Балдырғандарды балабақшада әлеуметтендіруді зерттеудің алғышарттары

Пән: Педагогика
Жұмыс түрі: Дипломдық жұмыс
Тегін: Антиплагиат
Көлемі: 64 бет
Таңдаулыға:

Жоспар

Кіріспе

І. Тарау. Балдырғандарды балабақшада әлеуметтендіруді зерттеудің алғышарттары.

Балдырғандарды бала-бақшада әлеуметтендірудің орны мен рөлі.
Балдырғандардың тәлім-тәрбиесінің бала-бақшада ұйымдастыру ерекшеліктері.
Бала-бақшалық тәлім-тәрбие әдістері.

ІІ. Тарау. Балдырғандардың балабақшалық азаматтық-патриоттық тәрбиесі.

2. 1. «Азаматтық-патриоттық тәрбие» ұғымы .

2. 2. Қазақстандық патриотизмнің негізгі тірегі - азаматтық және ұлттық тәрбиеде.

ІІІ. Тарау. Ұлттық жаңғыру жағдайындағы азаматтық-ұлттық тәрбие.

3. 1. Ұлттық тәрбие және өркениет.

3. 2. Білім беру мен азаматтық-ұлттық тәрбиенің өзара байланыстылығы.

Қорытынды

Пайдаланылған әдебиеттер тізімі

«Дошкольное воспитание» журналын ата-аналар мен тәрбиешілер місе тұтатын.

Бірақ бұл журнал қазақ және басқа ұлттар бүлдіршіндерінің табиғаты, ерекшеліктері оларға ұлттық тәрбие берудің талаптары мен соған орай мәселелерді ескеріп, байыптап, бас қатырып жатпайтын. Қазақстан балабақшаларының жайы мен мүдделерін ауызға да алмайтын, тиіп қашып та жазбайтын. Сондықтан да бізде бүлдіршіндерді отбасында, балабақшада тәрбиелеу талаптары көбіне елеусіз қалып келгені осының салдарынан ұрпақ тәрбиесінде халықтық педагогика, ана тілімен салт-дәстүріне баулу, ұлттық психология мен этика, эстетика мәселелері қалыс қалып соның салдарынан қазақша жетік білмейтін дүбара, «шала қазақ» өркендердің пайда болғаны қазақтың тілі мен мәдениетінің шешек ата гүлденуіне кедергі жасап, келеңсіз кесел бел алғаны хас шындық.

Әлемдік білім кеңістігінде мектепге дейінгі педагогиканың мәселелерін шешуде тәрбиелеу мен білім берудің жаңаша жетілдірілген әдіс-тәсілдерін іздестіру, үнемі жаңалыққа жол ашу бағыттары қарастырылуда. Осы орайда, Қазақстандағы мектепке дейінгі тәрбиені ғылыми-тиеориялық, педагогикалық, әдістемелік тұрғыдан негіздеуде Ыбырай Алтынсарин атындағы білім академиясы тарапынан ұзақ жылдар бойы ғылыми зерттеулер жүргізіліп келді. Оқытудың жаңа бағыттары мен технологиясын іздеу, тәжірибеге енгізу нәтижесінде әдістемелік жұмыстар жүйелене түсуде. Ең негізгі мәселе- педагогикалық ұжымның кәсіптік шеберлігін аттыру, әр тәрбиешінің шығармашылық дамуына жағдай туғызу, озат тәжірибені пайдалана білу, тәрбиелеу ісін демократияландыру. Мектепке дейінгі тәрбие мен оқытудың мемлекеттік стандарттары мен оқу әдістемелік кешендердің дайындалуы осының айғағы.

