байланысын іске асырады.

Ішкі жад.

Компьютердің ішкі жады -компьютердің негізгі құрылымдарының бірі, өйткені процессордың қызметі тек сонымен ғана тікелей байланысты. Ақпараттармен қамтамасыз етіп, үнемі жүмыс істейтін болғандықтан, процессорды оперативті деп те атайды.

Ішкі жад сақтау құрылғысының екі түрінен тұрады: тұрақты сақтау құрылғысы (ТСҚ) және оперативті сақтау құрылғысы (ОСҚ) .

ТСҚ тұрақты бағдарламалық және анықтамалық ақпараттарды сақтау үшін қолданылады, ондағы ақпараттар тек жылдам оқуға ғана (ТСҚ-да ақпаратты өзгертуге болмайды) мүмкіндік береді.

ОСҚ ақпаратты (бағдарламаны және деректерді) уақытша жазу, сақтау және оқу үшін арналған. Компьютерді өшірген кезде оперативті жадтың мазмұны да өшіріледі.

Компъютердің ішкі жады реттелген электрондық элементтердің жиынтығынан тұрады. Әрбір элемент екі тұрақты жағдайдың біреуінде тұруы мүмкін. Яғни, екілік разряд болып табылады немесе, басқаша айтқанда, бір бит ақпаратты сақтай алады. Жадтың сегіз элементі бір байт ақпаратты сақтауы мүмкін.

Компьютердің ішкі жадындағы әрбір байттың өз нөмірі болады.

Ұяшық деп аталатын жадтың бөлігін құрайтын байттар жағдайға байланысты екіден, төрттен, сегізден бірігеді. Бұл жағдайда кіргізілген байттардың (реті бойынша біріктірілген) бірншісінің нөмірі ұяшықтың нөмірі болады. Мысалы, егер ұяшық 3, 4, 5 нөмірлі байттардан құрылған болса, онда ұяшықтың нөмірі 3 болады. Ұяшықтың нөмірі ұяшықтың адресі деп аталады.

Осылайша, компьютердің жады ұяшықтардан тұрады, әрбір ұяшықтың өз адресі болады. Ұяшықтың адресін біле отырып, оған ақпараттарды жазуға немесе одан ақпараттарды оқуға болады.

Ішкі жад дегеніміз - берілген уақытта процессормен өңделетін деректерді және бағдарламаны сақтауға арналған электронды элементтердегі жад.

Сыртқы жад

Сыртқы жад ДК-дің, сыртқы кұрылғыларына жатады және қашанда қажет болуы мүмкін кез келген ақпаратты ұзақ уақыт сақтау үшін қолданылады, Кей жағдайда, сыртқы жадта компьютердің барлық бағдарламалық жасақтамалары сақталады.

Сыртқы жад сақтаушы құрылғылардың әр алуан түрлерінен тұрады, бірақ кез келген компьютерде кездесетін неғұрлым кеңірек тараған түрі - қатты (ТҚМД) және иілгіш (ТИМД) магниттік дискілерде, магниттік ленталарда (стримерлер), оптикалық дискілерде (СD-RОМ - Соmрасt Disk Read Оnli Меmоty - тек қана оқитын жады бар компакт диск) және магнитті-оптикалық дискілерде жинақтаушылар болып табылады.

Бұл жинақтаушылардың қызметі-үлкен өлшемді ақпараттарды сақтау, оперативті сактау құрылғысында жинақталатын ақпаратты сұраныс бойынша жазу және шығару. ТҚМД мен ТИМД сақтайтын ақпарат көлемі, іздеу уақыты, ақпаратты жазуы және оқуы тұрғысынан бір-бірінен ерекшеленеді.

Олардың көлемі әрқалай, жазу және сақтау әдістері әр түрлі, ақпараттарды оқу және жазу құрылғылары да әр түрлі болады.

Ішкі жад деректері мен бағдарламалары ұяшықтарда биттер мен байттардың тобы сияқты орналасады. Олармен қатынасу ұяшықтардың адрестері бойынша іске асырылады.

Сыртқы жад құрылғысы мүлдем басқа. Мұнда сақталатын ақпараттардың көлемі үлкен болғандықтан, бұл байттық әдіс қолайсыз болып келеді. Біріншіден, үлкен болғандықтан. Екіншіден, қолданушы үшін қиыншылықтары болғандықтан.

Ішкі жадтан айырмашылығы- сыртқы жад құрылғысымен (ақпараттарды жазу және сақтау кезінде) адамға тікелей қатынас жасауға тура келеді. Және байттық әдісте адам үнемі құрылғының типімен, ондағы ақпараттың берілу сызбасымен танысып талдап отыруы қажет, байттың мазмұны - не деректер ме немесе бағдарламалар ма, егер деректер болса, олар қай түрге жатады және т. б. анықтауға күш салу керек. Бұл проблемаларды шешу үшін сақтау құрылғыларының түріне, тасушының типіне, оның көлеміне, жазу және оқу жылдамдығына қатыссыз-ақ, ақпараттарда сақтаудың арнайы формасы ойлап табылған болатын. Ақпарат тасушыда аты бар нақты порция түрінде жазылады. Мұндай құрылым файлдық деп, ал порция файлдар деп аталады.

Файлдармен әрекет істеу операциялық жүйенің функционалды бөлігі болып табылатын файлдық жүйеде іске асырылады.

Файлдармен орындалатын операциялардан басқа, файлдық жүйенің міндеті - файлдарды сақтауды ұйымдастыру және оларға жылдам қатынауды қамтамасыз ету.

Файлды үш түрлі вариантта орналастыруға болады: бір деңгейлік, көп деңгейлік және кестелік.

Бір деңгейлік сызба кезінде файлдар бірінен кейін бірі сызықты орналасады. Файлдарды іздеу барлық файлдарды тізбектей қарап, атын табу бойынша іске асады.

Кестелік сақтау кезінде олардың қиылысуында орналасқан қатар мен бағана нөмірі файлдың координаты болып табылады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.