Өртке қарсы қызмет құралдары

Кіріспе
1 бөлім. Өртке қарсы қызмет құралдары
1.1. Өртке қарсы қызметті ұйымдастыру және атқару
1.2.Гарнизонның лауазымды тұлғалары
2бөлім. Күштер мен құралдар
2.1. Күштер мен құралдар
2.2. Өртте жауынгерлік іс.қимылдарды жүргізу кезінде күштер мен құралдарды басқару
Қорытынды
Пайдаланылған әдебиеттер тізімі

Өндіріс объектілерінің өртке қарсы қорғанысы – жаңа мекемелерді жобалағанда инженерлі-техникалық және ұйымдастырушылық шаралар кешені болып табылады. Осылайша, өндірістегі өрттік өрттік қауіпсіздік, өрттің алдын алу шараларымен және өрттің шығу ошағынан белсенді қорғану әрекеттері арқылы жүзеге асады.
Еліміздегі халық шаруашылығының белсенді дамуы, өнеркәсіптің жаңа салаларының және материалдардың пайда болуы, өрт қауіпсіздігінің алдына көптеген жаңа талаптарды қойды, сонымен қатар, жаңа өртке қарсы техникалардың пайда болуына үлес қосты.
Соңғы жылдары өрт қауіпсіздігі саласы жаңа, осы заманға сай жабдықтармен (автоцистерналар, автосорғыштар, көпіршік генераторлары, мотопомпалар, өрт сөндіру құралдары және тағы басқа) қамтамасыз етілді. Автоматтық өрт сөндіру құралдары мен дабылдары қолданылады.

1. «Азаматтық қорғау саласындағы ақпараттықөәдістемелік материалдар» (№1 (49) шығарылым, 2012)
2. ҚР ТЖ саласындағы заңдары
3. Ұйымдардағы ТЖ және АҚ бойынша сабақтарға арналған оқу құралы (Алматы-2012)
4. «Құтқарушы» оқу құралы (I кітап) (Алматы-2009)
5. «Құтқарушы» оқу құралы (II кітап) (Алматы-2009)
6. «Табиғи және техногендік сипаттағы ТЖ туралы» ҚР заңы, 05.07.1996.
7. ҚР «Азаматтық қорғаныс туралы» Заңы. 07.05.1997 ж.
8. ҚР АҚ ұйымдастыру және жүргізу жөніндегі нұсқаулық. Алматы, 2000 ж.
9. АҚ қорғаныс ғимараттарын бейбіт және соғыс уақыттарында пайдалану жөніндегі нұсқаулық. Алматы, 2000 ж.

Пән: ОБЖ (Основы безопасности жизнедеятельности), Защита труда
Жұмыс түрі: Курстық жұмыс
Тегін: Антиплагиат
Көлемі: 30 бет
Таңдаулыға:

Жоспары

Кіріспе
1 бөлім. Өртке қарсы қызмет құралдары
1.1. Өртке қарсы қызметті ұйымдастыру және атқару
1.2.Гарнизонның лауазымды тұлғалары
2бөлім. Күштер мен құралдар
2.1. Күштер мен құралдар
2.2. Өртте жауынгерлік іс-қимылдарды жүргізу кезінде күштер мен құралдарды басқару
Қорытынды
Пайдаланылған әдебиеттер тізімі

Кіріспе
Өндіріс объектілерінің өртке қарсы қорғанысы - жаңа мекемелерді жобалағанда инженерлі-техникалық және ұйымдастырушылық шаралар кешені болып табылады. Осылайша, өндірістегі өрттік өрттік қауіпсіздік, өрттің алдын алу шараларымен және өрттің шығу ошағынан белсенді қорғану әрекеттері арқылы жүзеге асады.
Еліміздегі халық шаруашылығының белсенді дамуы, өнеркәсіптің жаңа салаларының және материалдардың пайда болуы, өрт қауіпсіздігінің алдына көптеген жаңа талаптарды қойды, сонымен қатар, жаңа өртке қарсы техникалардың пайда болуына үлес қосты.