Балабақшада тәрбиенің негізін қалаудың тиімді жолдарын қарастырар болсақ, ол күнделікті қарым-қатынас мәдениетін қалыптастырып, мектепке дейінгі ұйымдардағы білім сапасын арттыруға байланысты болмақ. Ол үшін жалпы жағдайларды жақсарту басты міндет. Біріншіден, білім мен тәрбие беруге арналған дамытушы ортаны жабдықтау қажет десек, ол мектепке дейінгі кезеңнің өзіндік ерекшелігі мен құндылықтарын сақтайтын, баланың балалығына бағытталуы шарт. Екіншіден, тәрбие ұйымдарының басшысы мен тәрбиеші педагогтар қауымы кәсіби шеберліктерін үнемі шыңдап, білімін жетілдіруге жүйелі көңіл бөліп, ұжымның шығармашылық бағыт-бағдарын айқындап, оны жүзеге асыруға белсенділікпен ат салысуға және жағымды психологиялық ахуалдың тұрақтануына ықпал етуі қажет. Сондай-ақ отбасының сұранысы мен талап-тілектерін қанағаттандыру және балаға берілетін білім мен тәрбие үдерісі жайында ата-анамен үнемі бірлескен ынтымақты негізде жұмыс істеу өте маңызды. Әсіресе ұжымда өз еңбегінің нәтижесімен, жаңалығымен шығармашылықпен көзге түскен мамандарды марапаттау (мақтау қағазы, үздік еңбек ері, орден, медальдар) өзгеге өнеге, жастарға үлгі боларлық мәртебе, тәрбиеге тірек, білім сапасын арттыруға берік негіз болар еді. Үшіншіден, балабақшаларда еңбек етуге толық жағдай жасалып, тәрбиелеу мен білім берудің технологияларын сауатты меңгеріп, жаңа педагогикалық әдіс-тәсілдер жүйесін кәсіби шеберлікпен игеріп, оны тәжірибеде пайдалануға шығармашылықпен үлес қосып отырса құба-құп. Бұл аталған мәселелер тәрбиелеу мен білім сапасын көтерудің жалпы жағдайлары болса, онда оған қажетті негізгі жағдайлар ретінде төмендегі міндеттерді жүзеге асыру қажет:

балабақшадағы жұмыс істейтін бағдарлама мазмұнын жаңарту мен оны толық меңгерудің тиімді әдіс-тәсілдерін таңдай білу; мектепке дейінгі жастағы баланың өмірін қорғау және іс-әрекетін дұрыс ұйымдастыру; арнаулы мамандармен қамтамасыз ету және тәрбие жұмыстарын ұйымдастырудың тиімді жолдарын меңгеру; оқу әдістемелік құралдармен қамтамасыз ету; заттық дамытушылық ортаны жабдықтау, оның тәрбиелік ықпалды болуына көңіл бөлу; педагогикалық ұжымның басқа да әлеуметтік институттармен, білім беру ұйымдармен өзара тығыз байланыста болу; оқу-тәрбие жұмыстарына психологиялық қызмет көрсету; балабақша меңгерушісі мен тәрбиешілердің кәсіби біліктілігін үнемі көтеріп отыру; мектепке дейінгі ұйымдарды басқарудағы жаңашылдық, ымырашылдық және кәсіби шеберлік пен адами қасиеттердің басым болуы шарт.

Мектепке дейінгі тәрбие ұйымдарында тағылымды тәрбиенің негізін қалау үшін оған арнаулы мамандар дайындауды жолға қою, жоғары оқу орындарындағы мектепке дейінгі тәрбие факультеттерінің санын да сапасын да жақсартуға баса назар аударылғаны жөн. Бүгінге дейінгі жоғарғы оқу орнындағы мектепке дейінгі білім беру мамандығын, педагогикалық колледж және бакалаврлар дайындаудың мазмұны бірін-бірі қайталайтындығы байқалуда. Сондықтан бұлардың әр деңгейінде өзіндік күрделену мен қазіргі кезеңдегі мектептке дейінгі тәрбиенің даму тенденциялары ескерілуі қажет. Балабақша ұйымдарын жаңа философияға негіздей басқару, яғни жеке тұлғаға бағдарланған мотивациялы- жүйелік тұрғыдан жүзеге асыруға мән берілсе, іс-әрекетте тиімді қолдана білуге көңіл бөлінгені абзал. Сондай-ақ болашақ ұрпаққа білім мен тәрбие беретін мамандарды, тәрбиеші-педагогтарды әлеуметтік жағынан қамтамсыз ету, тұрғын үй, жатақхана беру, еңбек ақысын көтеру сияқты мемлекет тарапынан көрсетілер қамқорлыққа зәрулік те артып отыр.

