Жылуөткізбейтін материалдар

1 Шыны талшық (шыны мақта)
2 Минералды мақта
3 Пенополистирол
4 Изолон

Қазіргі заманғы жылуөткізбейтін материалдар мынадай болып бөлінеді:
-минералды(шыны талшық және минералды мақта)
-пенополистирол,изолон
Шыны талшық (шыны мақта) – минералды талшықтың түрі. Ол
жылуөткізбейтін және акустикалық бұйымдарды өндіру кезінде жартылай
фабрикат болып табылады. Шыны талшықты өндіру үшін шикізат болып шихта
табылады, шихта нақты пропорцияда араластырылған кварцті топырақтан,
әктастан (доломит) және содадан (натрий сульфаты) тұрады. Шихта шыны
балқытатын ванна пешінде балқытылады және одан кейін шыны талшыққа
қайта өңделеді.
Орташа диаметрге байланысты шыны талшық былай бөлінеді: ультра
жіңішке (УЖ), диаметрі 1 мкм кем, супер жіңішке (СЖ) – 1–3 мкм, жіңішке –
4–12 мкм, қалыңдатылған –12–25 мкм және қалың – 25 мкм артық. Талшықтың ұзындығы бойынша үздіксіз (ұзындығы 3 м және одан артық) және штапелді (ұзындығы 30–50мм) болып бөлінеді.
Үзілмеген шыны талшықтан жылуөткізбейтін төсеніштерді, жолақтарды жасайды. Шыны талшықтан алынған төсеніштерді диаметрі 108 мм асатын аппараттарды және құбырларды оқшаулау үшін қолданады, жолақтарды беттің температурасы – 180-нен +450 дейін немесе +500 °С (маркаға байланысты) болатын және диаметрі 108 мм кем құбырларды оқшаулау үшін пайдаланады.Штапелді шыны талшықтарды (МЕМСТ 10499 – 95) түрлі тәсілдермен балқытылған шыны массадан алады: бумен тік булау (БТБ) немесе ауамен булау (БТА), ысытылған газдардың ағынымен үзілмеген шыны талшықтарды ортадан тепкіш, ортадан тепкіш-фильерлі-үрлеу, үрлеу әдісімен алады.