Ағылшын тілін оқытудың қазіргі замандық әдістемесі жайлы

1 Ағылшын тілін оқытудың қазіргі замандық әдістемесі
Пайдаланған әдебиеттер:

Бүгінгі күні ағылшын тілін оқып-үйрену аса маңызды қажеттілік болып табылады. Өйткені ағылшын тілі, шын мәнінде, әлемдік тілге айналып отыр. Ағылшын тілін меңгермей, жаһандық бәсекеге ілесу туралы айту мүмкін емес.
Қазақстан Республикасында жүріп жатқан ғаламдану, әлеуметтік, экономикалық және саяси өзгерістерге байланысты шетел тілін білуге, өз бетінше үйренуге деген құлшыныс күннен күнге артып келеді.
Әлемдік білім алу кеңістігінде интеграциялық процестердің тереңдеп, кең қанат жайған жағдайында шетел тілін оқыту өзекті, біліктілігі жоғары дәрежеде маманданған, білімі жағынан бәсекеге түсе алатын, өзін халықаралық еңбек жәрмеңкесінде еркін сезініп, жүре алатын мамандар дайындау мәселесінің бөлінбес бөлігі болып табылады.
Ағылшын тілі пәнінің басты міндеті – оқушылардың тілдік қарым-қатынас жасай алу біліктілігін жетілдіру. Оқушыларды жан-жақты терең білімді, интеллектуалдық деңгейі жоғары етіп қалыптастырудың бірден-бір жолы – оларға білімді терең игертудің тиімді әдіс-тәсілдерін іздестіру.
Оқулықтың мақсаты – оқушыларды ағылшынша дұрыс оқи білуге, таныс лексикалық және грамматикалық материалдар негізінде құрылған текстерді түсіне алуға үйрету, сонымен бірге көркем туындыларды сөздіксіз оқып түсінудің кейбір дағдылары мен ауызекі сөйлеу тілінің негіздерін қалыптастыру. Оқу құралы 13 тараудан турады. Әрбір тарау (Unit) өз кезегінде төмендегі тармақшалардан тұрады:
1. Grammar Focus - тарауда грамматикалық материалдың қысқаша сипаттамасы үйренушілердің түсінуіне жеңіл ағылшын тілінде беріледі;
2. Class Activities - бұл тарауда жаттығулар комплексі қамтылған;
3. Student’s Self-work - бұл тарауда оқытушылардың жетекшілігімен орындалатын оқушылардың өздік жұмыстарына арналған жаттығулар;
4. Home-Study Activities - бұл тарауда оқушылардың өздік жұмыстарына арналған тапсырмалар берілген – СӨЖ;
5. Wordlist - актив лексика тізімі;
6. Quicktest - өзіндік бақылау үшін берілген шағын көлемді тестер;
7. References - берілген грамматикалық материалдар бойынша пайдаланылатын негізгі және қосымша әдебиеттер тізімі.
Оқулықтың соңында үйренушілер үшін ең қажетті дерлік қосымша мәліметтер беретін арнайы «Қосымшалар» тарауы енгізілді (Pronunciation Table, Types of Reading Vowels, List of Abbreviations, Classroom Language, List of Contractions, Wordlist and List of Irregular Verbs) [1.4].
Оқу құралы 5 тараудан тұрады. Әрбір тарау (Unit) 1-ші курсқа арналған оқу құралы сияқты тармақшалардан тұрады.
I - тарау: Passive Voice; Management.
II – тарау: Complex Object; Marketing.
III – тарау: Sequence of Tenses; Finance and Financial System.
IV – тарау: Complex Sentences; Banking System.
V - тарау: Conditional Moods; Auditing [2].
Осылайша ағылшын тілін оқыта отырып, өз мамандықтарына байланысты кәсіптік бағдар береміз. Грамматикалық материалдардың қысқаша сипаттамасы ағылшын тілінде беріледі. Грамматикалық материал қазақ тілі пәнімен тығыз байланыстыра түсіндіріледі. Бұл тарауда түсіндіру әдісі көп қолданылады. Түсіндіру әдісі – жаңа сөз, сөз тіркесі, сөйлемдерді түсіндіруде қолданылады. Сондай-ақ ағылшын тілі грамматикасының кейбір ерекшеліктері түсіндіріледі. Мысалы, ағылшын тіліндегі грамматикалық тәсіл ретіндегі екпіннің жылжымалылығы, мағына ажыратқыштық қызмет.
finance – қаржы; to finance - қаржыландыру.
import – импорт; to import - импортқа шығару.
Жоғарыда аталған әр тараудағы грамматикалық материалдарды өткенде пысықтау жаттығулары сол тарауда өтілетін экономикалық текстердің
терминдерімен жасалады.

1. Андабаева Қ., Абдуразакова Қ., т.б. Ағылшын тілі пәні бойынша практикалық сабақтарға арналған оқу құралы Түркістан, 2009. 180 б.
2. Андабаева Қ., Абдуразакова Қ. Ағылшын тілі пәні бойынша практикалық сабақтарға арналған оқу құралы Түркістан, 2009. 80 б.
3. Жақсылықова Қ. Мәтінмен жұмысты ұйымдастыру // Қазақ тілі мен әдебиеті. №5. 1999.