Балабақшадағы «балалардың балалығын өзіне қайтару», мектептік жүйені қайталамау, балалардың жағдайы жақсы болуы үшін педагогикалық талаптардың орындалуы, күн кестесі кезеңдерінің жүйелі дұрыс ұйымдастырылуы, тамақтану мерзімі мен сапасының дұрыс болуы, олардың денсаулығын сақтау, құқығын қорғауды ата-аналармен ынтымақтастықта бірлесе еңбек ету маңызды болмақ. Бүгінгі таңда балабақшада балалардың алған білім, білік дағдыларын күнделікті өмірде іс-әрекетте өз тәжірибесінде қолдана білуге үйрету, яғни өмірлік дағдыны қалыптастыру қажет.

Тоқсан ауыз сөздің тобықтай түйініне келетін болсақ, балабақшадағы тағылымды тәрбиенің негізі: тәуелсіз Қазақстан Республикасын өркениетке жеткізу жолында келер ұрпақты жоғары мәдениеттілік пен имандылыққа тәрбиелеу; баланың бойына рухани адамгершілік қасиеттерді ерте бастан сіңіру; жаңа ғылыми көзқарас қалыптастыру; білім мазмұнын жаңарту; оқу-әдістемелік еңбектермен қамтамасыз ету; өз болашағына үлкен жауапкершілікпен қарау;

Аталған ауқымды мәселелер мектепке дейінгі тәрбие ұйымдарынан бастау алатын болғандықтан олардың желісін қалпына келтіру, балабақшаларды көптеп ашу, оны басқаруда педагогикалық менеджментті қолдану, жаңашылдықпен, тың көзқарастармен еңбек етуге бағыт-бағдар алу кезек күттірмейтін мәселе.

Баланың өсіп-жетілуі, жеке тұлға ретінде қалыптасуы оның нәрестелік шағынан жүйелі түрде берілетін тәрбиесіне, тәрбиелей отырып меңгерілетін білім-білік дағдыларына байланысты.

Ақыл-ой тәрбиесінен педагогикалық, психологиялық талаптар деңгейінде кемелдендіру- баланың адамгершілік, эстетикалық талғам қасиеттерінің, дербес іс-әрекеттерінің қалыптасып, дамуының кепілі. Ойлай, сөйлей білетін бала жан-жағына бақылай қарап, байыптай білуге, күнделікті өмірде өтіп жататын іс-әрекетке, әдеби-музыкалық ойын- ермекке. Көркемөнер туындыларының сәулетті көріністеріне, талғампаздыққа, жақсы-жаманды ажырата білуге үйренеді.

Мектеп жасына дейінгі балалр айналадағы өзін қоршаған дүниеден, табиғат, тұрмыс-тіршіліктен алған әсерін, көрген-білгенін оймен қорытып, сөз арқылы іске асырады. Баланың өмірді танып-біліп, сезініп, түсіну, қабылдауда қолданар басты құралы - сөйлеу тілі.

Қазақ елінде тұңғыш рет психология, педагогика құралдарын жазған Ж. Аймауытов, М. Жұмабаевтар өз еңбектерінде балаларды жан-жақты дамыта тәрбиелеу, олардың психологиялық үрдістерін (ақыл-ой, қиял, ес, зейін, сезім, қабылдау т. б. ) жетілдіру, ана тілінде сөйлеуге үйрету мәселесіне ерекше назар аударып, сол кездегі қоғамдық өмірге, қазақ ауылындағы тәрбиешілерге лайықты түрде ьалдап көрсеткен.

М. Жұмабаев өзінің «Педагогика» деген еңбегінің «Ойлауды өркендету» атты бөлімінде: «ойлау- жанның өте бір қиын, терең ісі. Жас балаға ойлау тым ауыр. Сондықтан тәрбиеші баланың ойлауын өркендеткенде сақтықпен іс істеу керек. Өркендету жолдары мыналар:

1. Баланың жанында дұрыс әсерленулер һәм ашық суреттеулердің көп болуына іждаһат қылу керек . . . бала пікірді суреттердің өзінен шығарып алсын.

