Инновациялық қызметті мемлекеттік реттеу

Пән: Экономика
Жұмыс түрі: Материал
Тегін: Антиплагиат
Көлемі: 13 бет
Таңдаулыға:

Инновациялық қызметті мемлекеттік реттеу

Мазмұны:

1. Инновациялық қызметті мемлекеттік реттеу

2. Дамыған елдердегі инновациялық қызметті реттеу

3. Ұлттық инновациялық жүйе мәні мен мазмұны

1. Инновациялық қызметтерді реттеу мақсатында мемлекет инновациялық қызметке тікелей және жанама қолдау көрсете алады. Инновациялық қызметті тікелей мемлекеттік реттеу ғылым мен техниканың дамуының негізгі бағыттарын таңдау, мемлекеттік бюджеттен жобаларды мақсатты қаржыландыру, инновациялық қызмет инфрақұрылымын қалыптастыру және т. с. с. негізінде жүзеге асады. Ал инновациялық қызметті жанама реттеуге фискалдық әдістерді қолдану (жеңілдікті салық салу, жылдамдатылған амортизация, жеке нарықтар мен саласында реттеу), интеллектуалдық меншікті құру және қорғау саласында нормативті құқықтық реттеу, ғылыми білімді коммерциялизациялауға қатысушылар үшін қолайлы жағдайлар жасау жатады.

Өндірістік қатынастардың негізгі субъектісі - мемлекет болып табылады. Бүгінгі таңда мемлекеттің тиімді әлеуметтік - экономикалық жүйені қалыптастыруда белгілі рөлге ие болуында ғана емес, елді жаңа инновациялық деңгейге көтеруде, әсіресе өндірістік салада бір талпыныс күшін құру керек. Бұл өз кезегінде ұзақ мерзімді қаржылық шығындар, яғни осы үдерісті ұйымдастырумен байланысты үлкен қызмет. Осыған орай инновациялық үдеріске тиімді әсер ету үшін мемлекет қандай іс - қимыл жасау керек екенін анықтап алу керек.

Эволюциялық даму жағдайында ұлттық деңгейде инновациялық жүйенің қалыптасуының негізгі субъектісі - жеке бизнес болып табылады. сондықтан да, инновациялық кәсіпкерлікті қалыптастыруға мемлекеттің белсенді қатысуы заңды құбылыс деп түсіну керек.

Реттеу әдісі

Сипаттамасы

Реттеу әдісі: Техника - технологиялық

Сипаттамасы: Жаңа техника және технологияны, технологиялық инновацияларды жасап шығару және жетілдіру, ұйымдық технологиялық құрылымды қалыптастыру

Реттеу әдісі: Экономикалық

Сипаттамасы: Салықтық жеңілдіктер, банктік және мемлекеттік кепілдіктер, табыстылық нормасы, инвестициялық жеңілдіктер, мемлекеттік инвестициялар, кедендік жеңілдіктер, жеделдетілген амортизация және т. б.

Реттеу әдісі: Ұйымдастырушылық

Сипаттамасы: Бірлескен кәсіпорын құруға қатысу, кәсіпорынды қайта құру, орта және шағын бизнесті дамыту және т. б.

Реттеу әдісі: Нормативтік - құқықтық

Сипаттамасы: Шаруашылық субъектілерінің қызметін реттейтін ережелерді бекіту (заңдар және актілер), экономикалық орталықтандыруды бақылау.