Болашақ мұғалімдерді 12-жылдық мектеп оқушыларына ұлттық тәрбие беруге дайындау тұжырымдамасы

1. Тұжырымдаманың қажеттiгi және оның мақсаты
2. Этнопедагогикалық бiлiм беру мазмұны
4. Этнопедагогикалық бiлiм беру тұжырымдамасын жүзеге асыру жағдайлары мен жолдары
5. Болашақ мұғалiмдердi оқушыларға ұлттық тәрбие беруге дайындаудың нобайы

12-жылдық мектеп оқушыларына ұлттық тәрбие беруге болашақ мұғалiмдердi кәсіби дайындау белгiлi бағдарламаға сай “Қазақ этнопедагогикасы” және “Қазақ этнопедагогикасының тарихы” атты оқу пәндерiн оқыту арқылы оларға этнопедагогикалық бiлiм мазмұнын берумен жүзеге асырылады.
“Ұлттық тәрбие” терминiн ендiру педагогика ғылымында әлi өз шешiмiн тапқан жоқ. Ол этнопедагогика ғылымында ендiрiлуi тиiс. Өйткенi этнопедагогика – ұлттық тәлiм-тәрбиенi жинақтайтын, оны қорытындылап, жүйелейтiн теориялық сипаттағы ғылым саласы.
Философия, саясаттану, мәдениеттану, психология ғылымдарында соңғы жылдары ұлттану терминдерiне жан-жақты әртүрлi анықтамалар берiле бастады.
Ұлт – адамдардың тарихи, әлеуметтiк, этникалық тұтастығы. Ал ұлттық – белгiлi бiр ұлтқа тән, оның ерекшелiктерiн көрсететiн, қамтитын дәстүр. Ұлттық ерекшелiктер оның тiлiнен, тарихынан, мәдениетiнен, салт-дәстүрiнен көрiнiс бередi. Егер осы ұлттық ерекшелiктердi ескере отырып жеке тұлғаны тәрбиелесе және оқытса, ол ұлттық тәрбие алады. Сонда ғана оның ұлттық мiнезi, санасы, намысы, дүниетанымы ұлттық сипатта дамып, бiртұтас болып қалыптасады.
Ұлттық мiнез деп ұлттың барлық психикалық ерекшелiктерiнiң жиынтығын; ұлттық сана – ұлттан ұлтты айыратын, тарихи себептердiң ықпалымен қалыптасқан субъективтi құбылыс; ұлттық намыс – өз ұлтының “мен” дегiзерлiк қасиеттерiн қызғыштай қорғайтын, ұлтты iргелi, жоғары деңгейге көтерудi аңсайтын да қолдайтын, iсiмен де күшiмен ұлттық намыс туын көтерiп, қара басын, керек болса, мәңгiлiкке жолдайтын қаракет; ұлттық дүниетаным – ұлттық болмыс көрiнiсi, саяси, адамгершiлiк, эстетикалық, дiни наным-сенiм, тәрбие, тарихи сана, басқа да дәстүрлi мәдени-рухани көзқарастар жүйесi, ал ұлттық бiлiм – бiлiм мазмұнындағы ұлттық дүниетаным.

1. Бөлеев Қ., Бөлеева Л.Қ. Ұлттық тәлім-тәрбие. Дайындық курсының бағдарламасы. – Жамбыл, 1993. – 15 б.
2. Бөлеев Қ. Қазақ халқының этнопедагогикасы. Оқу пәнінің бағдарламасы. – Жамбыл, 1992. – 17 б.
3. Бөлеев Қ., Бөлеев Т.Қ. Қазақ педагогикасының тарихы / Қазақстан мектебі, 1996, №2. – 44-53 б.
4. Бөлеев Қ. Қазақтың халық педагогикасы. Библиографиялық көрсеткіш. – Жамбыл, 1993. – 20 б.
5. Бөлеев Қ. Болашақ мұғалімдерді ұлттық тәрбиеге дайындау. – Алматы: Нұрлы Әлем, 1998. – 200 б.
6. Бөлеев Қ., Бөлеева Л. Мұғалім және ұлттық тәрбие. – Алматы: Нұрлы Әлем, 2000. – 116 б.
7. Бөлеев Қ., Арзымбетова Ш. Қазақ этнопедагогикасы.–Алматы: Нұрлы Әлем, 2001.– 96 б.
8. Болашақ мұғалімдерді оқушыларға ұлттық тәрбие беруге дайындаудың теориясы мен практикасы. – Алматы: Ғылым, 2001. – 152 б.
9. Бөлеев Қ. Болашақ мұғалімдерді оқушыларға ұлттық тәрбие беруге кәсіби дайындау: теориясы және практикасы. – Алматы: Нұрлы Әлем, 2004. – 304 б.