Таза иілу

1. Тік кернеуді анықтау
2. Тік кернеу бойынша беріктікке есептеу шарты
3. Көлденең иілудегі жанама кернеуді анықтау

Ию моменті — арқалықтың көлденең қимасындағы ішкі тік кернеулердің қорытынды моменті. Тік кернеулердің шамасы мен қима бетіндегі таралу заңдылығын анықтау үшін таза иілген арқалықты қарастырайық (8, а-сурет).
Есептің статикалық жағы. Таза иілген арқалықтың кез келген көлденең қимасында ию моментінен басқа ішкі күштер нөлге тең. Ию моменті ішкі күштердің қорытынды моменті болғандықтан, көлденең кимада (m — m) жатқан кез келген нүктеде тек қана тік кернеу әсер етеді (8, б-сурет).
Статикалық теңдіктер кернеудің шамасы мен қима бетіндегі таралу заңдылығын анықтауға жеткіліксіз. Сондықтан, есеп бір рет статикалық анықталмаған.
Таза иілу кезіндегі деформациялану процесін жазық қималардың бір-біріне қарағандағы бұрылуы деп қарастыруға болады. Бір-бірінен dz қашықтықта орналасқан көршілес екі қиманы қарастырайық. Иілу әсерінен бұл қималар бір-бірінен бұрыш жасай бұрылады. Иіліген кезде қиманың жоғарғы талшықтары созылады да, төменгі талшықтары сығылады. Ал СD талшығының ұзындығы өзгермейді.. Арқалықтың ұзындығы өзгеріссіз қалатын талшықтарының геометриялық орны бейтарап жазықтық деп, ал бейтарап жазықтықтың кез келген көлденең қимамен қиылысу сызығы, қиманаң бейтарап сызығы деп аталады. Бұл кезде СD=C’D’=dz=ρdθ. CD сызығынан у қашықтықта орналасқан АВ кесіндісі иілудің арқасында шамасына ұзарады.