Соңғы жылдары өрт қауіпсіздігі саласы жаңа, осы заманға сай жабдықтармен (автоцистерналар, автосорғыштар, көпіршік генераторлары, мотопомпалар, өрт сөндіру құралдары және тағы басқа) қамтамасыз етілді. Автоматтық өрт сөндіру құралдары мен дабылдары қолданылады.

1 бөлім Өртке қарсы қызметтің құралдары
1.1. Өртке қарсы қызметті ұйымдастыру және атқару
Гарнизондар Қазақстан Республикасы облыстарының, Астана және Алматы қалаларының аумағында (аумақтық), қала және ауылдық аудандарда (жергiлiктi) құрылады.
Қала және ауылдық гарнизондар Қазақстан Республикасының облыстық гарнизондарының тиісті құрамына кiредi.
Өртке қарсы қызметтің аумақтық гарнизонының және оның құрамына кіретін барлық жергілікті гарнизондардың шекаралары жергілікті атқарушы органмен келісіледі және Министрліктің тиісті аумақтық органның бастығымен бекітіледі.
Гарнизондық қызметтiң негiзгi мақсаттары:
- гарнизонның күштер мен құралдарын өрт сөндiруге тиiмдi пайдалану үшiн қажетті жағдай жасау;
- гарнизонның күштерi мен құралдарын басқарудың біртұтас жүйесін құру;
- өмiрлiк маңызы бар қызметтермен өзара әрекеттерді ұйымдастыру;
- бүкiл гарнизондық iс-шараларды ұйымдастыру және жүргiзу болып табылады.
Гарнизондық қызметтiң мақсатын орындау үшiн:
- гарнизонның күштер мен құралдарының жай-күйін бақылау және есепке алу;
- гарнизонның күштер мен құралдарын өрт сөндiру үшiн қолданылуын, оның iшiнде күштер мен құралдарды жұмылдыру тәртiбiн жоспарлау, шығу кестесi және басқа да өрт сөндiру қызметiн анықтайтын құжаттарды дайындау;
- жеке құрамның, оның ішінде гарнизонның лауазымды тұлғаларының, кәсіптік және басқа да әр түрлі дайындығын гарнизондық өрт-тактикалық жаттығулар, жарыстар, жиындар және басқа да гарнизондық iс-шаралар жүргiзу арқылы қамтамасыз ету;
- өрт байланысын ұйымдастыру, өртке қарсы қызметiн басқарудың автоматтандырылған жүйелерін құру;
- шақыруды қабылдау және тiркеу жүйесiнiң, сонымен қатар өрт сөндiру қызметiнің ақпараттық қамсыздандыру жүйелерiнiң жұмысын қамтамасыз ету;
- гарнизон бөлiмдерiнiң гарнизондық және қарауылдық қызметтердi атқарудан бос жеке құрамын ірі өрттерді сөндіруге және төтенше жағдай зардаптарын жоюға қатыстыру бойынша iс-шараларды дайындау;
- өмiрлiк маңызы бар қызметтермен бiрлесiп қимыл жасау бойынша келiсiмдер (нұсқаулар) жасау және бекiту;
Гарнизондық қызметтiң мақсатын орындауға қажетті басқа да iс-шараларды iске асыру керек.
Гарнизондық қызметтi қамтамасыз ету мен жетілдіруді реттеу мақсатында осы Жарғыға 4-қосымшаға сәйкес гарнизон бастығы бекіткен гарнизондық iс-шаралар жоспары жасалады.
Өртке қарсы қызметтің көршілес гарнизондарының аумағында өрт сөндіру жөнінде өзара көмек көрсету тәртібі өрт қауіпсіздігі саласындағы өкілетті органмен, Министрліктің Өртке қарсы ықзмет комитетімен (бұдан әрі - Комитет) бекітілген, бірлескен күштер мен құралдарды жұмылдыру жоспарымен анықталады.
Басқа мемлекеттердiң өртке қарсы қызметiнiң күштер мен құралдарын қатыстыру мемлекетаралық келiсiм негiзiнде iске асырылады.
