Білім беру ұйымдарында әдістемелік жұмысты басқару

Соңғы уақытта қазіргі мектептің негізгі проблемасы оқушы емес, мұғалім деген пікірлер көптепайтылудап. Мұның шындығы да бар. Өз пәні бойынша білімдері таяз, педагогика мен әдістемелік біліктер жайлы хабары аз, технологияларды білмейтін, тіпті сауаттылық деңгейі сын көтермейтін мамандарды әр мектептен кездестіруге болады. Мұғалімдердің кәсібилігіне, шеберлігі мен шығармашылығы жайындағы осындай мәселелерді шешуде әдістемелік жұмыстардың алатын орны ерекше. Сондықтан мамандарға әдістемелік тұрғыдан бағыт-бағдар беретін әртүрлі деңгейдегі мекемелердің өз қызметтерін қайта қарап, жаңашылдыққа қарай бетбұрыс жасауы өмір туындатып отырған қажеттіліктердің бірі деуге болады.
Әдістемелік жұмыстар – үздіксіз білімнің құрамдас бөлігі. Олар ұзтаздардың біліктілігін арттыруға, тұлғалық мәнді қажеттіліктерін қанағаттандыруға, «жеткіліксіз» құзырлылықтарын жетілдіруге ынталандырады.Әдістемелік жұмыстарға деген салғырттық, олардың мүмкіндіктеріне берілетін бағаның төмендігі жүйесіздікке, формализмге, тәжірибеден алшақтыққа жол берілуіне әкелетіндігі мәлім.
«ҚР орта және кәсіптік білім беру жүйесінің педагогикалық кадрларымен әдістемелік жұмыс туралы Ережесінде» - «әдістемелік жұмыс – бұл ғылым мен педагогикалық озат тәжірибе жетістіктеріне және оқу - тәрбие жұмысының нақтылығы жағдайына сүйене жүргізілген, өзара байланысты іс-әрекеттер мен шаралар жүйесі, ол әрбір мұғалім мен тәрбиешінің біліктілігін, кәсіби шеберлігін жан – жақты арттыруға бағытталған шаралар, педагогикалық ұжымның ілімдік мүмкіндік шамасын дамыту және арттыру, сайып келгенде, оқу-тәрбие жұмысын жетілдіру, нақты оқушыны білім, тәрбие алу және даму деңгейіне жеткізу» делінген.
Қазіргі кезде әдістемелік жұмысқа бұдан да басқа берілген әртүрлі анықтамалар бар.
Педагогика ғылымдары Академиясының академигі Ю.К.Бабапнский басқаратын зертхананың ғалымдары әдістемелік жұмыстарды ұйымдастыруда мына төменгі ұстанымдардың ескерілуін еске салады:
1. Әдістемелік жұмыстың өмірмен байланыстылығы
2. Әдістемелік жұмыстың ғылымилылығы.
3. Әдістемелік жұмыстың жүйелілігі.
4. Әдістемелік жұмыстың кешендік сипаты.
5. Жүйелілік, бірізділік, сабақтастық, үздіксіздік, бұқаралық.
6. Әдістемелік жұмыстың шығармашылық сипаты.
7. Әдістемелік жұмыстың нақтылығы.
8. Әдістемелік жұмыстың теория мен практиканың бірлігі.
9. Әдістемелік жұмыстың икемділігі, ептілігі, тез орындалуы.
10. Әдістемелік жұмыстың ұжымдық сипаты.
М.М.Поташник оқу-тәрбие үрдісінің тиімділігін арттыратын ғылымның жетістігі мен тәжірибеге негізделген, мұғалімдердің кәсіби біліктілігін арттыруға бағытталған тұтас іс шаралар негізінде қарастырған.
Жоғарыда келтірілген анықтамаларды әдістемелік жұмыстың мәні мен қызметіне қатысты барлық бағыттарды қамти отыра «іс-шара» дегеннің орнына жергілікті ғалым Б.А.Тұрғынбаева үздіксіз жүріп отыратын үрдіс деп айтукерек екендігін айтады. Себебі «іс-шара» белгілі бір уақытта, белгілі бір істі шешуді қамтамасыз ететін, мүмкіндігі шектеулі құрал, ал әдістемелік жұмыс педагогикалық шеберлікті дамыту үрдісі ретінде шексіз, тоқтаусыз болуы керек. Дәл осындай түсінік пен көзқарастың болмауынан барлық деңгейдегі әдістемелік жұмыстар көп жағдайда соңғы нәтижемен байланысы жоқ іс-шараға айналуда.
Әдістемелік жұмыстардың қазіргі кезде ғалымдар 30-дан аса формаларының бар екенін айтып отыр. Мұғалімдердің білімін көтеруге бағытталған әдістемелік жұмыстарды төмендегідей топтастыруға болады.