2. Бала заттарды, көріністерді сындарды ұқсас сындары бойынша топ-топқа бөліп үйренсін. Мысалы: өсімдікті, жануарды топ-топқа бөлу сияқты.

3. Бала көріністердің, ойлардың араларындағы байламды һәм олардың қайсысы қайсысына себепкер екенін біліп үйренсін», - деген.

М. Жұмабаевтың бала тәрбиесі жөніндегі идеялары, тұжырымдары бүгін де құндылығын жойған жоқ. Өйткені оның еңбегі қазақ елінің болашағын жан-жақты жетілдіру мақстаын көздейді.

Мектепке дейінгі тәрбие мен білім беру жұмысының негізгі түрі- сабақ. Біз «сабақ», «оқыту» деп аталатын терминнен қалай да алшақтап кете алмаймыз. Себебі балабақшада меңгерілетін қарапайым білім негіздері де балалар ұжымында тәрбиешінің басшылығымен, белгілі бір мерзімде өтіледі. Арнайы өтілетін сабақтардың мақсаты, мазмұны «Балбөбек» бағдарламасы негізінде белгіленеді.

Балдырғандардың тәлім-тәрбиесінің бала-бақшада ұйымдастыру ерекшеліктері.

Ене сүтінен ажыратқан құлыншақтай, отбасындағы қалыпты өмірден бір сәтке қол үзіп, жаңа бейтаныс ортаға - балабақшаға келуіне байланысты ата-ана мен тәрбиешілер тарапынан оған ерекше көңіл бөлу қажеттігі туады.

Себебі бір бағытта, үй іші қамқорлығында өсіп келе жатқан сәбидің ұжымдық орынға ауысуы оның психологиясына күшті әсер етіп, айналадағы тұрмыс-тіршілікке, белгілі күн режимі бойынша өтілетін тәрбие жұмыстарына, тәрбиеші ұсынған жеңіл-желпі тапсырмаларды орындауға, бейтаныс балаларға- бәр-бәріне жатсына қарайды. Оларға бой үйрету үшін біраз жұмыс жүргізуге тура келеді.

Сондықтан ата-аналар балабақшадағы ойын-ермек, ойыншықтар туралы әңгімелесіп, балабақшаға барарда баланың көңіл-күйін жабырқатпай, көңілдендіріп әкелуге тиісті. Ал балабақша тәрбиешілері, дәрігерлер қабылдау сәттерінде жаңа келген балаға жылы шырай білдіре сөйлесіп, оның жасына лайықты (доп, машина, қуыршақтар беріп, қуанта қабылдаса, қабылдау кезінде, мүмкін болғанынша) ұлттық ән-күй ойнатылып тұрса («Келші, келші балашым», «Қуыр-қуыр-қуырмаш» т. б. ) бала көңілі әуен ырғағына еліктеп, өзімен келген ата-анасының кеткенін де байқамай қалады.

Өкінішке қарай, тәжірибе жүзінде осы айтылғандар орындалмауы, қабылдау сәтінің дұрыс ұйымдастырылмауы себепті бала ата-анасымен жылап айырылысады. Мұндайға жол берілмеуге тиісті.

Баланың күнделікті іс-әрекетте белсенді болуы оның денсаулығына, ой өрісіне, сезім, қабылдау әреткеттерінің жетілу деңгейіне, таным қабілеттілігінің қалыптасуына байланысты.

Өмірде, күнделікті тұрмыста болып жататын өзгерістер, арнайы ұйымдастырылған тәлім-тәрбие жұмыстары олардың рухани жан дүниесіне әсер етіп, физиологиялық, психологиялық жағынан дамып, жетіле түсуіне ықпал жасайтыны белгілі. Сол себептен ата-аналар, тәрбиеші-педагогтар тәлім-тәрбие жұмысының бала жасына, даму деңгейіне лайықты. Оны қызқтырып, еліктіретіндей болуына, баланың бүкіл рухани жан дүниесіне, көңіл күй әрекетіне кешенді әсер етерліктей болуына баса назар аударуы қажет.