Өртке қарсы қызмет гарнизонына кіретін күштер мен құралдарды пайдалану тәртібі гарнизонның бастығымен әзірленіп, тиісті жергілікті атқарушы органмен бекітілетін және тиісті аумақтық орган басқармасы бастығының бұйрығымен жарияланатын өрт сөндіру бөлімдерінің шығу кестесі осы Жарғыға 5-қосымшаға сәйкес, ал ауылды мекен аудандарында - күштер мен құралдарды жұмылдыру жоспарымен (кестесімен) осы Жарғыға 6-қосымшаға сәйкес анықталады. Гарнизонда автоматтандырылған басқару жүйесі болғанда шығу кестесінің электронды нұсқасы да қолданылады (күштер мен құралдарды жұмылдыру жоспары).
Шығу кестесіне оқу орындары және Министрліктің басқа бөлімшелері де қосыла алады.
Оқу орындарының жеке құрамы оқу жоспарында көрсетілген уақытқа байланысты гарнизон бөлiмдерiнде қарауыл қызметiн атқаруға қатыстырылады.
Оқу орындарының жаттықтыру өрт сөндіру бөлімдері гарнизондық қызмет атқарады. Оларда қарауыл қызметi ұйымдастырылады.
Министрліктің аумақтық органдарының, мемлекеттік өрт сөндіру мекемелерінің, өрт сөдіру-техникалық оқу орындарының басшылары басқармаға бағынышты органдар мен бөлімшілірінде осы Жарғы талаптарының орындалуын қамтамасыз етуге міндетті.

1.2. Гарнизонның лауазымды тұлғаларына:
- гарнизон бастығы;
- гарнизон бастығының орынбасары;
- жедел кезекшi;
- гарнизон аға диспетчерi, диспетчерi;
- газ түтiннен қорғау қызметiнiң бастығы;
- техника қызметiнiң бастығы;
- байланыс қызметiнiң бастығы жатады.
Гарнизонның лауазымды тұлғалары өздерiне жүктелген мiндеттердiң орындалуына, берiлген құқықтардың дұрыс және толық пайдалануына, белгiленген құпия тәртiптi сақтауға, өртке қарсы қызметтiң мүлiктерiнiң сақталуына жауап бередi.
Осы Жарғыда көрсетілген гарнизонның лауазымды тұлғаларының мiндеттерi олардың негiзгi қызмет орынында орындайтын функционалдық мiндеттерiне енгiзiледi.
Гарнизон бастығы - Министрліктің аумақтық органының бастығы гарнизондық және қарауылдық қызметті ұйымдастыру мәселері бойынша басшылық етеді.
Гарнизон бастығы:
- гарнизондық қызметтi ұйымдастыруға және бақылауға;
- қызмет атқарудың, дайындық пен өрт сөндiрудiң озық тәжiрибелерiн енгiзуге;
- гарнизондық қызметтi атқару кезiнде еңбектi қорғау, техникалық және өрт қауiпсiздiгi ережелерінің орындалуын қамтамасыз етуге және қадағалауға;
- ӨҚҚОЖЖ талаптарына және туындаған жағдайға сәйкес өртке, апатқа және зілзалалар болған жерге шығуға;
- өрт сөндiрудi басқаруға;
- сумен жабдықтаудағы, байланыстағы, жедел бөлiмдердiң өмiрлік маңызды жүйелеріндегі кемшiлiктердi жою, сондай-ақ гарнизон аумағында өрт техникаларының өту мүмкiндiктерiн қамтамасыз етуге ұсыныс енгiзуге міндетті.
