Ұлтымыздың ұлттық ойындары

1 АСЫҚ ҰЛТТЫҚ ӨНЕРІМІЗ
2 ҰЛТЫМЫЗДЫҢ АҚЫЛ.ОЙ ОЙЫНЫ
3 «ҚЫЗ ҚУУ» . ЖАСТАРДЫҢ АСЫҒА КҮТЕТІН ДӘСТҮРЛІ БАҒДАРЛАМАСЫ

Асық – жас жеткіншектердің тәрбиесі мен баланың ой-өрісін кеңейтуге берер мүмкіндіктері көп қазақтың ұлттық ойыны. Асықты ойнаған адам, одан тек бойына жақсы қасиеттер ғана сіңіре алады. Өйткені, асық баланы бәсекеле¬сінің алды болу үшін ширақтыққа, асық санын көбейту үшін мергендікке, ойын кезінде қарсыласында қанша асық қалғанын білу үшін математикалық қабілетті арттыруға, өз асықтарын жоғалтпау үшін үнемділікке үйретеді.
Қазір асықты көбінесе ауылдық жерлерде ойнайды, оның өзінде де соңғы кездері ауыл балаларының асық ойнап жатқанын сирек кездестіруге болады. Сонымен бірге асықты қалалық жерде де ойнайды. Бірақ, қала балалары бұл ойынды ойнағанда бір-екі түрімен ғана шектелеп қалады. Ал қазақтың шын мәніндегі асық ойынының бірнеше түрі бар. Олар “төрт асық”, “асық ату”, “хан талапай”, “атпақыл”, “қақпақыл”, “омпы”, “шір-мекіл”, “ханжаппай”, “сасыр”, “топай” немесе “сөкелек”, “бәйге”, “отыз ұры, бір есепші” деп аталады. Бұдан басқа да асық ойынының бірнеше түрлері бар.