Баланың жалпы жан көріністерінің бір-бірімен байланысты болуы іс-әрекетке бүкіл жаратылыс болмысымен қатысатыны жайлы М. Жұмабаев жан-жақты талдай келе, былай түйіндеген:

«Бірінші, баланың барлық жан әсері бір-біріне берік байланған болады, бірімен бірі бірге жүреді. Мысалы, баланың денесі мен жаны, ақылы мен сезімі, сезімі мен қайраты бәрі бірге іс қылады, бұлар бір-бірімен күресе білмейді. Бала бір нәрсеге ұмтылса, сол нәрсеге баланың денесі, жаны, ақылы, сезімі, қайраты- бәрі бірге жұмсалады. Бала шақта алынған әсердің өмір бойы естен шықпауының мәнісі, сол бала шақта алынған әсер ер жеткенде адамның ақылының, ой пікірінің һәм мінезінің қандай дәрежеде, һәм түрде болуына негіз сықылды. Балалықта ылғи жағымды әсер алынса, адам өмір бойы шат көңілде болмақ. Балалықта жағымсыз әсер алса, қорлық. Жоқшылық көрсе, адам өмір бойы қасіретке бейім болмақ.

Екінші бала ылғи іске ұмтылады. Дені сау бала тіпті қарап отыра алмайды. Бірақ бала не істеуге һәм қалай істеуге білмейді. Сондықтан ол ересек адамдардың не істегенін һәм қалай істегенін өнеге қылады. Баланың еліктемпаз болуы осыдан.

Еліктеу- затында тіпті теріс нәрсе емес. Еліктеу адамның жаратылысында бар нәрсе. Еліктемейтін адам болмайды. Себебі бар нәрсені өз ойымен таба алмайды. Оған өмірі де жетпейді. Бәлкім басқалардан қалған ұнамды нәрсені ала қояды. Жалғыз-ақ жан ісі тіпті әлсіз балада еліктеу тым-ақ күшті болады.

Жоғарыда айтылғандай, баланың жаратылысы ересек адамның жаратылысынан басқа болғандықтан, тәрбиешінің негізгі ұстайтын жолы:

Бала еліктемпаз болғандықтан, баланың ылғи сұлу һәм құлықты әсер алуына іждаһат қылу керек. Әсіресе баланың ата, ана һәм тәрбиешісі- солардың өздерінің барлық істері сұлу һәм үлгілі болуға тиісті. Баланың еліктейтіні солар. Және бала тіпті сенімпаз болады. Сондықтан баланы өз күшіне өзін сендіріп үйрету керек. Қолынан түк келмейді дей берсең, бала жасқаншақ, жасық болып қалады. Осыдан сақтану керек.
Бала ешуақытта іссіз отыра алмайтын болғандықтан, балаға ылғи пайдалы іс беріп отыру керек. Сол уақытта бала өз бетімен қайдағы нашар, зиянды істерге әдеттеніп кетпейді.

Ұзын сөздің қысқасы, бала кәдуілгі адам болғанмен, баланың жаратылысында көп басқалық бар. Балаға тәрбиені өзінің шамасына, жаратылысына қарай беру керек. Жас бала- жас бір шыбық. Жас күнінде қай түрде иіп тастасаң, өскенде сол иілген күйінде қатып қалмақ. Теріс иіліп қалған шыбықты артынан түзеймін десең, сындырып аласың. «баланы бастан» деген мәнісі- осы. Тәрбие деген- баланы бетке қақпай, бетімен жіберу емес. Баланы тәрбие қылу- тұрмыс майданында ақылмен, әдіспен күресе білетін адам шығару деген сөз. Қалса өзін, асса барлық адам баласын әділ жолмен өрге сүйрейтін ер шығару деген сөз. Тұрмыста түйінді мәселелерді тез шеше білетін, тұрмыстың тұңғиық теңізін қалың қайртапен кеше білетін, адалдық жолға құрбан бола білетін, қысқасы адамзат дүниесінің керек бір мүшесі бола алатын төрт жағы түгел кісі қылып шығару. Баланй мұндай адам қыла алу үшін тәрбиеші бар күшін, бар білімін жұмсап, жалықпай, шаршамай үйрете білу керек»- дей отырып, Мағжан өз ойын ұлы Абайдың

«Ұстаздық еткен жалықпас,

Үйретуден балаға»-

деген өлеңімен түйіндейді.