Гарнизон бастығы:
- белгiленген тәртiп бойынша гарнизондық және қарауыл қызметтерiн ұйымдастыру туралы шешiм қабылдауға, соның iшiнде гарнизон шекарасын, шығу кестесiн белгiлеуге, күштер мен құралдарды жұмылдыру тәртібін анықтауға және шығу кестесін бекітуге ұсынуға;
- белгiленген тәртiп бойынша гарнизон қызметiнiң тапсырмаларын орындауға қажетті мәлiметтер мен жедел ақпараттарды сұратуға және алуға;
- гарнизон бөлiмдерiнiң жауынгерлiк дайындығын тексеруге;
- ірі өрт кезiнде, күрделi жедел өрт жағдайларында немесе айрықша жағдай туындағанда мемлекеттік өрт сөндіру бөлiмшелерiнiң қайта орналасуын жүзеге асыруға;
- өрттi сөндiрудiң штаттан тыс штаб құрамын және оларды өрт сөндiруге қатыстыру тәртiбiн, сондай-ақ гарнизон бойынша жедел кезекшiлiктiң кестесiн бекiтуге;
- гарнизондағы лауазымды тұлғалардың өзара келiспеушiлiгiн шешуге;
- белгiленген тәртiп бойынша ерекше көзге түскен қызметкерлердi Мемлекеттік марапаттауға және құрметтi атаққа ұсынуға,
- белгіленген тәртіп бойынша өртке қарсы қызмет гарнизонының қызметтерін анықтайтын құжаттарды бекітуге.
Мемлекеттік өрт сөндіру мекемелерінің мемлекеттік емес өртке қарсы қызметтерімен, министрлік пен ведомстволардың авариялық және арнайы қызметтермен өрт сөндіруге дайындық жөнінде өзара әрекеттестік нұсқаулар мен келісімдер әзірлейді.
Гарнизон бастығының орынбасары - өрт сөндіру мемлекеттік мекемесінің жетекшісіне гарнизонның барлық өрт бөлімдері және лауазымды тұлғалары бағынады.
Гарнизон бастығының орынбасары:
- гарнизонда өрт-тактикалық дайындықты ұйымдастыруға;
- осы Жарғыға 7-қосымшаға сәйкес айқындама құжаттардың жүргізілуін ұйымдастыруға;
- МӨҚҚОЖЖ талаптарына және туындаған жағдайға сәйкес өртке, апатқа және зілзалалар болған жерге шығуға;
- өрт болған жерге гарнизон бастығы келгенге дейін өрт сөндіруге басшылық жасауға;
- сумен жабдықтаудағы, байланыстағы, жедел бөлiмдердiң өмiрлік маңызды жүйелеріндегі кемшiлiктердi жою, сондай-ақ гарнизон аумағында өрт техникаларының өту мүмкiндiктерiн қамтамасыз етуге ұсыныс енгiзуге міндетті.
Гарнизон бастығының орынбасары:
- белгіленген тәртіп бойынша гарнизонның лауазымды тұлғаларын тағайындау бойынша шешім қабылдауға, сонымен бірге олардың қызметтері бақылауды жүзеге асыруға;
- белгіленген тәртіп бойынша өрт сөндіру мемлекеттік мекемесі филиалының бөлімшелері мен гарнизонның лауазымды тұлғаларына міндетті түрде орындау үшін бұйрықтар беруге, сондай-ақ ол бұйрықтардың орындалуын талап етуге;
- белгіленген тәртіп бойынша гарнизондық қызмет тапсырмаларын орындауға қажетті жедел ақпараттар мен мәліметтерді сұратуға және алуға;
- ірі өрт кезiнде, күрделi жедел өрт жағдайларында немесе айрықша жағдай туындағанда мемлекеттік өрот сөндіру мекемелері бөлiмшелерінің қайта орналасуын жүзеге асыруға;
- белгіленген тәртіп бойынша гарнизондағы өрт сөндіру техникасы есебіне бөлімшенің әскери есебіндегі өрт сөндіру техникалары құрамын өзгертуге;
- өрт-тактикалық сабақтарын, байқаулар, жарыстар мен басқа да бүкіл гарнизондық іс-шараларң өткізілуін ұйымдастыруға;
- гарнизондағы өрт сөндіру техникаларын пайдалану мазмұны мен дұрыстығын бақылауға және қамтамасызетуге;
- гарнизондағы лауазымды тұлғалардың өзара келiспеушiлiгiн шешуге;
- өз құзіреті шегінде гарнизон бөлімшелерінің жеке құрамын жауапкершілікке тартуға және ынталандыруға құқылы.
Гарнизонның жедел кезекшiсi мемлекеттік өрт сөндіру мекемесі жетекшісіне бағынады.
