Отбасындағы ұрыс – керіс келіспеушіліктер

Отбасындағы ұрыс – керіс келіспеушіліктер оның қалыпты жағдайына ауыр соққы. Отбасылық ұрыстың түрі көп. Той аяқталғаннан кейін, жаңа отаудың өзіндік тарихы басталады. Отау егелерін – жас жұбайлар дейді. Жаңа шаңырақ көтерген отбасы барлық жаңа жаратылған тіршілік сияқты, осал, морт келеді. Оны статистикалық мәліметтер дәлелдеп отыр: айырылудың көбі осы кезеңде болады. Мұның себебі неде? Себебін жоғарыда айтып кеткендей, отбасылық келіспеушіліктер, ұрыс – керістер. Алайда, шет елдерде әрбір отбасының өз психологы бар. Яғни, олар үй болып бала тәрбиесінде жүрсе де психологтың кеңесін алуға дағдыланған. Ол үшін психологтың әрине білімді, өз маман иесі, және де жақсы кеңес бере алатындай болуы керек. Ұрыс үстінде ерлі – зайыптылар бір – бірінен бұрын көрсетпеген мінездерін танытады. Екеуара қарым – қатынастың дамуына біржағынан алғанда мұндай қайшылықтың пайдасы да бар сияқты. Себебі, ерлі – зайыптылар бір – біріне өкпе – назын, ренішін жеткізеді.
Екі мінез – құлықтың нағыз соқтығысыда болады. Оны тоқтатуға енді әзіл – қалжыңның әлі келмей қалады. Қарсыластар өзіне жақтастар жинауға кіріседі. Оның құрамына балалары, туыстары, достары кіреді. Әрқайсысы өзінің дұрыстығын жақтап, жеңілгісі келмейді. Бір – бірінен өш алып, есесін жібермеудің амалын құрастырып, қит еткенді жіпке тізіп, сыныққа сылтау тауып отырады. Мұндай қақтығыстар жанды жаралап, екі ортаға сызат түсіреді. Татуласқан күнде де бітеу жарадай сыздап, ойдан кетпейді. Ұрыстың бұл түріне маскүнемдік, отбасына опасыздық, тұрақсыздық, дөрекілік пен өшпенділік, отбасы мүшелеріне балаларына деген немқұрайлылық өз міндетіне жауапсыздық т.б. себепші болатындықтан, татулық та оңайлықпен қайта оралмайды. Солай бола тұрса да, отбасы татулығын сақтаудың жолдарын таба білуге тырысу керек. Бұл істі белгілі ережелерді сақтай отырып, ақылмен жүзеге асыруға болады. Ол ережелер:

1. К.Оразбекова "Иман және инабат" –Алматы, "Ата - ана" баспасы, 1993ж.
2. || "Қазақстан әйелдері" №10. 2000ж.