Юрген хабермастың коммуникативтік әрекет теориясы

1. Юрген Хабермас
2. Ю. Хабермастың пікірінше
3. Батыстың дамыған қоғамдарында кейінгі онжылдықта дамыған тартыстардың өзіндік ерекшеліктері
4. Қорытынды
5. Пайдаланған әдебиеттер

1. Юрген Хабермас- белгілі әлеуметтік ойшыл, қазіргі марксизмнің белгілі көшбасшыларының бірі, Франкфурктің Неомарксистік институтының директоры. Әлеуметтанудағы Хабермас идеясының орны оның идеяларымен және еңбектерімен анықталады. Оның жұмыстарының ішінде «коммуникативтік әрекеттер теориясы» атты 2 томдық еңбегі іргелі зерттеу болып табылады. Бұл еңбекте әлеуметтану классиктері Макс Вебер, Джордж Герберд Мид, Эмиль Дюркгчейм және Толкот Парсонс, Карл Маркс, Макс Хоркхаймер және Теодор Адорно мұралары мұқият талданады. Жұмыс теориялық сипатта болғанымен, Хабермас алғы сөзде былай дейді:
«Әрине, бұл ұсынып отырған еңбектің астарында қазіргі заман тарихының ауаны жасырылған . Алпысыншы жылдардан бастап, батыс қоғамы батыстық ақыл ойдың сынға ұшырайтын халіне тақалды. Бұл елдердегі ішкі қатынастардың бір қалыпқа түсуі және жалпы көпшіліктің молшылығын (әсіресе Германияда) көздеген мемелекеттік саясат әлеуметтанушылық және мәдени қиындықтардың өсуіне соқтырды. Біз сондай ақ кең ауқымдағы нарықтық қатынастардың тұрақсыздығын мойындай түсудеміз. Бұрын мұны тежеуге болғанымен, толық бақылауға ала алмағанбыз. Бұл құбылыстар жайлы теориялық пікірталастар батыс дәстүрі мен рухының терең негіздерін қозғайды».
Осылайша өзінің теориялық еңбегімен Хабермас ашық саяси мақсаттарды көздейді. Ең алдымен, ол екі лагерге көңіл аударады. Біріншіден, «Қайтсе де экономикадағы жіне қоғамдағы жаңғыртудың капиталистік үлгісін сақтауға тырысатын » - «консерваторларға» қаратып айтады. Хабермастың пікірінше, «ХІХ ғ. аяғынан бастап белгілі бір себептермен нарықтан мемлекеттке немесе, керісінше, көшкен, яғни бұл мәселелерді ақша мен билік арасында қақпақылдап отырған кезде бұл мәселелерге қайта-қайта оралып, жаңа идеялар табу қиын». Екінші жағынан, ол «өсімнің сыншылдарымен» де келіспейді.