Жедел кезекшi:
- гарнизондағы шұғыл жағдайларды бiлуге, қызмет атқару кезiнде анықталған кемшiлiктердi жоюға, шараларын қолдануға, оның iшiнде оқиға болған жерге шығуға;
- осы Жарғы талаптарына сәйкес гарнизондық және қарауыл қызметiнiң атқарылуын бақылауды қымтамасыз етуге;
- гарнизондық iс-шаралардың дайындығын қамтамасыз етуге және оларды өткізуге жеке басымен қатысуға;
- өрт-тактикалық сабақтарды және жаттығуларды ұйымдастыруға және өткiзуге, кәсiби және басқа дайындық түрлерi бойынша сабақтардың ұйымдастырылуын және өткізілуін бақылауға;
- қызмет атқарудың, дайындықтың және өрт сөндiрудiң озық тәжiрибелерiн пысықтауға;
- өмiрлiк маңызы бар қызметтермен бiрiгiп қимыл жасауға;
- өрт сөндіру автокөлiктерi мен басқа да мобильдi, оның ішінде бөлімге өрт сөндіруден келген техникаларды жауынгерлiк есепке дер кезiнде қоюды қамтамасыз ету, өрт сөндіру техникасының жауынгерлік есептен алынуын қарастыруға және дұрыс шешiм қабылдауға;
- гарнизонның регламенттiк құжаттарын әзірлеуді ұйымдастыруға және өзiдігінше дайындауға;
- ӨҚҚОЖЖ талаптарына сәйкес өрт сөндіруге, апат және зілзала орындарына шығу және орын алған жағдайға қарай өрт сөндiруді басқаруға немесе бірінші кезектегі апаттық-құтқару жұмыстарын жүргiзуге қатысушы қарауыл жұмысына басшылық жасауға;
- газ-түтінен қорғау қызметі бөлімшелері мен звенолары жеке құрамының демалуға қолайсыз ортада жұмыс істеу дайындығын, тыныс алу және көру органдарын жеке қорғану құралдарының (бұдан әрі - ТОЖҚҚ) техникалық жағдайын, газтүтінен қорғау қызметі бақылау бекеттері мен базаларының жабдықтары мен қамтылуын бақылауға;
- өртке қарсы қызмет бөлімшелерінде уақиғалар болған жағдайда, уақиға орнына дереу жетіп, қажетті шаралар қолданып ол туралы гарнизон бастығының орынбасарына хабарлауға міндетті.
Жедел кезекшi:
- белгіленген тәртіп бойынша бөлiмдерде қарауыл қызметiнiң атқарылуын, кәсіптік және басқа дайындық сабақтарының өтiлуiн тексеруге;
- гарнизондағы шұғыл жағдайлар жөнiнде қажетті ақпараттарды сұратып алуға, қызметтi ұйымдастыру, дайындық және өрт сөндіру, сұрақтары бойынша басқаратын және де басқа құжаттармен танысуға;
- жауынгерлiк кезекшiлiк кезiнде бөлiм басшыларына (қарауыл бастығына) және гарнизонның лауазымды тұлғаларына өз құзіреті шегінде, гарнизондық және қарауыл қызметiнiң сұрақтары бойынша, оның iшiнде мобильдi өрт сөндіру техникаларының уақытша орын ауыстыруы туралы, соңынан гарнизон бастығына баяндай отырып, орындалуы міндетті өкім беруге;
- кейінге қалдыруды күттiрмейтiн жағдайларда қатардағы және басшы құрамын жауынгерлiк кезекшiлiктi атқарудан дереу босатуға және осы туралы гарнизон бастығына немесе оның мiндетiн атқарушыға бiрден баяндауға;
- белгіленген тәртіп бойынша өртке қарсы қызметiнiң басқару органдары мен бөлiмдерiнiң бастықтарына жеке құрамды мадақтау және шара қолдану туралы ұсыныс беруге құқылы.
101 телефон байланысы бойынша өрт және басқа төтенше жағдайлар туралы хабарларды қабылдайтын және шақырған жерге өрт бөлімдерінің шығуын, олардың өрт орнындағы және төтенше жағдайды жою барысындағы байланыс пен жұмысын қамтамасыз ететін, ОӨББ кезекші ауысымының аға лауазымды тұлғасы гарнизон диспетчері болып табылады, ал ОӨББ болмаған жағдайда өрт сөндіру мемлекеттік мекемесі филиалы бөлімінің кезекші диспетчері (радиотелефонист) болады.