Осындай психологиялық, педагогикалық талаптарға орай, тәлім-тәрбие жұмыстары бір топтан екінші топқа өткен сайын күрделеніп отырады.

Жаңа бағдарлама бойынша аптасына бес рет ұжымдық тәрбие жұмысы жүргізілетін болып ұйғарылды. Күн режімі осыған сәйкес өзгертілді.

Бүлдіршіндер тобында сабақ ұзақтығы- 45 минөт. Көрсетілген уақыт ішінде балалардың сөздік қорын дамыту, санауға, бейнелеуге үйрету, ән айту, қимыл-қозғалыс жасату т. б. сияқты тәрбиенің қарапайым негіздері меңгеріледі.

Бөбектермен өткізілетін тәрбие жұмысында алғашқы кезде (бір-екі ай) олармен сөйлесу, үй-іші, ата-анасы туралы сұрау, бөлмедегі, бақша алаңындағы заттарды, ойыншықтарды көрсетіп, атын айту, түсіндіру, таныстырған заттардың атын сөзбен атап айтуға үйрету. Шағын өлең-тақпақтар, ертегілер оқып беріп, тыңдату, тыңдата отырып, шығарма кейіпкерлерінің өзін (мысық, торғай, қозы, күшік) немесе суретін көрсетіпәңгімелесу, ойната отырып сөйлету, зат пен сөз арасындағы нақты ұғымын кеңейтіп, таным қабілетін жетілдіру тәріздес жұмыстар әрбір ойын-сауықтар сайын кешенді (комплексті) түрде іске асырылып отырады.

Мысалы:

Кіп-кішкене Момақан,

Қошақанды ұнатам.

Сүйеді апам «қозым» деп,

«Қошақаным, өзің», -

деген өлең шумағын жатқа айта отырып, тәрбиеші қозының өзін немесе ойыншық қозыны көрсетеді. Қозының құлағын, көзін, аяғын көрсетіп, санатады. Қозы ненің төлі? Сенің көзің, құлағың, аяғың қайсы? Сенің қолың, аяғың нешеу? - деген сияқты сұрақтар бере отырып, ойната сөйлетеді. Сол сияқты өлең-тақпақтарды, «Торғай мен түлкі», «Қияр мен капуста» т. с. с. ертегілерді оқып түсіндіру, тыңдату, ойнату баланы ерекше әсерлендіретінін көп жылғы бақылау жұмыстары дәлелдеді.

Осылайша баланы ойынға, ойыншыққа қызықтыра отырып, ол жұмысты әдеби-музыкалық ойын-жаттығу көріністерімен, үстелде ойналатын көлеңке театры, слайдфильмдер көрсетумен, сурет, бейнелеу жұмыстарымен біртіндеп байланыстыра, кеңейте жүргізу- оны ойлауға, сөйлеуге, қимыл әреткетін дамытуға, айналадағы дүниені бақылап көруге, тани білуге жетелей түседі.

Сондай-ақ санау дағдыларын дамыту үшін «біреу, екеу, үшеу, қолымда саусағым нешеу?» деп немесе саусақтарын біртіндеп, жұмдыра ойнатып, «санамақты» оқып түсіндіру, осы санамақ арқылы аз-көпті ажырату, еңбекке үйрету нышандары жүзеге асырыла бастайды. Тәрбиешінің: «саусақтардың бәрі жұмысқа кетті, мына кішкентай бөбек қана үйде қалды. Оның сендермен ойнағысы келеді», - деп аяқтауы, пластилиннен, не қағаздан жасалған қуыршақтың саусақтармен ойнатуы сәби көңілін қуанышқа бөлейтіні сөзсіз.