Гарнизон диспетчерi жедел қатынас бойынша жедел кезекшiге, ал техникалық байланыс құралын күту, пайдалану бойынша - байланыс қызметiнiң бастығына бағынады.
Гарнизон диспетчерi:
- гарнизондағы жедел өрт сөндіру жағдайларын, өрт сөндіру бөлімдерінің шығу ауданын, ірі көлемді өрттерді сөндіру орталықтарын, шұғыл өрт сөндіруге шақырту хабарламасы бойынша аса маңызды объектілерді, сусыз аудандарды (учаскелер), қарауылдың техникалық мүмкіншіліктері мен техникалық жабдықтары, өрт сөндіргіш заттардың орналасқан негізі қорын, сондай-ақ өрт сөндіру қызметі гарнизоны бөлімшелерінің орнын білуге;
- гарнизондағы ақпарат аппараттары мен жазуға қажетті байланыс құралдарының жұмысы мен оларды пайдалану тәртібін бақылауға;
- 101 телефон байланысы арқылы мемлекеттік өрт сөндіру мекемелері бөлімшелерін шақырулар туралы хабарламаларды қабылдауға;
- шығу кестесіне сәйкес шақырылған жерге гарнизонның күштер мен құралдарын жiберуге;
- белгіленген тәртіп бойынша гарнизон бөлiмi қарауылдарының, бөлiмшелерiнің орын ауысуын қамтамасыз етуге;
- осы Жарғыға 8-қосымшаға сәйкес гарнизонның күштері мен құралдары туралы мәлiметтерді жинақтауға;
- гарнизон бөлiмдерiмен және өмiрлiк маңызы бар қызметтермен байланыстың болуын тексеруге;
- белгiленген тәртiп бойынша гарнизонның лауазымды тұлғаларына бөлiмiнiң шығуын және олардың жұмыс орынындағы жағдайын баяндауға;
- жедел кезекшiге, сондай-ақ гарнизон бөлімдеріне жедел жағдайдың өзгергені туралы түскен мәлiметтi жеткізуге;
- жедел кезекшiнiң және мемлекеттік өрт сөндіру мекемелері бөлімшелерінің басқа лауазымды тұлғаларынан түскен ақпараттар мен жедел кезекішінің өкiмдерiн гарнизон бөлiмдерiне жеткiзуге, сондай-ақ осы Жарғыға 7, 9-қосымшаларға сәйкес регламенттiк құжаттарды жүргiзуге міндетті.
Гарнизон диспетчерi:
- гарнизон бөлiмдерiнде күштер мен құралдардың болуы және олардың жағдайы туралы ақпаратты сұрауға;
- өртке қарсы қызметi бөлiмдерiндегi күштер мен құралдар, өрт сөндіруге қатысу салдарынан, шығу ауданында жетiспеген жағдайда қарауылдың сабаққа, өрт-тактикалық тапсырмаларды шешуге тыйым салуға;
- гарнизонның лауазымды тұлғаларынан гарнизондағы жедел жағдайды қиындататын, анықталған кемшiлiктердi жоюды талап етуге;
- гарнизон бөлiмдерi арасындағы радио алмасудың дұрыс жүргiзiлуiн қадағалауға құқылы.
Газ-түтінен қорғау қызметінің (бұдан әрі - ГТҚҚ) бастығын басшы құрамнан жақсы дайындалған, оттектi оқшаулауыш газқағармен немесе ауасы сығымдалған тыныс алу аппаратында жұмыс iстеуге рұқсаты бар тұлғалар арасынан мемлекеттік өрт сөндіру мекемесі бастығының бұйрығымен тағайындайды.
ГТҚҚ бастығы:
- газ-түтiннен қорғау қызметiне басшылық жасауға, оның қызметiн бақылауға және талдауға, оны жетiлдiру жөнiндегi iс- шараларды көрсете отырып, шолулар мен ақпараттар дайындауға;
- мемлекеттік өрт сөндіру мекемелері бөлімшелері мен газ-түтiннен қорғаушылардың ТОЖҚҚ жұмыс iстеуге даярлық деңгейiн бiлуге;
- ГТҚҚ күштерi мен құралдарының есебiн жүргiзуге;
- ГТҚҚ базалары мен бақылау бекеттерiнiң сенiмдi жұмысын, оқу-жаттығу кешенінің (түтiн және жылу-түтiн камерларын) тұрақты даярлығын, ТОЖҚҚ-ны дұрыс пайдалануды және техникалық қызмет көрсетуді, қамтамасыз етуге;
- бөлімшелерге ГТҚҚ ұйымдастыру жөнiнде көмек көрсетуге;
- ГТҚҚ-нiң қызметiндегі және газ-түтiнен қорғаушыларды даярлаудағы озық тәжiрибелерiн зерттеуге және енгiзуге;
- ТОЖҚҚ-ын пайдалану және қызмет көрсету кезiнде қауiпсiздiк талаптарын қамтамасыз етуге;
- ТОЖҚҚ газ-түтiннен қорғаушылардың жұмыс кезінде бақытсыздыққа ұшырауын арнайы тексеруге қатысуға;
- газ-түтiнінен қорғаушылардың арнайы алғашқы оқуын, ГТҚҚ-нiң аға шеберлерiн (шеберлерiн) даярлауды жоспарлауға және қамтамасыз етуге;
- мемлекеттік өрт сөндіру мекемесі мен қалалар және объектiлердiң апаттық-құтқару қызметтерi (газдан құтқару, таукен құтқару және т.б.) арасындағы келiсiмдермен айқындалатын iс-әрекетті пысықтау жөнiндегi практикалық сабақтарды ұйымдастыруға;
- мемлекеттік өрт сөндіру мекемесі бөлімшелерінің оқу-жаттығу кешенiн (түтiн және жылу-түтiн камерасын) пайдалану кестесiн әзiрлеуге, олардың оқуға даярлығына, сондай-ақ сабақ берушілердің оны өткiзуге даярлығына тиiстi бақылауды қамтамасыз етуге міндетті.
ГТҚҚ басшысы:
- белгiленген тәртiбi бойынша бөлiмшелердiң ГТҚҚ-i жағынан қызмет атқаруын тексеруге;
- басқару органдары мен мемлекеттік өрт сөндіру мекемелері бөлімшелерінен ГТҚҚ-ның жағдайы жөнінде қажетті ақпаратты сұратып алуға;
- жұмыс ережесін бұзған, ТОЖҚҚ-да жұмыс істеуге рұқсаты жоқ, оқшаулағыш газқағары және ауасы сығымдалған тыныс алу аппаратында жұмыс істейтін газ-түтiнен қорғаушыларды жұмыстан шектетуге;
- белгiленген тәртiп бойынша өртке қарсы қызметінің басқару органдары мен мемлекеттік өрт сөндіру мекемелерінің бөлiмшелеріне ГТҚҚ-нің жеке құрамын мадақтауға және жазалауға, ұсыныс жасауға құқылы.
Гарнизонның техникалық қызмет (бұдан әрі - ТҚ) бастығы басшы құрамның жақсы дайындығы бар тұлғалары арасынан мемлекеттік өрт сөндіру мекеме басшысының бұйрығымен тағайындалады.