Ең соңында тәрбиеші: «Кәне бәріміз кішкентай бөбекті ұйықтатайық», - деп бесікке бөлеу ойынын ойнатады. Мұндай ойындарды оқу жылының бастапқы кезеңдерінде-ақ ұйымдастыруға болады. Өйткені қазіргі балалар 3 жасқа дейін үйде болып, 3 жастан аса балабақшаға келеді.

Бөбектер тобынан басталып, кеңейтіле өтілетін тәрбиенің ең бастыларының бірі- баланы тазалыққа, ұқыпты және дұрыс жуына білуге, өздігінен киініп, шешінуге, киім аттарын дауыстап айта білуге, жыл мезгіліне орай киілетін киімдерді ажырата, топтастыра білуге үйрету.

«Денсаулық- зор байлық» екенін есте сақтай отырып, баланы жыл маусымыкездерінде болып жататын құбылмалы ауа райына төзімділікке үйрету, су. Ауа, күн ванналарын пайдалана шынықтыру керек. Қимыл-қозғалысындамытып, қозғалмалы ойындар ойнатып, күн режімінде көрсетілген серуен, ойын, тамақ, сабақ, ұйқы кезеңдерін мүлтіксіз орындату керек. Әрбір тәрбие кезеңіне қажетті әдеби-музыкалық ойын-ермек көріністерін жасатып отырған жөн. Балалар дербес орындау үшін ұсынылатын қарапайым тапсырмалар күн ілгері әзір болуға тиісті.

Әрбір ойын, сабақ, еңбек, серуен т. б. тәлім-тәрбие жұмысында баланың ой-өрісін, қабылдау, зейін, сезім әрекетін, ауызша сөйлеу тілін, сөздік қорын дамыту, бағдарлама тақырыптарына сәйкес өмірге қажетті білім-дағдыларын меңгерту, тәжірибе қолдана білуге үйрету, әдептілік, әдемілік, ізеттілік, мейірімділік, еліне, халқына сүйіспеншілік, эстетикалық, сезімталдық қасиеттерін жетілдіру, еңбекке белсенділігін арттыру көзделеді.

Осы міндеттерді жүзеге асыру үшін, балабақшада тәрбиелеу, білім беру мазмұнын жаңарту- тәрбиешілердің шығармашылық шеберлігіне, ізденімпаздығына тікелей байланысты. Өйткені ол - бала тәрбиелеу тәсілдерін ата-аналармен қоян қолтық бірлікте жүргізе отырып, жас сәбидің қалыпты деңгейде өсіп-жетілуін, ойлау, сөйлеу қабілетін, мінез-құлық дағдыларын ұлттық сана мен салтқа қалыптастыру, ізгілікке, парасаттылыққа баулу сияқты тәлім-тәрбие жұмыстарын белгілі бағытта жүйелі түрде ұйымдастыра білетін басты тұлға.

Баланың дүниетанымын дамыту, әлеуметтік және ұлттық психологиясын қалыптастыру, оларды өзін қоршаған ортада, айналада болып жатқан жағымды, жағымсыз құбылыстарды сезіне, түсіне, ойланып- толғана, әсерлене білуге үйретіп, өмірге қажетті дағдыларды меңгерту- отбасы, балабақша тарапынан бірлікте жүзеге асырылады.

Баланың алғашқы іңгәсынан, тіпті ана құрсағынан (соңғы зерттеулер бойынша) басталатын тәлім-тәрбие, айналадағы дүниені сезіне, танып-көре, жақсы-жаманды ажырата білу- бала санасына мысқалдап орнығып, сатылай кеңейтіліп отыратын ұзақ үрдіс.

Балаға меңгерілетін білім-дағды деңгейін жүйелі, сатылы жүргізу балалар педагогикасы мен психологиясына үйлесімді, ұлттық негізде жасалған «Балбөбек» бағдарламасында нақты тақырыптарға бөлініп көрсетіледі.

... жалғасы

Сіз бұл жұмысты біздің қосымшамыз арқылы толығымен тегін көре аласыз.