ТҚ-нің бастығы:
- Мемлекеттік өрт сөндіру мекеме бөлімшелерінің қарулануында бар өрт сөндіру техникасы мен оны пайдалану жөнінде нормативті құжаттардың тактико-техникалық сипаттамаларын білуге;
- ТҚ-нің жұмысына басшылық етуге;
- гарнизондық және қарауылдық қызметті өрт сөндіру техникасының, өрт-техникалық жарақтар мен құралдардың, өрт сөндiру құралдарының жауынгерлiк iс-әрекетке дайындығын бақылауды қамтамасыз етуге;
- жаңа өрт сөндiру техникасы мен өрт сөндiру құралдарын игеру сабақтарын ұйымдастыруға және өткiзуге, сондай-ақ ТҚ-нiң лауазымды тұлғаларын даярлауды қамтамасыз етуге;
- ТҚ-нiң озық тәжiрибелерiн пысықтауға және таратуға;
- бөлiмдердi өрт сөндіру техникасы мен өрт сөндiру құралдарымен жабдықталғаны жәнiнде ақпаратты болуға, анықталған кемшiлiктердi жою шара қолдануға;
- өрт сөндіру техникасының жұмысын талдауға, оның техникалық жағдайын жақсарту шараларын дайындауға және оларды жүзеге асыруға, оның iшiнде өрт сөндіру техникаларын, өрт-техникалық жарақтарын және жабдықтарын, бөлімдердегі өрт сөндiру құралдарын сынақтан өткiзуді бақылауға;
- өрт сөндіру техникасының жол-көлiктiк оқиғаларын арнайы тергеуге қатысуға, гарнизонда орнатылған тәртiпке сәйкес осы оқиғалар болған жерге шығуға;
- бөлім басшыларына өрт сөндіру техникаларын, өрт-техникалық жарақтары мен жабдықтарын, өрт сөндіру құралдарын техникалық қызметтен өткізуді, жөндеуді және пайдалануды ұйымдастыруға көмектесуге;
- өз құзіреті шегінде техникалық қызмет бөлiмшелерінің, жең базаларының және өрт сөндіру техникасының диагностикалық постарының жұмыстарына бақылау жасауға;
- ТҚ-нің регламенттiк құжаттарын дайындауды ұйымдастыруға және дайындауға міндетті.
ТҚ-нің бастығы:
- белгiленген тәртiп бойынша ТҚ өртке қарсы қызметiнiң атқарылуын тексеруге;
- мемлекеттік өртке қарсы мекемелері мен басқару органдарынан ТҚ-нiң жағдайы туралы қажетті ақпараттарды сұратып алуға, өртке қарсы қызметiнде ТҚ-нiң ұйымдастыру сұрақтары бойынша өкiмдерi мен басқа да құжаттарымен танысуға;
- өртке қарсы қызметiнiң басқару органдары мен бөлiм басшыларына өрт сөндіру техникаларын, өрт-техникалық жарақтары мен жабдықтарын, өрт сөндiру құралдарын пайдалануды, техникалық қызмет көрсетуді ұымдастыру және кемшіліктерді жою туралы ұсыныс беруге;
- белгiленген тәртiп бойынша ТҚ-ті материалды-техникалық жабдықтау ұсыныстарымен келiсуге;
- тиiстi лауазымды қызметкерлерден ТҚ-i бойынша осы Жарғының талаптарының және басқа да нормативтiк актiлердiң орындалуын талап етуге;
- жұмыс тәртiбiн бұзған, өрт сөндіру автокөлiктерiнiң және басқа да мобильдi өрт сөндіру автокөлiктерiнiң жүргiзушiлерiн, сонымен қатар өрт сөндіру автокөлiгiн жүргiзу құқығына рұқсаты жоқ тұлғаларды жұмыстан шеттетуге;
- белгiленген тәртiп бойынша мемлекеттік өртке қарсы мекемелерлер бөлімшелері мен басқару органдарының бастықтарына өрт сөндіру техникасын, өрт техникалық жарақтарды пайдалануға жауапты лауазымды тұлғаларды, бөлiм жүргiзушiлерiн және техникалық қызметтің жеке құрамын мадақтау және жазалау туралы ұсыныс енгізуге құқылы.
Өртке қарсы қызмет гарнизонының байланыс қызметінің бастығы (бұдан әрі - БҚ) - басшы құрамның жақсы дайындығы бар тұлғалары арасынан мемлекеттік өрт сөндіру мекемесі басшысының бұйрығымен тағайындалады.
БҚ-нiң бастығы:
- гарнизондық және қарауылдық қызметтi атқару барысында мемлкеттік өрт сөндіру мекемелері мен басқару органдарының өрт сөндіру байланыс құралдарының дайындығын және ... жалғасы

Сіз бұл жұмысты біздің қосымшамыз арқылы толығымен тегін көре аласыз.